កម្ពុជានឹងបន្តទទួលការធ្លាក់ភ្លៀងក្នុងមួយសប្តាហ៍ទៅមុខទៀតនេះ ប៉ុន្តែក្នុងកម្រិតមិនខ្លាំងដូចសប្តាហ៍រួចមក នេះទេ។

នៅក្នុងខេត្តព្រះសីហនុដដែល អ្នកឆ្លងជំងឺកូវីដ១៩ ដែលបានរកឃើញនៅថ្ងៃនេះមានចំនួន ២៥នាក់ ។ នេះជាតួលេខថយចុះ៣៧នាក់ បើប្រៀបធៀបនឹងការឆ្លងម្សិលមិញ។

កុមារអាយុ១៤ឆ្នាំម្នាក់បានបាត់ខ្លួនក្នុងហេតុការណ៍លិចទូកនេសាទមួយនារសៀលថ្ងៃទី១៤កញ្ញានេះក្នុងដែនផ្ទៃសមុទ្ទ ខេត្តព្រះសីហនុ។

មនុស្សចំនួន២៣២នាក់ ត្រូវបានឃាត់ខ្លួនរយៈពេល២៤ម៉ោងកន្លងមកនេះ ក្នុងអំពើល្មើសបំពានវិធានរដ្ឋបាល និងវិធានសុខាភិបាល ក្នុងស្ថានការណ៍ដែលរាជរដ្ឋាភិបាលកំពុងបន្តឹងការអនុវត្តច្បាប់ប្រឆាំងនឹងការឆ្លងកូវីដ ១៩។ 

ប្រទេសអាស៊ានទាំង១០ក្នុងរយៈពេល២៤ម៉ោងចុងក្រោយនេះ ការឆ្លងកូវីដ១៩ថ្មី មានចំនួន៦ម៉ឺន៥ពាន់២១៨ ករណី និងការស្លាប់ថ្មីមានចំនួន១ពាន់៤៩៨នាក់។ ប្រទេសដែលមានការឆ្លងថ្មីក្នុងរយៈ ពេល២៤ម៉ោងចុង ក្រោយនេះនៅ អាស៊ាន មាន១០ប្រទេស។ ចំណែកការ ស្លាប់ថ្មីមានចំនួន៧ប្រទេស៕

ប្រជាពលរដ្ឋដែលបានទទួលការចាក់វ៉ាក់សាំងក្នុងរយៈពេល២៤ម៉ោងកន្លងមកនេះ មានចំនួន២ម៉ឺន៤ពាន់ ២៣៣នាក់។

ការឆ្លងជំងឺកូវីដ១៩ក្នុងរយ:ពេល២៤ម៉ោងកន្លងមកនេះ បានបន្តកើនឡើងជាងពីម្សិលមិញថែមទៀត ដែល ជាការឡើងជាប់ៗគ្នាឈានចូលថ្ងៃទី៥។ ការឆ្លង៦៥៧ករណីនៅថ្ងៃនេះ មានការកើនឡើង២៨ករណីបើប្រៀប ធៀបនឹងម្សិលមិញ។

ម៉ាស៊ីនបញ្ចូលបំពង់អុកស៊ីសែន ១ឈុត ដែលអាចបញ្ចូលបានរហូត១០ធុងក្នុងរយៈពេល១ម៉ោង ត្រូវបាន ប្រធានអនុគណៈកម្មាធិការព្យាបាលថែទាំកូវីដ១៩ លោកហ៊ុន ម៉ាណែត បានផ្តល់ជូន មន្ទីសុខាភិបាលខេត្តកោះ កុង ។

បុគ្គលិកអប់រំក្នុងរាជធានីភ្នំពេញ ចំនួន២៤នាក់ត្រូវបានរកឃើញមានវិជ្ជាមានវីរុសកូវីដ១៩ក្នុងចំណោមការធ្វើ តេស្តលើមនុស្សសរុបចំនួន ១ម៉ឺន៤១៩នាក់។ ការធ្វើតេស្តលើបុគ្គលិកអប់រំដែលរួមមានទាំងលោកគ្រូនិងអ្នកគ្រូ នៅថ្ងៃនេះ បានធ្វើឡើងមួយថ្ងៃមុនពេលដែល រាធានីភ្នំពេញគ្រោងនឹងបើកសាលារៀនឡើងនៅថ្ងៃទី១៥កញ្ញា ស្អែកនេះ។

សម្តេចនាយករដ្ឋមន្ត្រីហ៊ុនសែន បានលេចមុខក្នុងកិច្ចប្រជុំ Zoom មួយនៃរង្វង់ក្រុមធ្វើនយោបាយប្រឆាំងនៅក្រៅ ស្រុក និងសម្តេចបានថ្លែងណែនាំសមាជិកក្រុមប្រឆាំងមិនត្រូវធ្វើនយោបាយត្រូវប្រកាន់នូវភាពគ្មានគុណធម៌និង ក៏មិនត្រូវប្រើប្រាស់វប្បធម៌ជេរប្រមាថនិងលាបពណ៌ដាក់គ្នា នោះឡើយ៕