សន្និសីទលើកទី៨នៃគណៈកម្មការកិច្ចការបរទេសនៃសភាកម្ពុជា-ឡាវ-វៀត ណាម CLV ដែលកម្ពុជាបានធ្វើជា ម្ចាស់ផ្ទះ បានចាប់ដំណើរការនៅថ្ងៃទី២៣កញ្ញានេះហើយតាមប្រព័ន្ធវីដេអូ។

ការផ្ទុះឆ្លងជាបន្តបន្ទាប់តាមវត្តមួយចំនួនក្នុងពេលដែលមានពិធីជួបជុំកាន់បិណ្ឌនាពេលនេះ បានជម្រុញឲ្យ ប្រមុខរាជរដ្ឋាភិបាលប្រញាប់បញ្ចេញសារសម្លេងមួយនារសៀលថ្ងៃទី២៣កញ្ញាស្នើរកការពិចារណាផ្អាកពិធី បុណ្យប្រពៃណីជាទំនៀមទំលាប់នេះ។

នាយករដ្ឋមន្ត្រីនៃប្រទេសកម្ពុជា បានអំពាវនាវពិភពលោកត្រូវធ្វើការរួមគ្នា, គាំទ្រគ្នាទៅវិញទៅមក ដើម្បីការ បញ្ចប់អំពើរាតត្បាតនៃជម្ងឺកូវីដ១៩។ ប្រសាសន៍អំពាវនាវរបស់សម្តេចតេជោហ៊ុនសែន បានធ្វើឡើងក្នុងកិច្ចប្រ ជុំកំពូលសកលស្តីពីជម្ងឺកូវីដ១៩ដែលរៀបចំឡើងដោយប្រធានាធិបតីអាមេរិក លោក ចូ បៃដិន កាលពីថ្ងៃទី២២ កញ្ញាតាមប្រព័ន្ធវីដេអូ។

ខេត្តព្រៃវែងបានបន្តរាយការណ៍ជុំវិញមានអ្នកឆ្លងជំងឺកូវីដ១៩ ចំនួន ៦២នាក់ និងមានអ្នកស្លាប់ម្នាក់ ក្នុងរយៈ ពេល ២៤ម៉ោងចុងក្រោយនេះ ។

រដ្ឋបាលខេត្តព្រះវិហារ បានសម្រេចបិទខ្ទប់និងកំណត់តំបន់មួយចំនួននៃស្រុកសង្គមថ្មី ជាតំបន់ក្រហម រយៈ ពេល ២សប្តាហ៍ ដើម្បីទប់ស្កាត់ការឆ្លងរាលដាលនៃជំងឺកូវីដ១៩ ។ នេះជាការកំណត់តំបន់ដទៃបន្ថែមទៀតជា តំបន់ក្រហមបន្ទាប់ពីសប្តាហ៍មុនដែលរដ្ឋបាលខេត្តបានកំណត់ឃុំម្លូរព្រៃពីរនៃស្រុកឆែប ធ្វើជាតំបន់ក្រហមផង ដែរនោះ។

ជនសង្ស័យដែលបានដាក់បង្កៃគ្រាប់បែកជាប់នឹងទ្រូត្រីនិងបានបណ្តាលអោយមនុស្សម្នាក់បានស្លាប់នៅ ខេត្តសៀមរាបនោះ ត្រូវបានសមត្ថកិច្ចចាប់ខ្លួនបាននិងបញ្ជូនខ្លួនទៅតុលាការហើយ។ គួរបញ្ជាក់ថាបុរស ចំណាស់អាយុ៧៨ឆ្នាំម្នាក់ឈ្មោះ ឆាវ រ៉ាយ ត្រូវបានជនមិនស្គាល់មុខបានបង្កៃគ្រាប់បែកជាប់នឹងទ្រូរបស់ គាត់ នៅផ្លូវរទេះចាស់មួយកន្លែងស្ថិតនៅភូមិរំដេង, ឃុំស្រណាល នៃស្រុកក្រឡាញ់ កាលពីថ្ងៃទី១៩កញ្ញា។ ឃាតករ

បុរសម្នាក់បានស្លាប់ក្នុងហេតុការណ៍គ្រោះអគ្គិភ័យមួយដែលកើតឡើងនៅក្នុងរាជធានីភ្នំពេញ។ បុរសដែលគេ មិនទាន់បានបញ្ចេញអត្តសញ្ញាណ ត្រូវសមត្ថកិច្ចបានរាយការណ៍ថា មានអាយុប្រមាណជាង៧០ឆ្នាំ ដែលសាក សពត្រូវបានឆេះរោលដោយភ្លើងវេលាទាបភ្លឺឈានចូលថ្ងៃទី២២កញ្ញា នៅភូមិ៤ សង្កាត់វាលវង់ ខណ្ឌ៧មករា ។ ភ្លើងបានឆេះសម្លាប់បុរសនោះ នៅក្នុងផ្ទះថ្មបេតុងដែលមានទំហំ ៤ម៉ែត្រ គុណនឹង១២ម៉ែត្រ។ ពោះមូលហេតុនៃ ការឆាបឆេះសមត្ថកិច្ចកំពុងធ្វើការស្រាវជ្រាវ។

អាជ្ញាធរខេត្ដកំពង់ធំ បានអំពាវនាវដល់ពលរដ្ឋត្រូវត្រៀម និងមានការប្រុងប្រយ័ត្ន ចំពោះទឹកជំនន់ នាពេលខាង មុខ ខណៈកម្ពស់ទឹកស្ទឹងសែន បានដង្ហក់ឡើងជាបន្ដបន្ទាប់។ ក្រសួងធនធានទឹក ក្នុងសប្ដាហ៍នេះ បាន ព្យា ករណ៍ថា បណ្ដារាជធានី-ខេត្ដមួយចំនួន អាចនឹងមានជំនន់ទឹកភ្លៀងផងដែរដោយសារតែកម្ពុជារងឥទ្ធិពល ប្រព័ន្ធសម្ពាធទាប ITCZ៕

ស្ត្រីរងគ្រោះម្នាក់ដោយសារអំពើជួញដូរមនុស្សខុសច្បាប់នៅក្នុងប្រទេសចិន ត្រូវបានគេជួយសង្គ្រោះហើយ ក្រោយសេចក្តីអំពាវនាវតាមបណ្តាញសង្គមស្វែងរកការជួយពីប្រមុខដឹកនាំរាជរដ្ឋាភិបាលកម្ពុជា។ ស្ត្រីរងគ្រោះ ឈ្មោះ អាត់ សុភ័ក្រ អាយុ២៥ឆ្នាំ ត្រូវគេរកឃើញរស់នៅទីក្រុងណានឆាង Nanchang នៃខេត្តជាំង ស៊ី Jiangxi នៃប្រទេសចិន។

ខេត្តកែបទើបនឹងមានជាលើកទីមួយនូវសាលាដំបូងនិងអយ្យការអមសាលាដំបូងខេត្ត ដែលគ្រោងនឹងសម្ពោធ ដាក់ឲ្យប្រើប្រាស់នៅថ្ងៃទី២៤កញ្ញា។ ខេត្តកែបដែលជាប់នឹងមាត់សមុទ្ទ គឺជាខេត្តដែលទើបនឹងបំបែកចេញពី ខេត្តកំពតយោងតាមព្រះរាជក្រិត្យថ្ងៃទី២២ធ្នូឆ្នាំ២០០៨។