រដ្ឋបាលខេត្តសៀមរាប បានកំណត់ផ្នែកខ្លះនៃឃុំចំនួន ២ នៃស្រុកប្រាសាទបាគង ជាតំបន់ក្រហម រយៈពេល ១សប្តាហ៍ ចាប់ពីថ្ងៃនេះទៅ នៅទន្ទឹមនឹងស្ថានភាពឆ្លងនៃជំងឺកូវីដ១៩ ក្នុងខេត្តទេសចរណ៍មួយនេះនៅមិនទាន់ បានស្ងប់នៅ ឡើយនោះទេ ។

ផ្ទះពលរដ្ឋច្រើនខ្នងផ្ទះ បានរងការជន់លិចដោយសារជំនន់ទឹកភ្លៀងនៅថ្ងៃទី២៧កញ្ញា នេះក្នុងខេត្តប៉ៃលិនប៉ុន្តែ មិនមានសេចក្តីរាយការណ៍ជុំវិញមនុស្សរងគ្រោះថ្នាក់នោះទេ។ កម្ពុជាកំពុងរងឥទ្ធិពលនៃប្រព័ន្ធសម្ពាធ ទាប ITCZ និងខ្យល់មូរសុងនីរតីក្នុងល្បឿនមធ្យមដែលការព្យាករណ៍បានព្រមាននូវការប្រុងប្រយ័ត្នក្នុងសប្តាហ៍នេះដែលតាមតំបន់ខ្លះនឹងធ្វើឲ្យមានករណីប្រឈមជំនន់ទឹកភ្លៀង។

ច្រកអូរចំនួន៤ក្នុងខេត្តបន្ទាយមានជ័យដែលស្ថិតជាប់ព្រំដែនថៃ ត្រូវបានទឹកហូរពីប្រទេសថៃឆ្លងកាត់ចូលមក ក្នុងទឹកដីកម្ពុជានៅថ្ងៃនេះ ប៉ុន្តែមិនទាន់មានសេចក្តីរាយការណ៍ភ្លាមអំពីផលប៉ះពាល់ឬការរងគ្រោះថ្នាក់ណាមួយ នោះទេ។

តំបន់មួយចំនួន ដែលស្ថិតនៅស្ថានីយ៍ជលសាស្ត្រផ្សារក្រោម នៃខេត្ដកំពង់ឆ្នាំង បានរងការលិច គ្រាដែល ភ្លៀង បានធ្លាក់ជាប់ៗគ្នាទាំងថ្ងៃទាំងយប់ ។ មន្ទីធនធានទឹកនិងឧតុនិយមខេត្តកំពង់ឆ្នាំង លោក ដោក ប៊ុនថុន បានថ្លែង ថា ក្រោយមានភ្លៀង ធ្លាក់ជាប់ៗគ្នានេះមក បានធ្វើឱ្យស្ថានភាពទឹកទន្លេសាប កាន់តែកើនឡើងប៉ុន្តែមិនទាន់ស្ថិត ក្នុងកម្រិតប្រកាសអាសន្ននោះឡើយ។

យុវជនម្នាក់ បានស្លាប់ក្នុងហេតុការណ៍លង់ទឹកនៅក្នុងខេត្តព្រះវិហារ។ យុវជនឈ្មោះ ជុំ មិថុនា អាយុ១៩ឆ្នាំ ត្រូវ ក្រុមគ្រួសារបញ្ជាក់ថាបានស្លាប់ក្នុងពេលកំពុងលេងទឹកកាលពីល្ងាចទី២៦កញ្ញាក្នុងទំនប់ទឹកមួយកន្លែងនៅក្នុង ឃុំស្រឯមនៃស្រុកជាំក្សាន។

អាជីវកម្មរ៉ែមាសរបស់ក្រុមហ៊ុនវិនិយោគ Renaissance Minerals (Cambodia) Ltd ក្នុងខេត្តមណ្ឌលគិរីបាន ចម្រាញ់មាសប្រមាណ៥២២គីឡូក្រាមហើយក្រោយដាក់ឲ្យដំណើរការប្រមាណ៣ខែមកនេះ។កម្ពុជាបានប្រ កាសដាក់ដំណើរអាជីវកម្មរ៉ែមាសជាលក្ខណៈឧស្សាហកម្មកាលពីថ្ងៃទី២១មិថុនាឆ្នាំ២០២១ នៅតំបន់អូរខ្វាវ ក្នុង ខេត្តមណ្ឌលគិរី។

គណៈកម្មការទី៧នៃរដ្ឋសភា បានចុះពិនិត្យស្ថានភាពនៃការបង្រៀននិងរៀនតាមបណ្តុំ នៅតាមគ្រឹះស្ថានសិក្សា សាធារណៈ និងឯកជននៅក្នុងខេត្តកំពង់ស្ពឺថ្ងៃនេះ។

សេចក្តីណែនាំ១១ចំណុចរបស់ក្រសួងអប់រំស្តីពីការបើកដំណើរការឡើងវិញ នូវគ្រឹះស្ថានឧត្តមសិក្សា សាធារ ណៈ និងឯកជន បានចេញផ្សាយនៅថ្ងៃនេះ ក្រោយប្រសាសន៍បើកភ្លើងខៀវរបស់សម្តេចតេជោហ៊ុនសែនកាល ពីចុងសប្តាហ៍កន្លងមកនេះ។ តើសេចក្តីណែនាំ១១ចំណុចមានអ្វីខ្លះក្នុងបរិបទដែលកម្ពុជាកំពុងមានការឆ្លងនៃ ជម្ងឺកូវីដ១៩នេះ៕

កម្ពុជាបានចូលរួមបង្ហាញគោលជំហរជាក់លាក់របស់ខ្លួនតាមរយៈកិច្ចប្រជុំមហាសន្និបាតអង្គការសហប្រជាជាតិ លើកទី៧៦។ សុន្ទរកថារបស់ប្រមុខរាជរដ្ឋាភិបាលតាមរយៈប្រព័ន្ធវីដេអូថ្ងៃទី២៥កញ្ញា បានលើកឡើងតាំងពី បញ្ហាឆ្លងកូវីដ១៩, បញ្ហាប្រកួតប្រជែងផ្នែកភូមិសាស្ត្រនយោបាយ, មូលហេតុដែលកម្ពុជាត្រូវពង្រឹងនូវពហុភាគី និយម, ការប្តេជ្ញារបស់កម្ពុជាក្នុងការថែរក្សាសន្តិភាពនិងសន្តិសុខពិភពលោកក្រោមឆ័ត្រអង្គការ សហប្រជាជាតិ,

មនុស្សចំនួន១៨នាក់ ត្រូវបានឃាត់ខ្លួនរយៈពេល២៤ម៉ោងនេះ ដែលនាំឱ្យការឃាត់ខ្លួនមនុស្សក្នុងរយៈពេល ៧២ម៉ោងបានកើនឡើងដល់់១៨៦នាក់ ក្នុងអំពើល្មើសបំពានវិធានរដ្ឋបាលនិងវិធានសុខាភិបាល ។