ប្រទេសអាស៊ានទាំង១០ក្នុងរយៈពេល២៤ម៉ោងចុងក្រោយនេះ ការឆ្លងកូវីដ១៩ថ្មី មានចំនួន៤ម៉ឺន៩ពាន់៦៦៨ ករណី និងការស្លាប់ថ្មីមានចំនួន៨៦១នាក់។ ប្រទេសដែលមានការឆ្លងថ្មីក្នុងរយៈ ពេល២៤ម៉ោងចុង ក្រោយ នេះនៅ អាស៊ាន មាន៩ប្រទេស។ ចំណែកការ ស្លាប់ថ្មីមានចំនួន៩ប្រទេស៕

ប្រជាពលរដ្ឋដែលបានទទួលការចាក់វ៉ាក់សាំងក្នុងរយៈពេល២៤ម៉ោងកន្លងមកនេះមានចំនួន៨ម៉ឺន១ពាន់៨១៥ នាក់។យោងតាមក្រសួងសុខាភិបាល,តួលេខនៃចំនួនសរុបដែលប្រជាពលរដ្ឋទូទាំងប្រទេសបានទទួលការចាក់ វ៉ាក់សាំងគិតត្រឹមថ្ងៃទី២៨ខែកញ្ញា បានកើនដល់១៣លាន២សែន៦ពាន់២៣៦នាក់ហើយ, ក្នុងនោះ អ្នកបានចាក់ វ៉ាក់សាំងដូសទី២រួច មានចំនួន១០លាន៩សែន៣ម៉ឺន៩ពាន់២៣៩នាក់។

វ៉ាក់សាំងស៊ីណូវ៉ាក់ចំនួន៣លានដូសដែលជាវ៉ាក់សាំងបញ្ជាទិញពីប្រទេសចិន បានដឹកមកដល់កម្ពុជានៅថ្ងៃទី ២៨កញ្ញា នេះ។ រដ្ឋលេខាធិការក្រសួងសុខាភិបាល លោកស្រីយក់សម្បត្តិ បានថ្លែងថាវ៉ាក់សាំងចំនួន៣លាន ដូសនេះ នឹង ត្រូវទុកប្រើប្រាស់ជាដូសជម្រុញ៕

មនុស្សចំនួន១៥នាក់ ត្រូវបានឃាត់ខ្លួនរយៈពេល២៤ម៉ោងកន្លងមកនេះ ក្នុងអំពើល្មើសបំពានវិធានរដ្ឋបាល និង វិធានសុខាភិបាលក្នុងស្ថានការណ៍ដែលរាជរដ្ឋាភិបាលកំពុងបន្តឹងការអនុវត្តច្បាប់ប្រឆាំងនឹងការឆ្លងកូវីដ១៩។ 

តួលេខឆ្លងជំងឺកូវីដ១៩ក្នុងប្រទេសកម្ពុជាក្នុងរយ:ពេល២៤ម៉ោងកន្លងមកនេះ មានចំនួន៨៦៦ករណី ដែលជាតួ លេខនៅតែបន្តកើនខ្ពស់ក្នុងរយៈពេល៥ជាប់គ្នាមកហើយនេះ។ ប្រធានគណៈកម្មការចំពោះកិច្ចចាក់វ៉ាក់សាំង កូវីដ១៩ទូទាំងប្រទេសលោកស្រី ឳ វណ្ណឌីន បានថ្លែងបារម្ភជុំវិញតួលេខឆ្លងដែលនៅតែបន្តកើនឡើងខ្ពស់នេះ។

កម្ពុជាបានផ្តល់វ៉ាក់សាំងជាលើកដំបូងដល់ប្រទេសជិតខាងក្នុងតំបន់ដែលការផ្តល់នេះត្រូវបានគេចាត់ទុកថាជា ការបង្ហាញនូវការយកចិត្តទុកដាក់ដ៏ខ្ពស់របស់ប្រមុខរាជរដ្ឋាភិបាលកម្ពុជាចំពោះសុខមាលភាពប្រជាពលរដ្ឋនៃ ប្រទេសទាំងពីរដែលរស់នៅជាប់ព្រំដែនជាមួយគ្នា។

គ្រឿងញៀនជិត១គីឡូក្រាមនិងបុរសជនសង្ស័យម្នាក់ត្រូវសមត្ថកិច្ចបង្ក្រាបនៅខេត្តតាកែវ។ ជនសង្ស័យឈ្មោះ លិន តូច អាយុ ៤៧ឆ្នាំ ត្រូវបានសមត្ថកិច្ចឃាត់ខ្លួនតាំងពីថ្ងៃទី២៤កញ្ញា។

ប្រធានគ្រឹះស្ថានវិវឌ្ឍន៍ហ្គោលឌិនហ្វាយនែនសាខាស្វាយអន្ទរ ក្នុងខេត្តព្រៃវែងត្រូវបានសមត្ថកិច្ចចាប់ខ្លួន ក្រោយការសម្លាប់ស្ត្រីធ្វើការម្នាក់ស្ថិតក្រោមបង្គាប់។ ជនសង្ស័យជាឃាតករឈ្មោះ យ៉ុម ចន្ថា អាយុ២២ឆ្នាំ  បាន ទទួលសារភាពកំហុសក្រោយការចាប់ខ្លួន។

ខេត្តព្រះសីហនុ បានរាយការណ៍ជុំវិញមានអ្នកឆ្លងជំងឺកូវីដ១៩ ចំនួន ១៤៤ នាក់ នៅថ្ងៃនេះ ដែលនាំឲ្យរយៈពេល ៧២ម៉ោងកន្លងមកនេះ មានអ្នកឆ្លងជំងឺកូវីដ១៩ក្នុងខេត្តមួយនេះមានច្រើនរហូតដល់ ២៦៥នាក់ ។

រដ្ឋបាលខេត្តឧត្តរមានជ័យ បានសម្រេចកំណត់យកភូមិសាស្រ្តមួយចំនួន នៅក្នុងសង្កាត់កូនក្រៀល នៃក្រុង សំរោង ដាក់ជាតំបន់ក្រហមបណ្តោះអាសន្ន ដើម្បីទប់ស្កាត់ការរីករាលដាលនៃជំងឺកូវីដ១៩ ។ មិនមានសេចក្តីរាយការណ៍បញ្ជាក់លំអិតនូវតួលេខផ្ទុះឆ្លងក្នុងសង្កាត់កូនក្រៀលនៃក្រុងសំរោងដែលដាក់ជាតំបន់ក្រហមនោះ ឡើយ។