ប្រទេសអាស៊ានទាំង១០ក្នុងរយៈពេល២៤ម៉ោងចុងក្រោយនេះ ការឆ្លងកូវីដ១៩ថ្មី មានចំនួន៨ម៉ឺន៣ពាន់៦៤២ ករណី និងការស្លាប់ថ្មីមានចំនួន២ពាន់៣៤៨នាក់។ នេះជាតួលេខឆ្លងកើនជាងម្សិលចំនួន៨៦៦ករណី, ចំណែក តួលេខស្លាប់បានថយចុះ២៣នាក់។ ប្រទេស ដែលមានការឆ្លងថ្មីក្នុងរយៈ ពេល២៤ម៉ោងចុង ក្រោយ នេះនៅ អាស៊ាន មាន១០ប្រទេស។ ប្រទេសដែលមានការស្លាប់ថ្មីរយៈពេល២៤ម៉ោងចុងក្រោយនេះ មានចំនួន ៨ប្រទេស ។

ប្រជាពលរដ្ឋ១១ម៉ឺន២ពាន់៦៩៦នាក់ បានទទួលការចាក់វ៉ាក់សាំងរយៈពេល២៤ម៉ោងកន្លងមកនេះដែលនាំឲ្យ ចំនួនមនុស្សដែលបានទទួលវ៉ាក់សាំង បានកើនសរុប៩លាន១សែន៥ម៉ឺន៧ពាន់២៤៥នាក់, ក្នុងនោះ អ្នកបាន ចាក់វ៉ាក់សាំងបាន២ដូសរួច មានចំនួន៧លាន៤សែន៧ម៉ឺន៩ពាន់១១០នាក់។ កម្ពុជាដែលមានប្រជាពលរដ្ឋ សរុបចំនួន១៦ លាននាក់ ទំហំភាគរយនៃការចាក់វ៉ាក់សាំងនាពេលនេះ កើនបានប្រមាណ៥៧,២៣%ហើយ។ រាជរដ្ឋាភិបាលកម្ពុជា បានពង្រីកការវ៉ាក់សាំងចាក់ដូសទី៣បន្ថែមទៀតចាប់តាំងពីសប្តាហ៍មុន ដើម្បីបង្កា ទប់ ស្កាត់ការឆ្លងវីរុសបំប្លែងថ្មី Delta ដែលកំពុងធ្វើចរាចរណ៍ក្នុងរាជធានី និងតាមបណ្តាខេត្តមួយចំនួន។ យោង តាមក្រសួងសុខាភិបាល ការចាក់ដូសទី៣ ឬដូសជម្រុញលើប្រជាពលរដ្ឋបានចំនួន៣១ម៉ឺន៦ពាន់៩១៣នាក់ ហើយ។

ការឆ្លងជំងឺកូវីដ១៩នៅថ្ងៃនេះមានចំនួន៥៩៣ករណី ដែលចំនួនឆ្លងតិចជាងចំនួនមនុស្សដែលបានព្យា បាល ជាសះស្បើយនៅថ្ងៃនេះ។ នៅថ្ងៃទី១៨សីហានេះ មនុស្សដែលចេញពីមន្ទីរពេទ្យក្រោយការព្យាបាលជាសះ ស្បើយជម្ងឺកូវីដ១០មានចំនួន៧៤៨នាក់។ ការឆ្លង៥៩៣ករណីនេះ បានកើនឡើង ៣៧ករណីបើប្រៀបធៀប នឹងម្សិលមិញ។ ការឆ្លងចូលក្នុងសហគមន៍ថ្ងៃនេះ មានចំនួន៤០៤ករណី, ចំណែកការឆ្លងមកពីក្រៅប្រទេសរយៈ មានចំនួន ១៨៩ករណី។ ការស្លាប់ថ្មីក្នុងរយៈ ពេល២៤ម៉ោង ចុងក្រោយ នេះ មានចំនួន១២នាក់ដែលចំនួននេះ ថយចុះ២នាក់បៀបធៀបនឹងម្សិលមិញ។ ចំនួនមនុស្សដែលបានឆ្លងក្នុងព្រឹត្តិការណ៍សហគមន៍២០កុម្ភៈ រយៈ ពេល១៧៩ថ្ងៃកន្លង មកនេះ បានកើនឡើង ដល់៧ម៉ឺន៣ពាន់៧១៦ករណី ។ កម្ពុជាគិតត្រឹមថ្ងៃទី១៨ខែសីហា ការឆ្លងសរុបទូទាំងប្រទេសមាន ចំនួន៨ម៉ឺន ៧ពាន់១៩០ករណី, ការស្លាប់សរុបកើនចំនួន១ពាន់៧៣០នាក់ និង ការព្យាបាលជាសះស្បើយ សរុប មានចំនួន ៨ម៉ឺន២ពាន់៦៦៦នាក់។

ក្រសួងការងារនិងបណ្តុះបណ្តាលវិជ្ជាជីវៈ បានណែនាំម្ចាស់រោងចក្រនិងសហគ្រាសទាំងអស់ត្រូវរៀបចំធ្វើ តេស្តរហ័សរកមេរោគកូវីដ១៩ដល់កម្មករនិយោជិតទាំងអស់ ឲ្យបានយ៉ាងតិច២ដងនៅមុនថ្ងៃទី១០កញ្ញា។ សេច ក្តីណែនាំថ្ងៃទី១៨សីហានេះ បាន ទន្ទឹមនឹងមានការជួនដំណឹងប្រុងប្រយ័ត្ននូវវីរុសបំប្លែងថ្មី Delta ដែលកំពុង គំរាមកំហែងរាជធានីភ្នំពេញ។ គណៈកម្មការអន្តរក្រសួងប្រយុទ្ធនឹងជម្ងឺកូវីដ១៩ បានថ្លែងជួនដំណឹងប្រុងប្រយ័ត្ន កាលពីម្សិលមិញថា ថារាជធានីភ្នំពេញកំពុងរងនឹងការគម្រាមដោយវីរុសបំប្លែងថ្មី Delta នាពេលនេះ។ លិខិត ណែនាំ ចុះហត្ថលេខាដោយរដ្ឋមន្ត្រី លោកអ៊ិតសំហេង នៃក្រសួងការងារបណ្តុះបណ្តាលវិជ្ជាជីវៈ បានបានសរ សេរបញ្ជាក់ថា ការធ្វើតេស្តឲ្យបានយ៉ាងតិច២ដងនៅមុនថ្ងៃទី១០កញ្ញា នោះ គឺ ជាការរួមគ្នាទទួលខុសត្រូវទប់ ស្កាត់ការចម្លងវីរុសកូវីដ១៩ ជាពិសេសការទប់ស្កាត់ការរីករាលដាលទ្រង់ទ្រាយធំ នៃវីរុសបំប្លែងថ្មី Delta ដោយមិនឲ្យកើតមាននៅក្នុងរោងចក្រនិងសហគ្រាសឡើយ។ សេចក្តីណែនាំបានដាស់តឿន ការអនុវត្តវិធាន ការសុខាភិបាលឲ្យបានម៉ត់ចត់ជាពិសេសវិធានការ៣កុំនិង៣ការពារ។ សេចក្តីណែនាំដដែលបាន បញ្ជាក់ បន្ថែមថា ក្រោយពីថ្ងៃទី១០កញ្ញានោះទៅ រោងចក្រនិងសហគ្រាស ត្រូវបន្តអនុវត្តការធ្វើតេស្តជាប្រចាំថែមទៀត លើមុខសញ្ញាកម្មករនិងនិយោជិត។

ភ្លៀងនឹងបន្ដធ្លាក់មួយសប្តាហ៍ទៅមុខថែមទៀតក្នុងកម្រិតកន្លែងខ្លះខ្សោយ និងកន្លែងខ្លះពីតិចទៅបង្គួរឬច្រើន ដោយសារតែកម្ពុជារងនូវឥទ្ធិពលជ្រលងសម្ពាធទាបឥណ្ឌានិងខ្យល់មូសុងនិរតីខ្សោយ ។ យោងតាមការព្យា ករណ៍របស់ក្រសួងធនធានទឹកនិងឧតុនិយម ឥទ្ធិពលនេះនឹងធ្វើឱ្យបណ្តាខេត្តនៅតំបន់វាលទំនាបកណ្ដាល រវាងពីថ្ងៃទី១៨ដល់ថ្ងៃទី២០ខែសីហា ដូចជានៅខេត្តបាត់ដំបង, ខេត្តបន្ទាយមានជ័យ ខេត្តប៉ៃលិន ខេត្តពោធិ៍ សាត់ និង ខេត្តសៀមរាប នឹងអាចមានភ្លៀងធ្លាក់ក្នុងកម្រិតខ្សោយ ។ ខេត្តតំបន់វាលទំនាបកណ្តាលដទៃទៀត នឹងអាចមានភ្លៀងធ្លាក់ក្នុងកម្រិតពីខ្សោយទៅមធ្យម។ ដោយឡែកចាប់ពីថ្ងៃទី២១ដល់ថ្ងៃទី២៤ ខែសីហា បណ្ដា ខេត្តវាលទំនាបកណ្តាលភាគច្រើន នឹងអាចមានភ្លៀងក្នុងកម្រិតពីតិចទៅមធ្យម, និងព្រមជាមួយនោះ ក៏ អាច មាន ខេត្តខ្លះទៀត នឹងមានភ្លៀងក្នុងកម្រិតពីបង្គួរទៅច្រើន ។ ចំណែកបណ្តាខេត្តជាប់ជួរភ្នំដងរែកនិងខ្ពង់រាបឦសាននោះវិញ  អាចនឹងមានភ្លៀងធ្លាក់ក្នុងកម្រិតពីតិចទៅបង្គួរ ។ ដោយឡែកនៅតំបន់មាត់សមុទ្រនោះវិញ អាចនឹងមានភ្លៀងធ្លាក់ក្នុងកម្រិតពីតិចទៅបង្គួរ ។  ការព្យារកណ៍សី តុណ្ហភាពកម្ដៅអតិបរមា ក្នុងសប្ដាហ៍ទៅមុខទៀតនេះ គឺមានរវាងពី៣១ ទៅ៣៥ អង្សាសេ។

អតីតយុទ្ធជនក្នុងខេត្តកំពង់ឆ្នាំង បានចាប់ផ្តើមចាក់វ៉ាក់សាំងដូសទី៣នៅថ្ងៃនេះ ក្នុងទីកន្លែងរៀបចំមួយនៅ មណ្ឌលសុខភាពជ្រៃបាក់នៃស្រុករលាប្អៀ។ អភិបាលរងខេត្តកំពង់ឆ្នាំងលោកស្រីប៊ន សុភី បានអញ្ជើញជាអធិប តីក្នុងពិធីចាក់វ៉ាក់សាំងដល់ក្រុមអតីតយុទ្ធជននៅក្នុងខេត្ត ។ យុទ្ធនាការចាក់វ៉ាក់សាំងដូសទី៣ទើបនឹងបានរៀបចំកាលពីសប្តាហ៍មុននោះទេ។ យោងតាមក្រសួងសុខា ភិបាល ការចាក់ដូសទី៣ លើប្រជាពលរដ្ឋ គិតត្រឹមថ្ងៃទី១៧សីហានេះ ទើបបានចំនួន២៧ម៉ឺន៧ពាន់៧៤នាក់ នោះទេ។

អំណោយជាថ្នាំនិងសម្ភារ:សម្រាប់បង្កាប្រយុទ្ធប្រឆាំងជំងឺកូវីដ១៩ ត្រូវបានមូលនិធិកម្ពុជាប្រឆាំងកូវីដ១៩បាន នាំយកទៅប្រគល់ជូនដល់សមាគមអភិរក្សស៊ីក្លូនិងមុខរបរក្រៅប្រពន្ឋ័។ មូលនិធិកម្ពុជាប្រឆាំងកូវីដ១៩ដែល បង្កើតដោយ Group Telegram AntiCovid19Cambodia គឺជាមូលនិធិមួយសម្រាប់ប្រគល់អំណោយរបស់ឯក ឧត្តមហ៊ុន ម៉ា ណែត និងលោកជំទាវ ពេជ ចន្ទមុន្នី ក្នុងការជួយទ្រទ្រង់ឧបត្ថម្ភដល់ប្រជាពលរដ្ឋដែលកំពុងជួប ការលំបាកដោយសារវិបត្តិកូវីដ១៩, ការជួយទ្រទ្រង់ដល់ក្រុមយុទ្ធជនអាវស, ជួយក្រុមអ្នកស្ម័គ្រចិត្តជួរមុខនិង អាជ្ញាធរគ្រប់ស្ថាប័ន។ ពិធីប្រគល់នូវអំណោយដល់សមាគមអភិរក្សស៊ីក្លូនិងមុខរបរក្រៅប្រពន្ឋ័ នេះបានធ្វើឡើង នៅថ្ងៃទី១៧ ខែសីហា ឆ្នាំ២០២១ តាមរយៈប្រធានមូលនិធិកម្ពុជាប្រឆាំងកូវីដ១៩ លោក ហោ សេរីវឌ្ឍន៍និង ក្រុមការងារ។

អ្នកប្រកបមុខរបរសារព័ត៌មានម្នាក់ត្រូវបានឃាត់ខ្លួនក្រោយការរកឃើញប្រើប្រាស់អាវុធខុសច្បាប់និងជាមុខ សញ្ញាចែកចាយលក់គ្រឿងញៀន។ ជនសង្ស័យអាយុ៤២ឆ្នាំឈ្មោះ ម៉នតេវ បំរើការឲ្យ TV Online ឈ្មោះបារមីភ្នំ ជីសូរ ត្រូវបានចាប់ខ្លួននៅសង្កាត់ច្រាំងចំរេះ នៃខណ្ឌឫស្សីកែវ។

ការអះអាងរបស់អាជីវករលើការប្រឈមខូចផ្លែមៀនជាង៥ម៉ឺនតោនក្នុងខេត្តដែលជាប់ព្រំដែនថៃ ដោយសារ តែចំណោទបិទព្រំដែនក្នុងពេលដែលមានវិបត្តិកូវីដ១៩ ត្រូវមន្ត្រីខុទ្ទកាល័យសម្តេចតេជោហ៊ុនសែន បានធានា លើការទិញលើ ផ្លែមៀននោះទាំងអស់។ ការផ្សាយរបស់ទូរទស្សន៍ជាតិនៅថ្ងៃ១៧សីហាបានបញ្ជាក់ថា សម្តេច តេជោហ៊ុនសែននិងសម្តេចកិត្តិព្រឹទ្ធបណ្ឌិតប៊ុន រ៉ានីហ៊ុនសែន បានអនុញ្ញាតឱ្យនាយករងខុទ្ទកាល័យ គឺនាយ ឧត្តមសេនីយ៍ ហ៊ីង ប៊ុនហៀង ធ្វើការប្រមូលទិញផ្លែមៀនទាំងនោះពីតាមបណ្តាខេត្តជាប់ព្រំដែនកម្ពុជា-ថៃ ទាំង អស់ដែលកំពុងប្រឈមនឹងបញ្ហានេះ។ ខុទ្ទកាល័យសម្តេចតេជោ បានអំពាវនាវឲ្យប្រជាកសិករដែលមាន ផ្លែ មៀន អាចទំនាក់ទំនងមកក្រុមការងាររបស់នាយឧត្តមសេនីយ៍កិត្តិបណ្ឌិត ហ៊ីង ប៊ុនហៀង ដែលនឹងចាប់ផ្ដើម ទទួលទិញចាប់ពីថ្ងៃទី១៨សីហា ឆ្នាំ២០២១តទៅ។  គួរបញ្ជាក់ថាប្រទេសថៃបានបិទការនាំចូលមៀនប៉ៃលិន ពីប្រទេសកម្ពុជា ដោយសារតែកសិផលរបស់ថៃខ្លួនឯងកំពុងមានបញ្ហាមិនអាចនាំចេញបន្តទៅកាន់ប្រទេស ចិនបាន។ ការបិទនោះ បាននាំឲ្យផ្លែមៀនប៉ៃលិន នៅខេត្តភាគខាងលិចប្រទេសកម្ពុជា ប្រមាណជាង៥ម៉ឺនតោន ជួបប្រទះនឹងកង្វះទីផ្សារនាំចេញ។

ខេត្តប៉ៃលិន បានរកឃើញអ្នកឆ្លងជំងឺកូវីដ១៩ ចំនួន ៦នាក់ ថែមទៀតក្នុងរយៈពេល ២៤ម៉ោង ចុងក្រោយ នេះ។ យោងតាមរដ្ឋបាលខេត្ត អ្នកទើបរកឃើញឆ្លងថ្មី ទាំង៦នាក់នេះ គឺបានឆ្លងលើពលរដ្ឋនៅ ខេត្ដបាត់ដំបងម្នាក់ ,ខេត្ដសៀមរាបម្នាក់ ,ខេត្ដពោធិសាត់ម្នាក់ និងខេត្ដតាកែចំនួន៣នាក់ ។ ខេត្តប៉ៃលិនថ្ងៃនេះ បានព្យាបាលជាសះ ស្បើយមនុស្ស ចំនួន៣នាក់ ផងដែរ។