ខេត្តឧត្តរមានជ័យ បានបន្តរកឃើញអ្នកឆ្លងជំងឺកូវីដ១៩ ចំនួន ១១៤នាក់ និងមានអ្នកស្លាប់ ថ្មីម្នាក់ ថែមទៀត ក្នុងរយៈពេល ២៤ម៉ោងចុងក្រោយនេះ ។ តួលេខឆ្លងនៅថ្ងៃនេះ មានការកើនឡើងច្រើនរហូតដល់ ៥៦នាក់ បើ ប្រៀបធៀបនឹងម្សិលមិញ ។

ប្រទេសអាស៊ានទាំង១០ក្នុងរយៈពេល៧២ម៉ោងចុងក្រោយនេះ ការឆ្លងកូវីដ១៩ មានចំនួន២៣ម៉ឺន១ពាន់ ៣១៤ករណី និងការ ស្លាប់ថ្មីមានចំនួន៤ពាន់៨៩៩នាក់។ ប្រទេសដែលមានការឆ្លងថ្មីក្នុងរយៈ ពេល៧២ម៉ោងចុង ក្រោយនេះនៅអាស៊ាន រួមមាន១០ប្រទេស។ ចំណែកការស្លាប់ថ្មី មាន ៩ប្រទេសផងដែរ។

មនុស្សចំនួន២០នាក់ ត្រូវបានឃាត់ខ្លួនរយៈពេល២៤ម៉ោងកន្លងមកនេះ ក្នុងអំពើល្មើសបំពានវិធានរដ្ឋបាល និងវិធានសុខាភិបាល ក្នុងស្ថានការណ៍ដែលរាជរដ្ឋាភិបាលកំពុងបន្តឹងការអនុវត្តច្បាប់ប្រឆាំងនឹងការឆ្លងកូវីដ ១៩ ។ 

ក្រសួងធម្មការនិងសាសនា បានថ្លែងថាពិធីបុណ្យកាន់បិណ្ឌ, ភ្ជុំបិណ្ឌ និងពិធីបុណ្យកឋិនទាន សម្រាប់ឆ្នាំ ២០២១ នឹងនៅរក្សាជាធម្មតាដដែលបើទោះបីមានការឆ្លងកូវីដ១៩ក៏ដោយ។ សូមបញ្ជាក់ថាពិធីបុណ្យកាន់បិណ្ឌ និងភ្ជុំបិណ្ឌ នឹងមានរវាងពីថ្ងៃទី២២កញ្ញាដល់ថ្ងៃទី៦តុលា, ចំណែកបុណ្យកឋិនទានរយៈពេល២៩ថ្ងៃ នឹងមានរវាងពីថ្ងៃទី២២តុលាដល់១៩វិច្ឆិកា។

ខេត្តកណ្តាល, ខេត្តព្រះសីហនុ និងខេត្តកែប ត្រៀមនឹងប្រកាសការបញ្ចប់បិទយុទ្ធនាការចាក់វ៉ាក់សាំងនាពេល ខាងមុខនេះ ក្រោយមនុស្សដែលមានវ័យអាយុពី១៨ឆ្នាំឡើងទៅ បានទទួលរួចរាល់នៃការចាក់វ៉ាក់សាំងពេញ លេញ។

កម្ពុជាបានបន្តសម្រុកការចាក់វ៉ាក់សាំងលើពលរដ្ឋនៅទូទាំងប្រទេសទន្ទឹមនឹងការបញ្ជួនមកដល់ជាបន្តបន្ទាប់ នូវ វ៉ាក់សាំងចិនដែលជាវ៉ាក់សាំងបង្អែក។ កាលពីថ្ងៃសៅរ៍កន្លងមកនេះ វ៉ាក់សាំងស៊ីណូវ៉ាក់២លាន៥សែនដូស ដែលជាវ៉ាក់សាំងបញ្ជាទិញនិងវ៉ាក់សាំងជំនួយរបស់ប្រទេសចិន ត្រូវបានដឹកមកដល់កម្ពុជាបន្ថែមទៀត ដែលនាំ ឲ្យចំនួនវ៉ាក់សាំងដែលកម្ពុជាបាននិងកំពុងប្រើប្រាស់មានជិត៣០លានដូសហើយ។ វ៉ាក់សាំងជាច្រើនទៀត នឹង រំពឹងដឹកមកដល់កម្ពុជាជាបន្តបន្ទាប់នៅក្នុងខែកញ្ញានេះទៀត។

តួលេខឆ្លងវីរុសកូវីដ១៩ មានចំនួន៥២៨នាក់​ នៅថ្ងៃច័ន្ទទី៦កញ្ញានេះ ដែលជាតួលេខកើនខ្ពស់ជាងគេបំផុត ចាប់តាំងពីដើមខែកញ្ញានេះមក។ នៅទន្ទឹមនឹងនេះដែរ សេចក្តីរាយការណ៍ជុំវិញការឆ្លងវីរុសបំប្លែងថ្មី Delta ក៏ត្រូវ បានគេរាយការណ៍បន្ថែមទៀតដែលនាំឲ្យចំនួនឆ្លងនៃវីរុសដ៏កាចសាហាវនេះ មានតួលេខកាន់តែកើនខ្ពស់ជា ពិសេសនៅក្នុងរាជធានីភ្នំពេញ៕

រដ្ឋមន្រ្តីក្រសួងការបរទេសកម្ពុជាលោក ប្រាក់ សុខុន​ កំពុងស្ថិតនៅក្នុងកូរ៉េខាងត្បូង ក្នុងដំណើរបំពេញទស្សនកិច្ចជាផ្លូវការរយ:ពេល២ថ្ងៃ។ ដំណើរទស្សនកិច្ច រវាងពីថ្ងៃទី០៦ ដល់ថ្ងៃទី ០៨ ខែកញ្ញា គឺតបតាមការ អញ្ជើញរបស់រដ្ឋមន្រ្តីការបរទេសកូរ៉េខាងត្បូងលោក ឆុង អើយយ៉ុង។

សម្តេចក្រឡាហោម ស ខេង បានវិលត្រលប់មកដល់ប្រទេសកម្ពុជាវិញហើយ ដែលដំណើរវិលត្រឡប់មកវិញ ថ្ងៃទី៦កញ្ញានេះ បានបញ្ចប់នូវរាល់ព័ត៌មានប្រឌិតនានារបស់មេខ្លោងក្រុមឧទ្ទាមដែលប្រើប្រាស់នយោបាយប្រ ជាភិថុតលើដំណើរទស្សនកិច្ចនៅក្នុងប្រទេសបារាំងនោះ។

មន្ត្រីក្រសួងបរិស្ថានបានថ្លែងថាស្ថានភាពសត្វត្មាតកម្ពុជាមានសញ្ញាណវិជ្ជមាន ខណ:ការជំរឿនសត្វត្មាតទូទាំងប្រទេសលើកទី៤ឆ្នាំនេះ នឹងប្រព្រឹត្តទៅនៅថ្ងៃទី២០ ខែកញ្ញាខាងមុខនេះ។