ប្រជាពលរដ្ឋដែលបានទទួលការចាក់វ៉ាក់សាំងក្នុងរយៈពេល២៤ម៉ោងកន្លងមកនេះមានចំនួន ៦ម៉ឺន៧ពាន់២៧ នាក់។

ការឆ្លងជំងឺកូវីដ១៩ក្នុងប្រទេសកម្ពុជាក្នុងរយ:ពេល២៤ម៉ោងកន្លងមកនេះ មានចំនួន៨៨១ករណី ដែលជាតួលេខ ឆ្លងកាន់តែកើនឡើងលើសម្សិលមិញចំនួន១៥ករណី។ ការឆ្លងក្នុងខ្ទង់ជាង៨០០ករណីនេះបានកើត ឡើង៦ថ្ងៃ ជាប់ៗគ្នាមកហើយនៅក្នុងខែកញ្ញានេះ។

នាយកគ្រប់គ្រងនាវា MT Strovolos ដែលលួចដឹកប្រេងឆៅរបស់កម្ពុជា និងត្រូវបានចាប់ក្នុងដែនទឹកប្រទេស ឥណ្ឌូណេស៊ីនោះ ត្រូវបានតុលាការឥណ្ឌូណេស៊ីបានកាត់ទោសឃុំខ្លួនហើយ។ នាវា MT Strovolos បានលួច ចាកចេញពីកម្ពុជា  កាលពីថ្ងៃទី១៨មិថុនាដោយដឹកប្រេងឆៅចេញពីកម្ពុជាចំនួន៣០ម៉ឺនធុង។

មន្ត្រីនាំពាក្យរាជរដ្ឋាភិបាលកម្ពុជាលោក ផៃ ស៊ីផាន បានថ្លែងនៅថ្ងៃនេះបង្ហាញក្តីសោកស្តាយចំពោះការស្នើច្បាប់មួយរបស់សភាតំណាងរាស្ត្រអាមេរិក។ សេចក្តីស្នើច្បាប់មួយឈ្មោះ ច្បាប់ប្រជាធិបតេយ្យកម្ពុជាឆ្នាំ២០២១ ដែល ស្នើដោយអ្នកតំណាងរាស្ត្រអាមេរិកម្នាក់ឈ្មោះ ស្ទីវ ឆាបុត បានចោទកម្ពុជាថាបានបំផ្លាញប្រជាធិបតេយ្យក្នុងប្រ ទេស។

រដ្ឋមន្រ្តីក្រសួងមហាផ្ទៃកម្ពុជា និងរដ្ឋមន្ត្រីក្រសួងសន្តិសុខសាធារណៈនៃប្រទេសចិន បានចុះហត្ថលេខាលើផែន ការងារស្ដីពីការបន្តអនុវត្តឆ្នាំនៃកិច្ចសហប្រតិបត្តិការអនុវត្តច្បាប់រវាងប្រទេសទាំងពីរ។ ការចុះហត្ថលេខារវាង សម្តេចក្រឡាហោមសខេង និងលោកចាវ ឃើជឺ បានធ្វើក្នុងពិធីមួយនាល្ងាចថ្ងៃទី២៨ ខែកញ្ញាតាមប្រព័ន្ធវីដេអូ។

នាយករដ្ឋមន្ត្រីកម្ពុជា បានស្នើរដ្ឋមន្ត្រីក្រសួងយុត្តិធម៌ពិនិត្យសេចក្តីស្នើមួយរបស់អតីតប្រធានចលនាយុវជន គណបក្សសង្គ្រោះជាតិ ប្រចាំនៅប្រទេសកូរ៉េខាងត្បូង ដែលស្នើអាជ្ញាធរកម្ពុជាដកចេញជុំវិញការចោទប្រកាន់ របស់តុលាការការ។

នាយករដ្ឋមន្ត្រីឡាវ លោកផនខាំ វីផារ៉ាន់ បានថ្លែងអំណរគុណប្រមុខរាជរដ្ឋាភិបាលកម្ពុជាដោយចាត់ ទុកការ ផ្តល់វ៉ាក់សាំងរបស់កម្ពុជាចំនួន២០ម៉ឺនដូស គឺជាការរួមចំណែកជួយប្រទេសឡាវសម្រេចនូវទិសដៅ៥០ភាគ រយក្នុងការចាក់វ៉ាក់សាំងជួនពលរដ្ឋឡាវក្នុងដំណាច់ឆ្នាំ២០២១។

រដ្ឋបាលស្រុកជលគិរី នៃខេត្តកំពង់ឆ្នាំង បានសម្រេចបិទខ្ទប់ជាបណ្តោះអាសន្នទីតាំងផ្នែកខ្លះនៃ ឃុំពាមឆ្កោក ដើម្បីទប់ស្កាត់ការឆ្លងរាលដាលនៃជំងឺកូវីដ១៩ ។ មិនមានសេចក្តីរាយការណ៍បញ្ជាក់លំអិតនូវតួលេខផ្ទុះឆ្លង ក្នុងឃុំពាមឆ្កោកនៃស្រុកជលគីរី ដែលនាំឲ្យមានការបិទខ្ទប់នោះឡើយ។

ខេត្តព្រៃវែង បានសម្រេចផ្អាកដំណើរការផ្សារក្រុងព្រៃវែង ជាបណ្តោះអាសន្នរយៈពេល ១៤ថ្ងៃ បន្ទាប់ពីមាន អាជីវករលក់ដូរក្នុងផ្សារ រកឃើញមានវិជ្ជមានកូវីដ១៩ ក្រោយមានអាការសង្ស័យ ។ យោងតាមរដ្ឋបាលខេត្ត ផ្សារក្រុងព្រៃវែង ដែលមានទីតាំងស្ថិតក្នុងភូមិលេខ៣ សង្កាត់កំពង់លាវ ក្នុងក្រុងព្រៃវែង នឹងត្រូវបិទចាប់ពីថ្ងៃទី ២៩ ខែកញ្ញា រហូតដល់ថ្ងៃទី១២ ខែតុលា។  

ខេត្តព្រះសីហនុបានផ្អាករោងចក្រចំនួន៣រយ:ពេល១៤ថ្ងៃ ក្រោយរកឃើញកម្មករមួយចំនួនឆ្លងកូវីដ-១៩ ។ ការ សម្រេចផ្អាកនេះគឺបានធ្វើឡើងតាមរយៈសេចក្តីប្រកាសមួយរបស់រដ្ឋបាលខេត្តព្រះសីហនុនៅថ្ងៃទី២៨ ខែកញ្ញា ដែលការផ្អាកនឹងចាប់ផ្តើមពីថ្ងៃនេះទៅ។