សម្តេចតេជោហ៊ុន សែន និង សម្តេចកិត្តិព្រឹទ្ធបណ្ឌិត ប៊ុនរ៉ានី ហ៊ុនសែន បានចាក់វ៉ាក់សាំងដូសទី៣នៅថ្ងៃទី១៤ កញ្ញានេះ ទន្ទឹមនឹងកម្ពុជាកំពុងសម្រុកយុទ្ធនាការចាក់វ៉ាក់សាំងទូទាំងប្រទេស។

តួលេខនៃចំនួនភ្ញៀវអន្តរជាតិដែលបានចូលកម្ពុជា តាមផ្លូវអាកាសក្នុងរយៈពេល៧ខែដើមឆ្នាំនេះ មានតែជាង ៥ម៉ឺននាក់ប៉ុណ្ណោះ ដែលតួលេខនេះ បានធ្លាក់ចុះ៩២% បើប្រៀបធៀបនឹងរយៈពេលដូចគ្នាកាលពីឆ្នាំកន្លងមក។

ក្មេងទំនើង០៥នាក់ដែលជិះម៉ូតូបង្ហោះតាមផ្លូវក្នុងរាជធានីភ្នំពេញ ត្រូវបានសមត្ថកិច្ចខណ្ឌទួលគោកបានឃាត់ ខ្លួន។

អាជ្ញាធរក្រុងប៉ោយប៉ែត នៃខេត្តបន្ទាយមានជ័យ បានសម្រេចបិទផ្សារសមាគម ក្នុង ក្រុងប៉ោយប៉ែត ជាបណ្តោះអាសន្នរយៈពេល ២សប្តាហ៍ ដើម្បីទប់ស្កាត់ជំងឺកូវី១៩ ។

ខេត្តសៀមរាបបានធ្វើពិធីផ្លាស់ប្តូរស្នងការនគរបាលថ្មីនៅថ្ងៃទី១៣កញ្ញានេះ ដោយមានការអញ្ជើញចូលរួមពី នាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិ។

ខេត្តពោធិ៍សាត់បានប្រកាសបើកដំណើរការសាកល្បងឱ្យសិស្សបានចូលរៀនឡើងវិញហើយចាប់ពីថ្ងៃ១៥ ខែកញ្ញាខាងមុខនេះ។ ការថ្លែងបញ្ជាក់នេះគឺបានធ្វើឡើងដោយអភិបាលខេត្តពោធិ៍សាត់ លោក ម៉ៅ ធនិននៅ ថ្ងៃទី១៣កញ្ញានេះក្នុងកិច្ចប្រជុំពិភាក្សាមួយនៅក្នុងខេត្ត។ ដំណើរការសាកល្បងឱ្យសិស្សចូលរៀនឡើងវិញ ចាប់ ពីថ្ងៃទី១៥កញ្ញានោះ រួមមានពីកម្រិតអនុវិទ្យាល័យ និងវិទ្យាល័យចាប់ពីថ្នាក់ទី៩ ដល់ថ្នាក់ទី១២។

ខេត្តកំពង់ឆ្នាំង នៅថ្ងៃនេះផងដែរ បានបន្តរកឃើញអ្នកឆ្លងជំងឺកូវីដ១៩ ចំនួន ២៩ នាក់។ យោងតាមរដ្ឋបាលខេត្ត ការឆ្លងនៅថ្ងៃនេះ, បានកើតលើពលរដ្ឋដែលមានទីលំនៅក្នុងក្រុងកំពង់ឆ្នាំង៣នាក់, ស្រុកកំពង់ត្រឡាចម្នាក់, ស្រុកកំពង់លែង២២នាក់, ស្រុកបរិបូណ៌ ២នាក់, និងនៅស្រុករលាប្អៀរ ម្នាក់ ។

ខេត្តកំពង់ឆ្នាំង បានបើកយុទ្ធនាការចាក់វ៉ាក់សាំងលើសត្វគោក្របី ទន្ទឹមនឹងសេចក្តីរាយការណ៍ថាសត្វដែលជួយ ភ្ជូររាស់កសិករក្នុងរដូវវស្សានេះ ខ្លះបានរងនឹងនឹងជម្ងឺសារទឹក, ជំងឺអុតក្តាម និងជម្ងឺថ្មីដុំពកលើស្បែក។

សាលារៀនចំនួន ៥ ក្នុងខេត្តព្រះសីហនុ បានចាប់ផ្ដើមបើកដំណើរការសាកល្បងនៅថ្ងៃទី១៣កញ្ញានេះ ទន្ទឹម នឹងការឆ្លងរាលដាលក្នុងខេត្តនៅមិនទាន់បានស្ងប់នៅឡើយទេ។

តួលេខហក់ឡើងនៃការឆ្លងកូវីដ១៩ជាបន្តបន្ទាប់ក្នុងរយៈពេលប៉ុន្មានថ្ងៃចុងក្រោយនេះ ត្រូវគេសង្ស័យថាអាច ជាប់ពាក់ព័ន្ធនឹងកន្លែងជួបជុំក្នុងទីផ្សារនិងកន្លែងលក់ដូរនានាដែលខ្វះការប្រុងប្រយ័ត្នអនាម័យ។