ក្រុមហ៊ុនគ្រប់គ្រងនាវា MT Strovolos ដែលលួចដឹកប្រេងឆៅរបស់កម្ពុជា បានឆ្លើយដោះសារថាការចាកចេញ របស់ខ្លួនជាមួយនឹងប្រេងឆៅនិងក្រុមនាវិកលើកប៉ាល់ គឺដើម្បីចង់ចាក់ប្រេងនិងការផ្លាស់ប្តូរនាវិកលើកប៉ាល់។ ប៉ុន្តែការដោះសារនោះ ត្រូវបានអាជ្ញាធរកម្ពុជាទាត់ចោល។

សម្តេចនាយករដ្ឋមន្ត្រីនៃប្រទេសកម្ពុជារួមនឹងឥស្សរជនកំពូលពិភពលោកល្បីល្បាញប្រមាណជិត៣០០នាក់ ដទៃទៀតក្នុងនោះរួមមាននាយករដ្ឋមន្ត្រីចិនលោកលីខឺឈាន, ឥស្សរជននយោបាយនៃថ្នាក់ដឹកនាំប្រទេស, ថ្នាក់ ដឹកនាំអង្គការអន្តរជាតិ និងអ្នកប្រាជ្ញល្បីល្បាញក្នុងវិស័យថាមពល អន្តរជាតិ បានអញ្ជើញចូលរួមក្នុងពិធីបើកវេទិកាអភិវឌ្ឍន៍ថាមពលកាបូនទាបថៃយានឆ្នាំ២០២១តាមរយៈប្រព័ន្ធវីដេអូពីចម្ងាយ។ 

កម្ពុជាជារៀងរាល់ឆ្នាំ តែងប្រារព្ធទិវាសត្វត្មាតអន្តរជាតិនាដើមខែកញ្ញា ដើម្បីពង្រឹងការការពារសត្វត្មាត ប្រភេទសត្វជិតផុតពូជខ្លាំងនៅកម្ពុជា ក៏ដូចជានៅលើពិភពលោក។ 

កីឡាករជនពិការកម្ពុជា លោក វ៉ាន វ៉ុន ទទួលបានចំណាត់ថ្នាក់លេខ៧ នៃព្រឹត្តិការណ៍ប៉ារ៉ាឡាំពិកតូក្យូ ឆ្នាំ ២០២០។ លោក វ៉ាន វ៉ុន បានប្រើថិរវេលា ១៤កណ្តក់សញ្ញា២១វិនាទី លើវិញ្ញាសាប្រណាំងរទេះ T54 ចម្ងាយ ១០០ម៉ែត្រនៃព្រឹត្តិការណ៍ប៉ារ៉ាឡាំពិក ទីក្រុងតូក្យូ ក្នុងការប្រកួតផ្តាច់ព្រ័ត្រកាលពីល្ងាចថ្ងៃទី០១កញ្ញា ឆ្នាំ២០២១។ ក្នុងចំណោមបេក្ខជនប្រកួត៨នាក់ចុងក្រោយ, លោក វ៉ាន វ៉ុនបានស្ថិតក្នុងចំណាត់ថ្នាក់លេខ៧។ 

ទាហានមួកខៀវចំនួន៣៧នាក់ បានធ្វើការហ្វឹកហ្វឺនសង្គ្រោះគ្រោះមហន្តរាយនៅមុនចាកចេញទៅបំពេញបេសកកម្មអង្គការសហប្រជាជាតិនៅសាធារណរដ្ឋអាហ្វ្រិកកណ្តាល។ 

កម្ពុជាបានសម្រួលបន្ថែមទៀតជុំវិញវិធានការផ្តល់សេវាថែទាំនិងព្យាបាលអ្នកជម្ងឺកូវីដ១៩កម្រិតស្រាល។ មុននេះរាល់ចំណាត់ការនានាទាក់ទងនឹងការព្យាបាលអ្នកឆ្លងកូវីដ១៩ មិនទាន់ត្រូវបានអនុញ្ញាតឲ្យមានប្រព័ន្ធឯកជនចូលពាក់ព័ន្ធនោះឡើយ, ប៉ុន្តែក្រោមចំណាត់ការទប់ស្កាត់ជាមួយនឹងបទពិសោធន៍ឆ្លងកាត់ជាច្រើនខែ, ការផ្តល់សេវាថែទាំបានសម្រូលអនុញ្ញាតមកព្យាបាលតាមគ្លីនីកឯកជននិងតាមផ្ទះដែលមានការអនុញ្ញាតត្រឹមត្រូវ ពីក្រសួងសុខាភិបាល, និងវេលាចុងក្រោយនេះទៀត សេវាថែទាំនិងព្យាបាលអ្នកជម្ងឺកូវីដ១៩កម្រិតស្រាល ត្រូវបានបន្តអនុញ្ញាតឲ្យធ្វើនៅសណ្ឋាគារមួយចំនួននៅរាជធានីភ្នំពេញ និងខេត្តសៀមរាប។ 

ប្រជាពលរដ្ឋចំនួន៩ម៉ឺន៣ពាន់១០៤នាក់ ក្នុងរយៈពេល២៤ម៉ោងកន្លងមកនេះ បានទទួលការចាក់វ៉ាក់សាំង បង្ការជម្ងឺកូវីដ១៩។

តួលេខអ្នកឆ្លងកូវីដ១៩ដែលកំពុងសម្រាកព្យាបាលក្នុងមន្ទីរពេទ្យមានចំនួនសេសសល់៤ពាន់៤២៦នាក់ក្រោយ ការព្យាបាលជាសះស្បើយចំនួន៣៨៦នាក់ក្នុងរយៈពេល២៤ម៉ោងចុងក្រោយនេះ។ តួលេខដែលបង្ហាញការថយចុះនេះ ត្រូវគេចាត់ទុកថាដោយសារតែចំណាត់ការមានប្រសិទ្ធភាពរបស់រាជរដ្ឋាភិបាលក្នុងការទប់ស្កាត់ការឆ្លង កូវីដ១៩ក្នុងសហគមន៍ជាពិសេសយុទ្ធនាការសម្រុកចាក់វ៉ាក់សាំងនៅទូទាំងប្រទេស។ 

អាវុធវែងស្វ័យប្រវត្តិមួយដើម ត្រូវសមត្ថកិច្ចកងរាជអាវុធហត្ថក្នុងខេត្តព្រះសីហនុ បានឆែកឆេររកឃើញក្នុងពេលលាក់ទុកក្នុងរថយន្តដឹកទំនិញមួយគ្រឿងនាំចូលទៅក្នុងក្រុងព្រះសីហនុ។