ដំណើរការសាងសង់ព្រលានយន្តហោះក្នុងខេត្តមណ្ឌលគិរី ត្រូវបានពន្យាពេលដោយសារតែវិបត្តិឆ្លងនៃកូវីដ១៩ ។

ក្រសួងធនធានទឹកនិងឧតុនិយមបានដាស់តឿនការប្រុងប្រយ័ត្នសុវត្ថិភាពទន្ទឹមនឹងការព្យាករណ៍បង្ហាញការ ធ្លាក់ភ្លៀងច្រើនក្នុងសប្តាហ៍នេះដែលអាចនឹងបង្កគ្រោះទឹកជំនន់។ ការព្យាករណ៍បានបង្ហាញថាកម្ពុជានឹងទទួល រងនូវឥទ្ធិពលប្រព័ន្ធសម្ពាធទាប ITCZ ដែលអូសបន្លាយកាត់លើតំបន់ជួរភ្នំដងរែក និងខ្ពង់រាបភាគឦសាន ជា មួយនឹងខ្យល់មូសុងនិរតីបក់ នៅក្នុងល្បឿនមធ្យមទៅបង្គួរ។

អាជ្ញាធរខេត្តមណ្ឌលគិរី បានបង្ខំចិត្តសម្រេចបិទខ្ទប់ក្រុមហ៊ុនចម្ការម្រេចរបស់ជនជាតិកូរ៉េនាថ្ងៃ២១កញ្ញានេះ ខណៈការឆ្លងកម្មករក្នុងក្រុមហ៊ុនវែលបាយអូរនោះ មានចំនួនជាង១០០នាក់ទៅហើយ។

ការលក់ដូរក្នុងផ្សារលើនៃក្រុងកំពង់ឆ្នាំងដែលគ្មានសណ្តាប់ធ្នាប់ បានបង្ខំឲ្យសមត្ថកិច្ចអនុវត្តវិធានការក្តៅនៅ ថ្ងៃទី២១កញ្ញានេះ។ ផ្សារលើក្នុងក្រុងកំពង់ឆ្នាំង គឺជាផ្សារមួយដែលកន្លងមក អាជ្ញាធរធ្លាប់បានចុះបិទយ៉ាង ហោច២ដងហើយ ក្រោយការផ្ទុះឡើងនៃជំងឺកូវីដ-19 នៅក្នុងផ្សារនោះ។

បណ្តាខេត្តជាបន្តបន្ទាប់ បានធ្វើការបិទបញ្ចប់យុទ្ធនាការចាក់វ៉ាក់សាំង ក្នុងនោះខេត្តកំពង់ចាម ត្រូវបានបិទនៅ ថ្ងៃទី២១កញ្ញានេះ។ ពិធីបិទយុទ្ធនាការចាក់វ៉ាក់សាំងកូវីដ១៩ ជុំទី១ក្នុងខេត្តកំពង់ចាមនេះ បានធ្វើឡើងក្រោម អធិបតីភាពលោកស្រីរដ្ឋលេខាធិការ ឳ វណ្ណឌីន នៃក្រសួងសុខាភិបាល៕

ប្រទេសអាស៊ានទាំង១០ក្នុងរយៈពេល២៤ម៉ោងចុងក្រោយនេះ ការឆ្លងកូវីដ១៩ថ្មី មានចំនួន៥ម៉ឺន៧ពាន់១២៧ ករណី និងការស្លាប់ថ្មីមានចំនួន១ពាន់៤៧នាក់។ ប្រទេសដែលមានការឆ្លងថ្មីក្នុងរយៈ ពេល២៤ម៉ោងចុង ក្រោយ នេះនៅអាស៊ាន មាន១០ប្រទេស។ ចំណែកការ ស្លាប់ថ្មីមានចំនួន៩ប្រទេស៕

ប្រជាពលរដ្ឋដែលបានទទួលការចាក់វ៉ាក់សាំងក្នុងរយៈពេល២៤ម៉ោងកន្លងមកនេះ មានចំនួន ២សែន២ម៉ឺន ៦ពាន់២៧៤នាក់ ។

ការឆ្លងជំងឺកូវីដ១៩ក្នុងរយ:ពេល២៤ម៉ោងកន្លងមកនេះ មានចំនួន៦២៨ករណី និងជាតួលេខថយចុះ៧០ករណី បើប្រៀបធៀបនឹងម្សិលមិញ។ ការឆ្លងនៅថ្ងៃនេះ គឺជាការឆ្លងស្ថិតក្នុងខ្ទង់ជាង៦០០ករណីជាដដែលនិងមានរយៈ ពេល១២ថ្ងៃជាប់គ្នាហើយក្នុងរង្វង់ខែកញ្ញានេះ។ ការឆ្លងថ្មី៦២៨ករណីនៅថ្ងៃនេះទៀត រួមាន៥០៧ករណីជាការ ឆ្លងចូលក្នុងសហគមន៍ និង១២១ករណី គឺជាការឆ្លងនាំចូលមកពីក្រៅប្រទេស។

មនុស្ស៧០៩នាក់បានស្លាប់ និង១ពាន់៧៩២នាក់បានរងរបួសក្នុងគ្រោះថ្នាក់ចរាចរណ៍រយៈពេល៦ខែដើមឆ្នាំ ២០២១នេះ។ តួលេខបង្ហាញការស្លាប់និងរបួសនេះ ត្រូវបានលើកឡើងក្នុងកិច្ចប្រជុំបូកសរុបការងារសុវត្ថិភាព ចរាចរណ៍ផ្លូវគោកឆមាសទី១ និងលើកទិសដៅការងារឆមាសទី២ ឆ្នាំ២០២១ របស់គណៈកម្មាធិការជាតិ សុវត្ថិភាពចរាចរណ៍ផ្លូវគោក។

ស្នងការដ្ឋាននគរបាលរាជធានីភ្នំពេញ បានថ្លែងថាគេនឹងប្រើប្រាស់កំលាំងប្រមាណជិត២ពាន់នាក់ ដើម្បី ពង្រាយការពារសន្តិសុខសណ្ដាប់ធ្នាប់ នៅក្នុងរាជធានី នាឱកាសបុណ្យ ភ្ជុំបិណ្ឌ ឆ្នាំ២០២១នេះ។