ប្រជាពលរដ្ឋកម្ពុជា បានប្រារព្ធថ្ងៃកាន់បិណ្ឌដំបូងនៅថ្ងៃទី២២កញ្ញានេះ នៅទន្ទឹមនឹងប្រសាសន៍អំពាវនាវរបស់ សម្តេចតេជោនាយករដ្ឋមន្ត្រីសួមឲ្យពលរដ្ឋបន្តប្រុងប្រយ័ត្នទប់ស្កាត់ការឆ្លងរីករាលដាលជំងឺកូវីដ-១៩។ ក្នុងពិធី កាន់បិណ្ឌថ្ងៃដំបូងនេះ សេចក្តីរាយការណ៍ជុំវិញការឆ្លងកូវីដ១៩នៅទូទាំងប្រទេសមានចំនួន៦៣៧ ដែលស្ថិតក្នុង កម្រិតខ្ពស់ប្រុងប្រយ័ត្នជាដដែល៕

ធនាគារអេឌីប៊ី បានរាយការណ៍ថ្ងៃទី២២កញ្ញានេះ ជុំវិញភាពវិវត្តន៍នៃដំណើរការសេដ្ឋកិច្ចកម្ពុជាក្នុងរង្វង់ដែល បាននិងកំពុងរងវិបត្តិ នៃជម្ងឺឆ្លងរាតត្បាតកូវីដ១៩៕

ព្រះអង្គម្ចាស់នរោត្តម ច័ក្រពង្ស់ បានស្នើបណ្តាសារព័ត៌មានអន្តរជាតិចៀសវាងការផ្សព្វផ្សាយព័ត៌មានដែល អាចប៉ះពាល់ដល់កិត្តិយសនិងសេចក្តីថ្លៃថ្នូរនៃរបបរាជានិយមកម្ពុជា។

សម្តេចនាយករដ្ឋមន្ត្រីហ៊ុនសែន ត្រៀមនឹងថ្លែងចូលរួមក្នុងកិច្ចកំពូលកូវីដ១៩ជាសកលមួយ ដែលរៀបចំឡើង ដោយប្រធានាធិបតីអាមេរិកលោកចូបៃដិន។ កិច្ចប្រជុំកំពូលកូវីដ១៩ជាសកលនេះ បានស្ថិតក្រោមប្រធានបទ «ការបញ្ចប់ជម្ងឺរាតត្បាតនិងការកសាងឲ្យបាន ប្រសើរឡើងវិញ»៕

សម្តេចម៉ែនិងព្រះមហាក្សត្រខ្មែរ ទើបនឹងទទួលបានការចាក់វ៉ាក់សាំងដូសទី២ទេ។ សេចក្តីរាយការណ៍ពីប្រ ទេសចិន បានបញ្ជាក់ថាព្រះអង្គទាំងទ្វេ បានសព្វព្រះរាជហឬទ័យចាក់វ៉ាក់សាំងដូសទី២ការពារជំងឺកូវីដ-១៩ នេះ ពីក្រុមគ្រូពេទ្យចិននៅទីក្រុងប៉េកាំង។

ក្រុមហ៊ុនចំនួន៣ទៀត ដែលមានទុននិយោគសរុបជាង១៥លាន១សែន ដុល្លារអាមេរិក ត្រូវបានក្រុមប្រឹក្សាអភិ វឌ្ឍន៍កម្ពុជា CDC បានសម្រេចអោយធ្វើការបណ្តាក់ទុន។ យោងតាម CDC, ក្រុមហ៊ុនទាំង៣ដែលបានអនុម័ត នោះ អាចបង្កើតការងារដល់ពលរដ្ឋ បានចំនួន៣៧៥កន្លែង៕

មណ្ឌលកីឡាហែលទឹកស្ដង់ដារអន្តរជាតិមួយ តម្លៃជិត២លានដុល្លារ នៅខេត្តបាត់ដំបង ត្រូវបានសាងសង់ ជិតរួចរាល់ហើយ ។ អគ្គលេខាធិការសហព័ន្ធខ្មែរកីឡាហែលទឹក លោក ហែម គិរី បានថ្លែងបញ្ជាក់ជុំវិញការ សាងសង់ជិតរួចរាល់នូវមណ្ឌលកីឡាហែលទឹកស្ដង់ដារអន្តរជាតិនេះ បន្ទាប់ពីបានអញ្ជើញត្រួតពិនិត្យមើលជាក់ ស្តែង។

កូនសត្វក្រពើភ្នំជាហ្វូងចំនួនប្រមាណ៨ក្បាល ត្រូវបានប្រទះឃើញនៅក្នុងដែនជម្រកធម្មជាតិនៃតំបន់ស្រែពក នៃខេត្តមណ្ឌលគិរី។ សត្វក្រពើភ្នំគឺជាប្រភេទសត្វដែលកំពុងរងគ្រោះថ្នាក់ជិតផុតពូជបំផុតលើសកលលោក។

ក្រសួងបរិស្ថាន បានដាក់ឱ្យដំណើរការប្រើប្រាស់នូវឡដុតសំរាម និងសំណល់វេជ្ជសាស្ត្រនានានៅក្នុងខេត្តកែប ដើម្បីការរួមចំណែកថែរក្សាអនាម័យបរិស្ថានល្អក្នុងខេត្តដែលជាប់នឹងមាត់សមុទ្ទនេះ។

ដំណើរការសាងសង់អាកាសយានដ្ឋានអន្តរជាតិ សៀមរាបអង្គរថ្មី សម្រេចបានជិត ៥០%ហើយ បើទោះបីជា មានវិបត្តិកូវីដ១៩ក៏ដោយ។ អ្នកនាំពាក្យអាកាសចរស៊ីវិល លោក ស៊ិន ចាន់សិរីវុត្ថា បានបញ្ជាក់ជុំវិញដំណើរ ការសាងសង់ព្រលានយន្តហោះហោះខ្នាតធំអន្តរជាតិក្នុងខេត្តសៀមរាបតម្លៃជិត៩០០លានដុល្លារ ក្នុងដំណាក់ កាលសាងសង់លើកទី ១នាពេលនេះ។