មនុស្សចំនួន២៥៦នាក់ ត្រូវបានឃាត់ខ្លួនរយៈពេល២៤ម៉ោងកន្លងមកនេះ ក្នុងអំពើល្មើសបំពានវិធានរដ្ឋបាល និងវិធានសុខាភិបាលក្នុងស្ថានការណ៍ដែលរាជរដ្ឋាភិបាលកំពុងបន្តឹងការអនុវត្តច្បាប់ប្រឆាំងនឹងការឆ្លងកូវីដ១៩។

ការបន្តបើកដោយលួចលាក់នូវហាងខារ៉ាអូខេមួយកន្លែងក្នុងខណ្ឌពោធិ៍សែនជ័យ បាននាំឲ្យមានការឆ្លងកូវីដ ១៩ដល់មនុស្ស៦នាក់។ រដ្ឋបាលខណ្ឌពោធិ៍សែនជ័យ បានថ្លែងថា គេបានចុះទៅបិទហាងខារ៉ាអូខេនិងភោជ នីយដ្ឋាន ឈ្មោះ ថុន វាសនា នោះហើយ កាលពីយប់ថ្ងៃទី២០ ខែកញ្ញា ឆ្នាំ ២០២១។

តុលាការ បានចេញដីកាសម្រេចលើកលែងការចោទប្រកាន់ និងបញ្ឈប់ការចាប់ខ្លួន លោក សេង សារី ហើយ ក្រោយពីពិនិត្យសំណុំរឿងសព្វគ្រប់។ លោកសេង សារី ដែលជាសាស្ត្រាចារ្យនៅសកលវិទ្យាល័យមានជ័យ ខេត្ត បន្ទាយមានជ័យ មុននេះត្រូវបានគេសង្ស័យការជាំប់ពាក់ព័ន្ធនឹងការបង្កើតរដ្ឋាភិបាលនៅក្រៅស្រុក ក្រោយការ វិភាគ៦ ចំណុចរបស់លោក។

សម្តេចនាយករដ្ឋមន្ត្រីហ៊ុនសែន បានប្តេជ្ញាការពារយ៉ាងមោះមុតនូវការថែរក្សាសន្តិភាពនិងស្ថិរភាពក្នុងប្រទេស កម្ពុជាទោះក្នុងតម្លៃណាក៏ដោយ ដែលការប្តេជ្ញានេះ បានធ្វើឡើងក្នុងសារលិខិតមួយក្នុងឳកាសទិវាសន្តិភាពអន្តរ ជាតិ។

ក​ម្ពុជាបានកំណត់ទីតាំងយកប្រាសាទអង្គរវត្តធ្វើជាកន្លែងរៀបចំព្រះរាជពិធីសុំភ្លើងអាទិទេពសម្រាប់បើក ព្រឹត្តិការណ៍ស៊ីហ្គេមឆ្នាំ២០២៣។

ស្ពានដែកបេឡេត៍ថ្មី ឆ្លងកាត់អូរតាណុប ប្រវែងជាង២០ម៉ែត្រ ស្ថិតនៅក្នុងស្រុកសង្គមថ្មី នៃខេត្ដព្រះវិហារ ត្រូវ បានដាក់សម្ពោធឱ្យប្រើប្រាស់ ដែលនឹងជួយសម្រូលការធ្វើដំណើរដល់ពលរដ្ឋជាច្រើននៅក្នុងស្រុកដែលធ្លាប់តែ

ប្រទេសរុស្ស៊ីបានចាប់អារម្មណ៍លើការវិនិយោគគម្រោងធំៗចំនួន៥ នៅកម្ពុជា។ គម្រោងវិនិយោគទាំង៥ ដែល ប្រទេសរុស្ស៊ីបានចាប់អារម្មណ៍ចង់ធ្វើការបណ្តាក់ទុននោះរួមមាន១.គម្រោងផលិតកម្មដំបូលស៊ីប្រូ និងបំពង់លូ, ២.ផលិតកម្មដំឡើងរថយន្តដឹកទំនិញ KAMAZ និងបណ្តាញផ្តល់សេវាកម្ម , ៣.ការផ្គត់ផ្គង់ឧបករណ៍ដុតកាក សំណល់រឹង, ៤.ការផលិតល្បាយអ៊ីសូឡង់ការពារកំដៅបានមកពីអង្កាម ឬចំបើង និងទី៥.គម្រោងផ្គត់ផ្គង់ ឧបករណ៍បណ្តាញអ៊ីនធឺណិតរហ័ស។

កម្ពុជាទទួលបានចំណូលជាង៥ពាន់លានដុល្លារ ពីការនាំចេញសម្លៀកបំពាក់ នៅរយៈពេល៨ខែឆ្នាំនេះ ។ យោងតាមទិន្នន័យក្រសួងពាណិជ្ជកម្ម ការនាំចេញផលិតផលសម្លៀកបំពាក់របស់កម្ពុជា ចាប់ពីខែមករា ដល់ ខែសីហា ឆ្នាំ២០២១ មានទឹកប្រាក់ចំនួន ៥ពាន់២១លាន៨សែន៨ម៉ឺន៩ពាន់៤៤២.៩៩ ដុល្លារ ដែលកើនជាង ១៦០លានដុល្លារ ប្រៀបធៀបនឹងរយៈពេលដូចគ្នាឆ្នាំ២០២០ ។

កម្ពុជាដែលមានទំហំពាណិជ្ជកម្មជាមួយកូរ៉េខាងត្បូងប្រមាណជាង៧០០លានដុល្លាររួចមកហើយនេះ នឹងរំពឹង កំណើនទំហំកាន់តែធំថែមទៀត ក្រោយការចុះហត្ថលេខាលើកិច្ចព្រមព្រៀងពាណិជ្ជកម្មសេរីមួយរវាងប្រទេស ទាំង២។

យ៉ាងហោចមានប្រជាពលរដ្ឋប្រមាណ៤០គ្រួសារ ព្រមទាំងផលដំណាំមួយចំនួន ក្នុងបន្ទាយមានជ័យ ត្រូវបាន រងផលប៉ះពាល់ដោយសារជំនន់ទឹកភ្លៀងនិងទឹកជំនន់ហូរធ្លាក់មកពីប្រទេសថៃ។ អភិបាលខេត្តបន្ទាយមានជ័យ លោក អុំ រាត្រី  បានថ្លែងនៅថ្ងៃទី២០ ខែកញ្ញានេះថា គ្រួសារពលរដ្ឋដែលទាំង៤០គ្រួសារដែលរងផលប៉ះពាល់ នោះ គឺស្ថិតក្នុងសង្កាត់ប៉ោយប៉ែត និងសង្កាត់ផ្សារកណ្តាល។