ផ្ទះចំនួន១១ខ្នង ត្រូវបានប្រគល់ជូនដល់ពលរដ្ឋរងគ្រោះដោយខ្យល់កន្ត្រាក់ និងពលរដ្ឋដែលមានជីវភាពក្រីក្រ នៅក្នុងស្រុកឧដុង្គនៃខេត្តកំពង់ស្ពឺ។ ពិធីប្រគល់នេះ បានធ្វើឡើងនៅនៅព្រឹកថ្ងៃទី០៣ ខែកញ្ញា ឆ្នាំ២០២១ ក្រោមវត្តមានរបស់អភិបាលខេត្តកំពង់ស្ពឺ លោក វ៉ី សំណាង។ 

ទីភ្នាក់ងារ KOICA របស់កូរ៉េខាងត្បូង បានផ្តល់ជំនួយឥតសំណងជិត៨លានដុល្លារលើការកសាងសំណង់ នៃវិស័យអប់រំផង និងវិស័យឧស្សាហកម្មនៅក្នុងប្រទេសកម្ពុជា។ ការផ្តល់ជំនួយទាំងនេះគឺរួមមាន៣លានដុល្លារ ដើម្បីបង្កើតមជ្ឈមណ្ឌលជាតិបណ្តុះធុរកិច្ចថ្មីនៃកម្ពុជា ក្នុងបរិវេណសាកលវិទ្យាល័យភូមិន្ទភ្នំពេញ និងថវិកាមួយ ចំណែកទៀតគឺការជួយលើវិស័យឧស្សាហកម្ម។

បទល្មើសឧក្រិដ្ឋធំៗក្នុងរាជធានីភ្នំពេញ ត្រូវសមត្ថកិច្ចបានបញ្ជាក់ថាមានការថយចុះតិចតួចប៉ុន្តែបែរជាកើន ឡើងនូវបទល្មើសឆក់លួចនោះទៅវិញក្នុងរយៈពេលមួយខែកន្លងមកនេះ។ នៅថ្ងៃទី៣កញ្ញានេះ ស្នងការដ្ឋាន នគរបាលរាជ ធានីភ្នំពេញ បានបើកកិច្ចប្រជុំពិនិត្យបញ្ហាកត្តាសន្តិសុខសណ្តាប់ធ្នាប់ក្នុងរាជធានីភ្នំពេញដោយ មានការអញ្ជើញ ចូលរួមពីស្នងការនគរបាលរាជធានីលោកឧត្តមសេនីយ៍សថេត។

ការនិយាយរិះគន់ជុំវិញការជន់លិចទឹកនៅក្រោមស្ពានអាកាសចោមចៅក្នុងរាជធានីដែលមិនទាន់បានសាង សង់រួចរាល់ បានជម្រុញឲ្យ ប្រធានមន្ទីរសាធារណការរាជធានីភ្នំពេញ បានបញ្ជាក់តបនូវមូលហេតុដែលជាប់ ពាក់ព័ន្ធ។ 

ស្រាទំពាំងបាយជូរដែលផលិតក្នុងស្រុកដាក់ក្នុងដបជ័រទឹកសុទ្ធ ត្រូវគេជឿឃើញថាបានជាប់ពាក់ព័ន្ធនឹងករណី ធ្វើឲ្យស្ត្រីវ័យក្មេងចំនួន៣រូបបាត់បង់ជីវិត។ គួរបញ្ជាក់ថាកាលពីថ្ងៃ២កញ្ញាម្សិលមិញ ស្ត្រីអាយុរវាងពី១៩ទៅ២១ ឆ្នាំ៣នាក់ បានស្លាប់ជាបន្តបន្ទាប់ក្រោយមានសេចក្តីរាយការណ៍ជុំវិញការទទួលទានស្រាក្រឡុក។ 

មនុស្សចំនួន៣៥៣នាក់ ត្រូវបានឃាត់ខ្លួនរយៈពេល២៤ម៉ោងកន្លងមកនេះ ក្នុងអំពើល្មើសបំពានវិធានរដ្ឋបាល និងវិធានសុខាភិបាល ក្នុងស្ថានការណ៍ដែលរាជរដ្ឋាភិបាលកំពុងបន្តឹងការអនុវត្តច្បាប់ប្រឆាំងនឹងការឆ្លងកូវីដ ១៩។  

ការចាក់វ៉ាក់សាំងចិនក្នុងប្រទេសថៃ ត្រូវពលរដ្ឋថៃរាយការណ៍ថាគឺជាការចាក់ដោយត្រូវបង់លុយ។ បណ្តាញ សង្គមនៅថ្ងៃនេះ បានបង្ហោះស្ត្រីជាតិថៃម្នាក់ឈ្មោះ ឆន គឹមកណ្ណិកា ដែលនិយាយភាសាខ្មែរ បញ្ជាក់ប្រាប់មិត្តភក្តិក្នុងបណ្តាញសង្គមថា នៅកម្ពុជាគេចាក់វ៉ាក់សាំងចិនដោយឥតគិតថ្លៃ ប៉ុន្តែនៅប្រទេសថៃ ការចាក់វ៉ាក់សាំង ចិនមិនមែន Free ដូចនៅក្នុងប្រទេសកម្ពុជានោះទេ

ប្រជាពលរដ្ឋដែលបានទទួលការចាក់វ៉ាក់សាំងក្នុងរយៈពេល២៤ម៉ោងកន្លងមកនេះ មានចំនួន ៨ម៉ឺន៣ពាន់ ២៥២នាក់។ យោងតាមក្រសួងសុខាភិបាល តួលេខនៃចំនួនសរុបដែលពលរដ្ឋទូទាំងប្រទេសបានទទួលការ ចាក់វ៉ាក់សាំងគិតត្រឹមថ្ងៃទី៣ខែកញ្ញានេះ បានកើនដល់១០លាន៩សែន៧ម៉ឺន៨ពាន់៤៧នាក់ហើយ, ក្នុងនោះ អ្នកបានចាក់វ៉ាក់សាំងដូសទី២រួចមានចំនួន៨លាន៦សែន៦ម៉ឺន៦ពាន់៣២១នាក់។ ការចាក់វ៉ាក់សាំងលើពលរដ្ឋ អាយុពី១៨ឆ្នាំឡើង មានចំនួន៩លាន៣សែន៧ម៉ឺន៧ពាន់២៥៨នាក់, និងលើយុវជនវ័យជំទង់អាយុរវាងពី១២ ដល់១៧ឆ្នាំ មានចំនួន១លាន៦សែន៧៨៩នាក់។​ បើគិតសរុបលើតួលេខប្រជាពលរដ្ឋចំនួន១៦លាននាក់ទូទាំងប្រទេសវិញ, ទំហំភាគរយនៃការចាក់វ៉ាក់សាំងនា ពេលនេះបានប្រមាណ៦៨,៦១%ហើយ។ 

ការឆ្លងជំងឺកូវីដ១៩នៅក្នុងប្រទេសកម្ពុជាក្នុងរយ:ពេល២៤ម៉ោងកន្លងមកនេះ បានកើនឡើង៧៥ករណីបើប្រៀបធៀបនឹងម្សិលមិញ។ ការឆ្លងថ្មីថ្ងៃនេះមាន៤៩១ករណី ដែលក្នុងនោះ ការឆ្លងចូលក្នុងសហគមន៍មាន ៣២៦ករណី និងការឆ្លងមកពីក្រៅប្រទេស១៦៥ករណី។ បើប្រៀបធៀបនឹងម្សិលមិញ, តួលេខឆ្លងក្នុងសហគមន៍ថ្ងៃនេះ បានកើនឡើង២២ករណី, រីឯតួលេខឆ្លងមកពីក្រៅប្រទេសបានកើនឡើង៥៣ករណី។ ការស្លាប់ថ្មី ក្នុងរយៈពេល២៤ម៉ោង ចុងក្រោយនេះ មានចំនួន ៩នាក់ ដែលថយចុះ៣នាក់បើប្រៀបធៀបនឹងម្សិលមិញ។ ចំនួនមនុស្សដែលបានឆ្លងក្នុងព្រឹត្តិការណ៍សហគមន៍២០កុម្ភៈ រយៈពេល១៩៤ថ្ងៃកន្លងមកនេះ បានកើនឡើង ដល់៧ម៉ឺន៨ពាន់៩០៨ករណី ។