អគារយ៉ាងហោចចំនួន៣នៃរោងចក្រ Internal Union Industry ក្នុងខេត្តកំពង់ស្ពឺ បានរងនឹងការឆេះប៉ុន្តែមិនមាន ករណីមនុស្សរងគ្រោះថ្នាក់ឡើយ។ រោងចក្រ Internal Union Industry ដែលផលិតគ្រឿងបន្សំកាបូប និងគ្រឿង បន្សំស្បែកជើង មានទីតាំងនៅក្នុងភូមិខ្វាវ, ឃុំរកាកោះ នៃស្រុកគងពិសី។

ទាហានមួកខៀវកម្ពុជាជាង៣០០នាក់ គ្រោងនឹងចេញទៅប្រទេសម៉ាលី នាដើមខែតុលាឆ្នាំ២០២១ខាងមុខនេះ ដើម្បីធ្វើការផ្លាស់ប្តូរវេន។ អគ្គនាយកមជ្ឈមណ្ឌលជាតិគ្រប់គ្រងកងកម្លាំងរក្សាសន្តិភាព បោសសម្អាតមីន និង កាកសំណល់សង្គ្រាម នាយឧត្តមសេនីយ៍ សែមសុវណ្ណនី បានថ្លែងកាលពីថ្ងៃទី២៣កញ្ញាថាទាហានមួកខៀវ

ខេត្តកែប បានប្រកាសដាក់ឲ្យដំណើរការសាលាដំបូងនិងអយ្យការអមសាលាដំបូងខេត្ត ដែលទើបនឹងមាន ជាលើកទី១នៅក្នុងខេត្តដែលបានបង្កើតថ្មីប្រមាណជាង១០ឆ្នាំមកនេះ។

ប្រធានយុវជននៃអតីតគណបក្សសង្គ្រោះជាតិ និងសមាជិក សមាជិកា នៅតាមបណ្តាសង្កាត់និងខណ្ឌ ក្នុងរាជ ធានីភ្នំពេញ បានសុំចូលរួមជីវភាពនយោបាយជាមួយនឹងគណបក្សប្រជាជនកម្ពុជានៅថ្ងៃទី២៤កញ្ញានេះ។ ក្រុម ដែលបានមកចូលរួមនេះ បានថ្លែងថាពួកគេអស់ជំនឿហើយលើអតីតមេដឹកនាំបក្សប្រឆាំងដែលតែងតែធ្វើការ ញុះញង់ឲ្យជាតិមានចលាចល។

ពលរដ្ឋជាង៤០០គ្រួសារដែលរងនឹងវិបត្តិកូវីដ១៩និងមានជីវភាពអន់ថយនៅក្នុងសង្កាត់មួយនៃខណ្ឌមានជ័យ បានទទួលអំណោយ។ ខណ្ឌមានជ័យគឺជាខណ្ឌមួយដែលមានមនុស្ស ឆ្លងកូវីដ១៩ជាង៥០០នាក់និងមានមនុស្ស ដោយសារជម្ងឺឆ្លងរាតត្បាតនេះចំនួន១៧នាក់៕

រដ្ឋបាលខេត្តតាកែវ បានសម្រេចបិទខ្ទប់បណ្តោះអាសន្នឃុំចំនួន២នៃស្រុកព្រៃកប្បាស ក្រោយការរកឃើញ មានឆ្លងវីរុសបំប្លែងថ្មី Delta នៅតំបន់នោះ ។

ប្រទេសអាស៊ានទាំង១០ក្នុងរយៈពេល២៤ម៉ោងចុងក្រោយនេះ ការឆ្លងកូវីដ១៩ថ្មី មានចំនួន៦ម៉ឺន១ពាន់ ៦៤៣ករណី និងការស្លាប់ថ្មីមានចំនួន៧២៨នាក់។

ប្រជាពលរដ្ឋដែលបានទទួលការចាក់វ៉ាក់សាំងក្នុងរយៈពេល២៤ម៉ោងកន្លងមកនេះ មានចំនួន ១សែន៥ម៉ឺន៧ ពាន់៥១នាក់។

វ៉ាក់សាំងស៊ីណូវ៉ាក់៦លានដូសដែលជាវ៉ាក់សាំងសម្រាប់ដូសជម្រុញនិងសម្រាប់ចាក់លើកុមារក្រោមអាយុ ១២ឆ្នាំបានមកដល់កម្ពុជានៅថ្ងៃនេះ និងមកដល់បន្តថែមទៀតនៅថ្ងៃទី២៨កញ្ញា។ កម្ពុជាកំពុងសម្រុកលើយុទ្ធ នាការចាក់វ៉ាក់ដូសទី៣និងលើកុមារក្រោមអាយុ១២ឆ្នាំ។

តួលេខឆ្លងជំងឺកូវីដ១៩ក្នុងរយ:ពេល២៤ម៉ោងកន្លងមកនេះ បានលោតឡើងកាន់តែខ្ពស់ដល់ជាង៨០០ករណី ទន្ទឹមនឹងសេចក្តីរាយការណ៍ផ្ទុះឆ្លងមួយចំនួនកើតឡើងតាមទីវត្តអារាម។ ការឆ្លងថ្ងៃនេះ មានចំនួន៨៨២ករណី ដែលលើសពីម្សិលមិញ១៨៤ករណី។