ជនជាតិចិន៦នាក់រួមនឹងគ្រឿងញៀនចម្រុះជិត១គីឡូក្រាមត្រូវបានសមត្ថកិច្ចបង្រ្កាបបាននៅខេត្តព្រះសីហនុ។  ស្នងការនគរបាលខេត្តព្រះសីហនុ លោកឧត្តមសេនីយ៍ទោ ជួន ណារិន្ទ បានបញ្ជាក់ ថាការបង្រ្កាបនោះគឺបានធ្វើ ឡើងរយៈពេល២ថ្ងៃគឺចាប់ពីថ្ងៃទី២៦ ដល់ថ្ងៃទី២៧ ខែកញ្ញា ឆ្នាំ២០២១ ស្ថិតនៅចំណុច សង្កាត់២ ក្រុងព្រះសី ហនុ។

ជនជាតិចិន៤នាក់ និងអ្នកនាំផ្លូវម្នាក់បម្រុងលួចឆ្លងដែនខុសច្បាប់ទៅថៃត្រូវបានសមត្ថកិច្ចឃាត់ខ្លួននៅខេត្ត បន្ទាយមានជ័យ។ ការឃាត់ខ្លួននោះគឺបានធ្វើឡើងកាលពីយប់ថ្ងៃទី២៨ ខែកញ្ញា ឆ្នាំ២០២១ ស្ថិតត្រង់ភូមិសាស្ត្រ អូរព្រំដែន ភូមិកោះស្នួល ឃុំទួលពង្រ ស្រុកម៉ាឡៃ។

ធនាគារអភិវឌ្ឍន៍អាស៊ី ADB បានអនុម័តប្រាក់កម្ចី៨២លានដុល្លារ ដើម្បីកែលម្អផ្លូវក្នុងខេត្តចំនួន២របស់កម្ពុជា។ សេចក្ដីប្រកាសព័ត៌មាន ADB ថ្ងៃទី២៩ ខែកញ្ញា ឆ្នាំ២០២១នេះបញ្ជាក់ថា ធនាគារអភិវឌ្ឍន៍អាស៊ី បានអនុម័ត ប្រាក់កម្ចីចំនួន៨២លានដុល្លារ ដើម្បីកែលម្អផ្លូវជាតិនិងផ្លូវខេត្តប្រវែង៤៨គីឡូម៉ែត្រ ដែលស្ថិតក្នុងខេត្តព្រៃវែង និងកណ្តាល ដើម្បីជំរុញការអភិវឌ្ឍសេដ្ឋកិច្ច តាមច្រករបៀងសេដ្ឋកិច្ចមហាអនុតំបន់មេគង្គ។

មន្ត្រីប៉ូលីសចិននៃស្នងការដ្ឋាននគរបាលសន្តិសុខសាធារណៈនៃទីក្រុងប៉េកាំង បានធ្វើកិច្ចពិភាក្សាជាមួយ នឹង ស្នងការនគរបាលរាជធានីភ្នំពេញនៅថ្ងៃទី២៩កញ្ញានេះ តាមប្រព័ន្ធវីដេអូអនឡាញ។

«វិមានកីឡដ្ឋាននៃពហុកីឡដ្ឋានជាតិមរតកតេជោ» គ្រោងនឹងសម្ពោធដាក់ឲ្យប្រើប្រាស់នាចុងខែវិច្ឆិកាខាងមុខ នេះ ក្រោយពិធីប្រគល់និងទទួលបានធ្វើប្រមាណជាងកន្លះខែមកនេះ។ អគ្គលេខាធិការគណៈកម្មាធិការជាតិ លោក វ៉ាត់ ចំរើន បានថ្លែងប្រាប់បណ្តាញសារព័ត៌មានកាលពីម្សិលមិញ។

សាលារៀនជិត១ម៉ឺនកន្លែងហើយត្រូវបានបើកដំណើរការឡើងវិញជាមួយនឹងសិស្សសាលាប្រមាណ១លាន នាក់ដោយការរៀនមានការឆ្លាស់វេនគ្នា។

ខេត្តមណ្ឌលគិរី បានបិទបញ្ចប់យុទ្ធនាការចាក់វ៉ាក់សាំងជុំទី១ក្នុងខេត្តមណ្ឌលគិរីនៅថ្ងៃទី២៩កញ្ញានេះហើយ គ្រាដែលខេត្តចំនួន៥ទៀតនឹងត្រូវបន្តបិទជាបន្តបន្ទាប់។ ប្រធានគណៈកម្មការចំពោះកិច្ចចាក់វ៉ាក់សាំងទូទាំងប្រ ទេស លោកស្រី ឱ វណ្ណឌីន បានថ្លែងក្នុងមណ្ឌលគីរីថ្ងៃនេះ។

មនុស្សចំនួន៦៣នាក់ ត្រូវបានឃាត់ខ្លួនរយៈពេល២៤ម៉ោងកន្លងមកនេះ ក្នុងអំពើល្មើសបំពានវិធានរដ្ឋបាល និង វិធានសុខាភិបាលក្នុងស្ថានការណ៍ដែលរាជរដ្ឋាភិបាលកំពុងបន្តឹងការអនុវត្តច្បាប់ប្រឆាំងនឹងការឆ្លងកូវីដ១៩។ 

ក្រុមសហគ្រិនវ័យក្មេងដែលចង់រួមចំណែកកាន់តែខ្លាំងក្នុងការលើកស្ទួយខឿនសេដ្ឋកិច្ចកម្ពុជាកាន់តែប្រសើរ បានស្នើរកអនុសាសន៍ពីឧបនាយករដ្ឋមន្ត្រីនិងជារដ្ឋមន្ត្រីក្រសួងការបរទេសកម្ពុជាលោក ប្រាក់ សុខុន ដែលជា អ្នកនយោបាយជើងចាស់ និងជាមគ្គុសទេសក៍ការទូតដ៏ឆ្នើមរបស់កម្ពុជា។

ប្រទេសអាស៊ានទាំង១០ក្នុងរយៈពេល២៤ម៉ោងចុងក្រោយនេះ ការឆ្លងកូវីដ១៩ថ្មី មានចំនួន៤ម៉ឺន៦ពាន់ ៥០១ ករណី និងការស្លាប់ថ្មីមានចំនួន៩១៧នាក់។ នេះជាតួលេខឆ្លងថយចុះ៣ពាន់១៦៧ករណីបើប្រៀប ធៀបនឹង ម្សិលមិញ, ចំណែកតួលេខស្លាប់បានកើនឡើង៥៦នាក់។ ប្រទេសដែលមានការឆ្លងថ្មីក្នុងរយៈ ពេល២៤ម៉ោង ចុង ក្រោយ នេះនៅ អាស៊ាន មាន១០ប្រទេស។ ចំណែកការ ស្លាប់ថ្មីមានចំនួន១០ប្រទេសផងដែរ។