មនុស្សចំនួន១៧នាក់ ត្រូវបានឃាត់ខ្លួនរយៈពេល២៤ម៉ោងកន្លងមកនេះ ក្នុងអំពើល្មើសបំពានវិធាន រដ្ឋបាល និងវិធានសុខាភិបាលក្នុងស្ថានការណ៍ដែលរាជរដ្ឋាភិបាល កំពុងបន្តឹងការអនុវត្តច្បាប់ ប្រឆាំង នឹងការឆ្លងកូវីដ ១៩។ 

ព្រះសង្ឃ, តាអាចារ្យនិងកូនសិស្សតាមវត្តចំនួន១៥១វត្ត នៅក្នុងរាជធានីភ្នំពេញ ត្រូវបានគេចុះយកសំណាក ក្រោយការផ្ទុះឆ្លងដែលកើតឡើងតាមវត្តក្នុងរយៈពេល២ថ្ងៃកន្លងមកនេះ។

ពិធីកាន់បិណ្ឌនិងភ្ជុំបិណ្ឌ ដែលនៅសល់រយៈពេល១១ថ្ងៃទៅមុខទៀត នឹងត្រូវបិទ ដោយទេយ្យទាននិងចង្ហាន់ អាហារដែលត្រូវប្រគេនដល់ព្រះសង្ឃ នឹងត្រូវធ្វើតាមរយៈការសម្រួលយន្តការជាមួយសមត្ថកិច្ចដែនដីរៀងៗ ខ្លួន។

កិច្ចប្រជុំកំពូលស្តីពីប្រព័ន្ធស្បៀងសកលនៃអង្គការសហប្រជាជាតិ Food Systems Summit 2021 បានប្រព្រឹត្ត ទៅនៅទីស្នាក់ការអង្គការសហប្រជាជាតិ ដោយមានការអញ្ជើញចូលរួមពីតំណាងថ្នាក់ដឹកនាំរដ្ឋាភិបាលពីប្រ ទេសនានានិងពីតំណាងអង្គការនានាទូទាំងពិភពលោក។ ពីប្រទេសកម្ពុជា, កិច្ចប្រជុំកំពូល Food Systems Summit 2021 បានអញ្ជើញចូលរួមដោយប្រធានក្រុមប្រឹក្សាស្តារ អភិវឌ្ឍន៍វិស័យកសិកម្មនិងជនបទ ឯកឧត្តម ឧបនាយករដ្ឋមន្ត្រីយឹម ឆៃលី ដែលជាតំណាងដ៏ខ្ពង់ខ្ពស់របស់សម្តេចតេជោហ៊ុនសែន៕

រដ្ឋធម្មនុញ្ញនៃប្រទេសកម្ពុជាទើបបានអាយុ២៨ឆ្នាំទេគិតត្រឹមថ្ងៃទី២៤កញ្ញាឆ្នាំ២០២១។ ហេតុអ្វីបានជារដ្ឋធម្ម នុញ្ញនៃព្រះរាជាណាចក្រកម្ពុជាទើបតែមានខួប២៨ឆ្នាំនេះ?

ព្រះមហាក្សត្រ និងសម្តេចម៉ែ នឹងយាងត្រឡប់មកមាតុប្រទេសវិញ នៅថ្ងៃសៅរ៍ចុងសប្តាហ៍នេះវិញហើយ ក្រោយព្រះរាជដំណើរពិនិត្យព្រះរាជសុខភាពជាទៀងទាត់ នៅក្នុងរដ្ឋធានីប៉េកាំងនៃប្រទេសចិន។ យោងតាម ព្រះបរមរាជវាំង, ព្រះករុណាព្រះបាទសម្តេចព្រះបរមនាថ នរោត្តមសីហមុនីនិងសម្តេចព្រះមហាក្សត្រី នរោត្តម មុនិនាថសីហនុ នឹងយាងមកដល់វេលាពេលរសៀលថ្ងៃទី២៥កញ្ញា។

មនុស្សចំនួន១១ម៉ឺននាក់បានរងផលប៉ះពាល់ដោយផ្ទាល់ និងរាប់ម៉ឺននាក់ទៀតបានរងផលប៉ះពាល់ដោយ ប្រយោលក្នុងវិបត្តិនៃជំងឺរាតត្បាតកូវីដ១៩នៅក្នុងប្រទេសកម្ពុជា។

អគ្គិភ័យមួយបានឆាបឆេះក្នុងខណ្ឌមានជ័យក្នុងរាជធានីភ្នំពេញនារសៀលថ្ងៃ២៣កញ្ញានេះ ប៉ុន្តែមិនមានសេច ក្តីរាយការណ៍មនុស្សរងគ្រោះថ្នាក់នោះទេ៕

ជប៉ុន បានដកកម្ពុជាចេញពីចំណោមប្រទេស ត្រូវធ្វើចត្តាឡីស័កក្នុងពេលមកដល់ប្រទេសជប៉ុនទៀតហើយ។ ការប្រកាសដកចេញនេះ ត្រូវបានជួនដំណឹងដោយស្ថានឯកអគ្គរាជទូតកម្ពុជាប្រចាំប្រទេសជប៉ុន នៅថ្ងៃទី២៣ កញ្ញានេះ។

ការឆ្លងរាលដាលកូវីដ១៩ក្នុងខេត្តសៀមរាប នៅមិនទាន់បានស្ងប់នៅឡើយទេ។ រដ្ឋបាលខេត្ត បានប្រកាសបន្ត ការដាក់សង្កាត់ទាំង១២ ទូទាំងក្រុងសៀមរាប ជាតំបន់ក្រហម និងតំបន់លឿង ទុំ បន្តរយៈពេល១សប្តាហ៍ទៀត៕