ប្រទេសអាស៊ានទាំង១០ក្នុងរយៈពេល៧២ម៉ោងចុងក្រោយនេះ ការឆ្លងកូវីដ១៩ មានចំនួន២០ម៉ឺន៧ពាន់៦២១ ករណី និងការ ស្លាប់ថ្មីមានចំនួន៣ពាន់៦៩៨នាក់។ ប្រទេសដែលមានការឆ្លងថ្មីក្នុងរយៈ ពេល៧២ម៉ោងចុង ក្រោយនេះនៅអាស៊ាន រួមមាន១០ប្រទេស។ ចំណែកការស្លាប់ថ្មីមាន៨ប្រទេសផងដែរ។

តួលេខឆ្លងកូវីដ១៩ក្នុងប្រទេសកម្ពុជា បានកើនឡើងលើស១០ម៉ឺនករណីហើយ ក្រោយការឆ្លងថ្មី៦២៩ករណី ក្នុងរយៈពេល២៤ម៉ោងចុងក្រោយនេះទៀត។ ការឆ្លងថ្មីចំនួន៦២៩ករណីនៅថ្ងៃនេះ បើប្រៀបធៀបនឹងម្សិលមិញ គឺបានកើនឡើងចំនួន៣៣ករណីថែមទៀត។ការឆ្លងថ្មីនៅថ្ងៃនេះរួមមាន៥១៦ករណីជាការឆ្លងចូលក្នុងសហគមន៍ និង១១៣ករណី គឺការឆ្លងមកពីក្រៅប្រទេស។ បើប្រៀបធៀបនឹងម្សិលមិញ, តួលេខឆ្លងក្នុងសហគមន៍ថ្ងៃនេះ បានថយចុះ៣៣ករណី, រីឯតួលេខឆ្លងមកពីក្រៅប្រទេសបានថយចុះ៦៧ករណី។

មន្ត្រីជាន់ខ្ពស់ក្រសួងសុខាភិបាលបានថ្លែងថាយុទ្ធនាការបញ្ចប់ការចាក់វ៉ាក់សាំងលើមនុស្ស១០លាននាក់ទំនង នឹងអាចចប់សព្វគ្រប់នាចុងខែកញ្ញានេះ។ ការបញ្ជាក់នេះ បានធ្វើឡើងទន្ទឹមនឹងចំនួនប្រជាពលរដ្ឋដែលបាន ចាក់វ៉ាក់សាំងក្នុងរយៈពេល២៤ម៉ោងកន្លងមកនេះ មានចំនួន១ម៉ឺន៦ពាន់ ៥៨៥នាក់។

សាលារដ្ឋចំនួន៦៨ទូទាំង១៤ខណ្ឌ ត្រូវបានបាញ់ថ្នាំសម្លាប់មេរោគរាតត្បាត មុនបើកដំណើការនៅថ្ងៃ១៥ខែកញ្ញា ខាងមុខនេះ។

ប្រទេសចិនបានសន្យានឹងទទួលទិញទំនិញកសិផលពីកម្ពុជាជាច្រើនទៀត ដែលការសន្យានេះបានធ្វើឡើង ទន្ទឹមនឹងសេចក្តីរាយការណ៍មុននេះអំពីទំនិញកសិផលផ្លែមៀនក្នុងខេត្តប៉ៃលិនជួបប្រទះនឹងភាពខ្វះទីផ្សារ។ លោកវ៉ាងយី ក្នុងសន្និសីទកាសែតមួយកាលពីល្ងាចអាទិត្យក្រោយពិធីចុះហត្ថលេខាលើឯកកិច្ចព្រមព្រៀងនៃ ឯកសារចំនួន៦ក្នុងវិមានសន្តិភាព បានថ្លែងថាប្រទេសចិន នឹងទទួលទិញកសិផលពីកម្ពុជាដែលមានគុណភាព នាំចូលក្នុងទីផ្សាររបស់ចិន

សម្តេចនាយករដ្ឋមន្ត្រី បានថ្លែងបង្ហាញថាការកសាងសន្តិភាព ត្រូវពឹងផ្អែកលើភាគីក្នុងប្រទេសដែលជាប់ពាក់ ព័ន្ធ និងមិនមែនការពឹងផ្អែកលើទៅលើតែបរទេសនោះទេ។ សម្តេចតេជោហ៊ុនសែន បានថ្លែងថា «ភាពជាម្ចាស់ ប្រទេស» គឺជាគន្លឹះឈានឆ្ពោះទៅរកជោគជ័យនិងសន្តិភាពពេញលេញប្រកបដោយនិរន្តភាព។

មនុស្សចំនួន២៤១នាក់ ត្រូវបានឃាត់ខ្លួនរយៈពេល២៤ម៉ោងនេះ ដែលនាំឱ្យការឃាត់ខ្លួនមនុស្សក្នុងរយៈពេល ៧២ម៉ោងបានកើនឡើងដល់់២៧១នាក់ ក្នុងនោះឃាត់បានរថយន្ដ១០គ្រឿង,ម៉ូតូ២១គ្រឿង ,បិទអាជីវកម្មមួយ កន្លែង និងផាកពិន័យជាប្រាក់បានចំនួន៦លាន៨សែនរៀល ក្នុងការអនុវត្តវិធានការច្បាប់ចំនួន១១០ករណី។ ក្នុងអំពើ ល្មើសបំពានវិធានរដ្ឋបាលនិងវិធានសុខាភិបាលក្នុងស្ថានការណ៍ ដែលរាជរដ្ឋាភិបាលកំពុងបន្តឹងការ អនុវត្តច្បាប់ ប្រឆាំងនឹងការឆ្លងកូវីដ១៩។

ដំណើរទស្សនកិច្ចរបស់ទីប្រឹក្សារដ្ឋនិងជារដ្ឋមន្ត្រីក្រសួងការបរទេសចិន លោកវ៉ាងយី រយៈពេល២ថ្ងៃក្នុងប្រទេស កម្ពុជាបានបញ្ចប់ទន្ទឹមនឹងមានការប្រកាសនូវជំ​នួយរបស់រដ្ឋាភិបាលប្រទេសចិនចំនួន១ពាន់៧៥០លានយ័ន ដែលស្មើនឹង២៧០លានដុល្លារ, ការប្រកាសបន្តផ្តល់ជំនួយវ៉ាក់សាំងមកកាន់ប្រទេសកម្ពុជាបន្ថែមទៀត រួមនឹង ការ ចុះហត្ថលេខាលើឯកសារនានានៃកិច្ចព្រមព្រៀងផ្តល់សម្ភារៈនិងជំនួយដល់កម្ពុជាផងដែរ។

ព្រះមហាក្សត្រនិងសម្តេចម៉ែ បានផ្ញើព្រះរាជសារអបអរសាទរសម្តេចនាយករដ្ឋមន្ត្រីហ៊ុនសែន ដែលបានទទួល មេដាយមាសន្តិភាពពិភពលោក។