អាជ្ញាធររាជធានី បានចុះសំអាតផ្លូវ១៤១ក្នុងខណ្ឌ៧មករា ក្រោយឳសានវាទដាក់ចេញក្នុងការរៀបចំសណ្តាប់ ធ្នាប់តាមដងផ្លូវក្នុងរាជធានីភ្នំពេញ។

អាជ្ញាធរជាតិអប្សរា បានចាប់ផ្តើមជួសជុលកាំជណ្តើរច្រាំងកសិន្ធុប្រាសាទអង្គរវត្តផ្នែកខាងត្បូងនៃស្ពានហាល។ អាជ្ញាធរជាតិអប្សរាបានថ្លែងថាការជួសជុលនេះ  គឺដើម្បីលើកតម្លៃសំណង់បុរាណឱ្យនៅគង់វង្ស, ការជួយរក្សា ទឹកទុកដើម្បីភាពរឹងមាំរបស់គ្រឹះប្រាសាទ និងការបង្កើនសោភ័ណភាពស្រស់ស្អាតបន្ថែមនៃប្រាសាទអង្គរ វត្ត។

ទឹកសំលាប់មេរោគធម្មជាតិច្រើនពាន់លីត្រថែមទៀត ត្រូវបានក្រុមហ៊ុនសហគ្រាសផលិតបរិក្ខាពេទ្យ Leisure Asia Corporation  បានផ្តល់ជូនសហភាពសហព័ន្ធយុវជនកម្ពុជាក្នុងការប្រយុទ្ធប្រឆាំងនឹងជំងឺកូវីដ១៩ ។  ការប្រ គល់-ទទួលនូវជំនួយឧបត្ថម្ភនេះ បានធ្វើឡើងនារសៀលថ្ងៃទី១៥ ខែកញ្ញា ឆ្នាំ២០២១ នៅទីស្នាក់ការកណ្តាល

ក្រសួងមហាផ្ទៃ បានសម្រេចចុះបញ្ជីជូនគណបក្សកែទម្រង់កម្ពុជាហើយនៅថ្ងៃទី១៥កញ្ញានេះ។ គណបក្សកែ ទម្រង់កម្ពុជា គឺជាគណបក្សរបស់អតីតមន្ត្រីគណបក្ស​ប្រឆាំង គឺលោក អ៊ូ ច័ន្ទរ័ត្ន និងលោក ប៉ុល ហំម។

មន្ត្រីអនុព័ន្ធយោធានៃសាធារណរដ្ឋប្រជាមានិតចិន វរសេនីយ៍ឯកពិសេសលីជីងហ្វេង បានទទួលការអនុញ្ញាត ចូលជួបសម្តែងការគួរសមចំពោះមេបញ្ជាការកងទ័ពជើងគោកកម្ពុជា ក្នុងឳកាសជំរាបលាមុនបញ្ចប់បេសក កម្មការទូត យោធានៅកម្ពុជា៕

ម៉ូតូចំនួន ៤០០គ្រឿង ដែលជាអំណោយរបស់អង្គការ JICA ត្រូវបានប្រគល់ជូនដល់ក្រសួងសុខាភិបាលកម្ពុជា ក្នុងពិធីមួយនាថ្ងៃទី១៥កញ្ញានេះ។ មន្ត្រីក្រសួងសុខាភិបាលបានថ្លែងថាម៉ូតូ៤០០គ្រឿងនោះ នឹងត្រូវ ចែកជូន មន្ដ្រីសុខាភិបាលជួរមុខទូទាំង២៥រាជធានី-ខេត្ដ ដើម្បីប្រើប្រាស់ក្នុងការងារទប់ស្កាត់ការរីករាលដាលជំងឺកូវីដ ១៩។

អនុព័ន្ធយោធាថ្មីសហរដ្ឋអាមេរិកប្រចាំកម្ពុជាលោកវរសេនីយ៍ឯក Thang Jacky Ly ត្រូវបានទទួលអនុញ្ញាតការ ចូលជួបសម្តែងការគូរសមចំពោះអគ្គមេបញ្ជាការកងយោធពលខេមរភូមិន្ទនៅថ្ងៃទី១៥កញ្ញានេះ។

មនុស្ស៩នាក់ ត្រូវបានតុលាការខេត្តកណ្តាលបានឃុំខ្លួនក្រោយអំពើហិង្សា បង្ករបួសស្នាមលើមន្ត្រីនគរ បាល ចំនួន១៣រូប ក្នុងហេតុការណ៍ហិង្សាប្រើដំបង, គប់ដុំថ្ម, បាញ់ជំពាមកៅស៊ូ, ការគប់ដបសាំង ដាក់មកលើកង កម្លាំងសមត្ថកិច្ចពាក់ព័ន្ធរឿងជម្លោះដីធ្លីនៅព្រលានយន្តហោះអន្តរជាតិភ្នំពេញថ្មី។ មនុស្សទាំង៩នាក់នេះ គឺក្នុង ចំណោមមនុស្ស៣០នាក់ ដែលសមត្ថកិច្ចបានឃាត់ខ្លួនកាលពីថ្ងៃទី១២កញ្ញាពាក់ព័ន្ធនឹងអំពើហិង្សាដាក់មកលើ កងកម្លាំងមានសមត្ថកិច្ច។

មូលនិធិគន្ធបុប្ផាកម្ពុជា បានថ្លែងថាគេទទួលបានថវិកាបរិច្ចាគពីសប្បុរសជន បានជាង៩ម៉ឺនដុល្លារក្នុងខែសីហា ឆ្នាំ២០២១។

មនុស្សចំនួន២១៨នាក់ ត្រូវបានឃាត់ខ្លួនរយៈពេល២៤ម៉ោងកន្លងមកនេះ ក្នុងអំពើល្មើសបំពានវិធានរដ្ឋបាល និងវិធានសុខាភិបាល ក្នុងស្ថានការណ៍ដែលរាជរដ្ឋាភិបាលកំពុងបន្តឹងការអនុវត្តច្បាប់ប្រឆាំងនឹងការឆ្លងកូវីដ ១៩។