ប្រទេសអាស៊ានទាំង១០ក្នុងរយៈពេល២៤ម៉ោងចុងក្រោយនេះ ការឆ្លងកូវីដ១៩ថ្មី មានចំនួន៦ម៉ឺន៥ពាន់៤៦ ករណី និងការស្លាប់ថ្មីមានចំនួន១ពាន់៤២២នាក់។

ការឆ្លងជំងឺកូវីដ១៩ក្នុងរយ:ពេល២៤ម៉ោងកន្លងមកនេះ នៅតែស្ថិតក្នុងខ្ទង់ជាង៦០០ករណីជាដដែល។ នេះ ជាថ្ងៃទី៦ហើយ ដែលតួលេខឆ្លងកូវីដ១៩ បានស្ទុះឡើងមកវិញក្នុងកម្រិតជាង៦០០ករណីក្នុងខែកញ្ញានេះ។

ប្រជាពលរដ្ឋដែលបានទទួលការចាក់វ៉ាក់សាំងក្នុងរយៈពេល២៤ម៉ោងកន្លងមកនេះ មានចំនួន ១ម៉ឺន៩ពាន់ ៨នាក់។

កម្ពុជាគ្រោងនឹងធ្វើយុទ្ធនាការចាក់វ៉ាក់សាំងដូសទី៣នៅទូទាំងប្រទេសនៅខែក្រោយនេះហើយ ទន្ទឹមនឹងបណ្តា ខេត្តនានាបានបិទបញ្ចប់យុទ្ធនាការចាក់វ៉ាក់សាំងជុំទីមួយលើពលរដ្ឋអាយុ១៨ឆ្នាំឡើង។ យុទ្ធនាការចាក់វ៉ាក់ សាំងដូសជំរុញឬដូសទី៣នេះ  គ្រោងនឹងធ្វើឡើងនៅក្នុងខែតុលាឆ្នាំ២០២១។

កម្ពុជានឹងពង្រីកការចាក់វ៉ាក់សាំងជាបន្តទៀតដល់កុមារក្រោមអាយុ១២ឆ្នាំដើម្បីជម្រុញការបើកដំណើរការសា លារៀនតាមថ្នាក់បឋមសិក្សា។ គួរបញ្ជាក់ថាការបើកសាលារៀននាពេលនេះ គឺសម្រាប់ថ្នាក់លើកម្រិតបឋម សិក្សាតែប៉ុណ្ណោះទន្ទឹមនឹងយុទ្ធនាការចាក់វ៉ាក់សាំងលើកុមារវ័យជំទង់អាយុពី១២ដល់១៧ឆ្នាំ បានសម្រេចតាម ផែនការយ៉ាងឆាប់រហ័សនោះ។

បុរសឡើងត្នោតម្នាក់ក្នុងខេត្តពោធិ៍សាត់ បានធ្លាក់ស្លាប់ពីលើចុងត្នោតក្នុងហេតុការណ៍មួយដែលកើតឡើងនៅ ថ្ងៃទី១៤កញ្ញានេះ។ ហេតុការណ៍បានកើតឡើង នៅក្នុងភូមិជាន់លែង, ឃុំមានជ័យ នៃស្រុកសណ្ដាន់ក្នុងពេល ដែលបុរសអាយុ៤៩ឆ្នាំឈ្មោះ ស្រី​ ឆាំ បានជាន់បាក់ឫស្សីស្នួរដែលឆ្លងពីដើមត្នោតមួយទៅត្នោតមួយទៀត។

ក្នុងខេត្តកំពង់ឆ្នាំងដដែលនោះផងដែរ ច្រាំងទន្លេមួយកន្លែងស្ថិតមុខអធិការដ្ឋាននគរបាលស្រុកកំពង់លែងបាន បាក់ក្នុងពេលមេឃកំពុងភ្លៀង។ មិនមានសេចក្តីរាយការណ៍ជុំវិញមនុស្សរងគ្រោះថ្នាក់នោះទេ។

ខេត្តកំពង់ឆ្នាំង នៅថ្ងៃនេះផងដែរ បានបន្តរកឃើញអ្នកឆ្លងជំងឺកូវីដ១៩ ចំនួន ៦៦ នាក់។ យោងតាមរដ្ឋបាលខេត្ត ការឆ្លងនៅថ្ងៃនេះ, បានកើតលើពលរដ្ឋដែលមានទីលំនៅក្នុងក្រុងកំពង់ឆ្នាំង៧នាក់, ស្រុកទឹកផុស៤នាក់, ស្រុក រលាប្អៀរ ម្នាក់  និងពលដរដ្ឋដែលជាអ្នកដំណើរមកពីខេត្ដកណ្ដាលម្នាក់។ ចំណែកអ្នកស្លាប់គឺជា បុរស អាយុ៧២ ឆ្នាំ នៃក្រុងកំពង់ឆ្នាំង។

ខេត្តព្រៃវែងនៅថ្ងៃនេះ បានរាយការណ៍នៅថ្ងៃនេះ ជុំវិញមានអ្នកឆ្លងជំងឺកូវីដ១៩ចំនួន៤២នាក់ និងការស្លាប់ មនស្ស២នាក់ដោយគ្រោះថ្នាក់សង្គម។

គ្រាប់បែកទម្លាក់ប្រភេទ MK82 ត្រូវបានគេប្រទះឃើញមួយគ្រាប់នៅក្នុងខេត្តកណ្តាល។ គ្រាប់បែកទម្លាក់ MK82 ទម្ងន់២៣០គីឡូ ផលិតដោយសហរដ្ឋអាមេរិក ត្រូវគេរកឃើញកប់ក្នុងរណ្តៅជម្រៅ៥ម៉ែត្រកាលពីថ្ងៃទី១៣ កញ្ញា នៅឃុំព្រៃលាស់ នៃស្រុកពញាឮ។ សំណល់ជាតិផ្ទុះសេសសល់ពីសង្គ្រាម ជារឿយៗតែបង្កឲ្យមានមនុស្សស្លាប់ និងរងរបួស។