ខេត្តប៉ៃលិន បានបន្តរកឃើញអ្នកវិជ្ជមានកូវីដ១៩ ចំនួន ៧នាក់ ថែមទៀត ក្នុងរយៈពេល ២៤ម៉ោងចុង ក្រោយ នេះ ដែលជាចំនួនឆ្លងថយចុះ ៥នាក់ បើប្រៀបធៀបនឹងការរកឃើញកាលពីម្សិលមិញ ។ យោងតាមរដ្ឋបាលអ្នកជំងឺកូវីដ១៩ថ្មីទាំងនោះ ជាករណីឆ្លងលើពលករទើបត្រឡប់មកពីប្រទេសថៃចំនួន ៣នាក់ និង៤នាក់ ទៀត ជាករណីឆ្លងនៅក្នុងសហគមន៍ ដែលជាដំណើរមកពីខេត្តកណ្តាល ៣នាក់ និងធ្លាប់មានប្រវត្តិ ប៉ះពាល់ជាមួយអ្នកជំងឺចំនួន ម្នាក់ ។ អ្នកឆ្លងទាំងនោះមានអាស័យដ្ឋាននៅស្រុកសាលាក្រៅម្នាក់, មកពីខេត្ត កំពង់ឆ្នាំង២នាក់, ខេត្តកណ្តាល ម្នាក់ និងខេត្តសៀមរាប ៣នាក់ ៕

ខេត្តរតនគិរី ទើបបានរកឃើញអ្នកឆ្លងជំងឺកូវីដ១៩ចំនួន ២នាក់ ថ្មីថែមទៀត ក្នុងរយៈពេល ២៤ម៉ោង ចុង ក្រោយនេះ ដែលជាតួលេខឆ្លងទាបជាងម្សិលមិញចំនួន ម្នាក់ ។ យោងតាមរដ្ឋបាលខេត្ត អ្នកទាំង២នាក់នោះ ជាពលរដ្ឋនៅក្នុងក្រុងបានលុងម្នាក់ និងជាអ្នកដំណើរមកពីខេត្តស្វាយរៀងម្នាក់ ។ ខេត្តរតនគិរី គិតរហូតមក ដល់ពេលនេះ មានអ្នកឆ្លងជំងឺកូវីដ១៩ចំនួន ៦៤២នាក់ ក្នុងនោះបានព្យាបាលជាសះស្បើយចំនួន ៤៤៤នាក់ និងមានអ្នកស្លាប់ចំនួន ៤នាក់ ៕

ខេត្តស្ទឹងត្រែង ទើបបានរកឃើញអ្នកឆ្លងជំងឺកូវីដ១៩ចំនួន ម្នាក់ ក្នុងរយៈពេល ២៤ម៉ោងចុងក្រោយនេះ ដែល កាលពីម្សិលមិញមិនមានអ្នកឆ្លងជម្ងឺកូវីដនោះឡើយ។ យោងតាមរដ្ឋខេត្ត អ្នកឆ្លងថ្មីម្នាក់នោះ គឺជាបុរស អាយុ២៧ឆ្នាំ ជាអ្នករស់នៅក្នុងក្រុស្ទឹងត្រែង ។ ខេត្តស្ទឹងត្រែគិតត្រឹមថ្ងៃនេះមានអ្នកឆ្លងជំងឺកូវីដ១៩សរុបចំនួន ៤៥៩នាក់ ក្នុងនោះមានអ្នកជាសះស្បើយចំនួន ៣៣៩នាក់ ៕

ខេត្តព្រះវិហារ ក្នុងរយៈពេល ២៤ម៉ោងចុងក្រោយនេះ បានបន្តរកឃើញអ្នកឆ្លងជំងឺកូវីដ១៩ចំនួន ១២នាក់ ថែមទៀត ដែលជាតួលេខឆ្លងទាបជាងម្សិលមិញចំនួន ៣នាក់ ។ យោងតាមរដ្ឋបាលខេត្ត អ្នកជំងឺកូវីដ១៩ថ្មី នៅថ្ងៃនេះ ត្រូវបានគេរកឃើញឆ្លងលើពលរដ្ឋរស់នៅក្នុងស្រុកត្បែងមានជ័យចំនួន ១០នាក់, នៅក្រុងព្រះវិហារ ៣នាក់, ស្រុកជាំក្សាន្ត ៤នាក់, ស្រុកគូលែន ម្នាក់ និងរកឃើញលើពលរដ្ឋមកពីខេត្តសៀមរាបម្នាក់ ។ គិតរហូត មកទល់ពេលនេះ ខេត្តព្រះវិហារមានអ្នកឆ្លងកូវីដ សរុបចំនួន ៣៨៣នាក់,  ព្យាបាលជាសះស្បើយ១៨៥នាក់ និងមានអ្នកស្លាប់ ម្នាក់ ៕

ខេត្តកំពង់ធំបានរកឃើញអ្នកឆ្លងជំងឺកូវីដ១៩ ចំនួន២៦នាក់ និងស្លាប់ម្នាក់បន្ថែមទៀត នៅក្នុងរយៈពេល២៤ ម៉ោងចុងក្រោយ។ ចំនួនអ្នកឆ្លងថ្មីនេះ មានការថយចុះ១០ នាក់បើប្រៀបធៀបនឹងម្សិលមិញ។ យោងតាមរដ្ឋ បាលខេត្ត អ្នកឆ្លងថ្មីទាំង២៦នាក់ គឺជាពលរដ្ឋដែលរស់នៅក្នុង ស្រុកស្ទឹងសែន ចំនួន៥នាក់ , ស្រុកកំពង់ស្វាយ ៨នាក់ , ស្រុកបារាយណ៏ ចំនួន១០នាក់ , ស្រុកគាំងគោក ២នាក់, ស្រុកសន្ទុក១នាក់។ ខេត្តកំពង់ធំមានអ្នក ឆ្លងជំងឺកូវីដ១៩សរុប ១ពាន់៤៨៩នាក់, អ្នកព្យាបាលជាសះស្បើយ ១ពាន់នាក់ និងអ្នកស្លាប់ចំនួនកើនដល់ ៣១នាក់ហើយ។

ខេត្តកំពង់ឆ្នាំង បានរកឃើញអ្នកឆ្លងជំងឺកូវីដ១៩ ចំនួន ២២នាក់ថ្មី ថែមទៀត ក្នុងរយៈពេល ២៤ម៉ោងចុង ក្រោយ នេះដែលជាតួឆ្លងថយចុះចំនួន ១៥នាក់ បើប្រៀបធៀបនឹងការឆ្លងកាលពីម្សិលមិញ ។ យោងតាមរដ្ឋបាល ខេត្ត អ្នកជំងឺកូវីដ១៩ថ្មីទាំង ២២នាក់នោះ ត្រូវបានគេរកឃើញឆ្លងលើពលរដ្ឋនៅក្នុងក្រុងកំពង់ឆ្នាំងចំនួន ១៥នាក់, ស្រុកកំពង់ត្រឡាច ម្នាក់, ស្រុកជលគីរី ម្នាក់, ស្រុកទឹកផុស ២នាក់ និងឆ្លងលើអ្នកស្រុករលាប្អៀរចំនួន ៣នាក់ ។   ខេត្តកំពង់ឆ្នាំង គិតរហូតមកទល់នឹងពេលនេះ បានរកឃើញ អ្នកឆ្លងជំងឺកូវីដ១៩ចំនួន ១ពាន់ ៤៥៤ នាក់ និង មានអ្នកស្លាប់ចំនួន ២៩នាក់ ៕

ខេត្តបន្ទាយមានជ័យ បានរកឃើញអ្នកឆ្លងជំងឺចំនួន ៩៧នាក់ ថែមទៀតក្នុងរយៈពេល ២៤ម៉ោង ចុងក្រោយនេះ ដែលជាតួលេខឆ្លងកើនខ្ពស់ចំនួន ៨នាក់ ធៀបនឹងការរកឃើញកាលពីម្សិលមិញ ។ យោងតាមរដ្ឋបាលខេត្ត អ្នក ឆ្លងថ្មីនៅថ្ងៃនេះ គឺជាពលរដ្ឋមានទីលំនៅនៅក្នុងក្រុងសិរីសោភ័ណ ស្រុកមង្គលបុរី និងក្រុងប៉ោយប៉ែត  ។ ខេត្តបន្ទាយមានជ័យ នៅថ្ងៃនេះផងទៀត បានព្យាបាលអ្នកជំងឺកូវីដ១៩ឲ្យជាសះស្បើយចំនួន ១៥៧នាក់ ៕

ខេត្តសៀមរាបរកឃើញឆ្លងជំងឺកូវីដ-១៩ ចំនួន៩៨ករណី និងស្លាប់៤នាក់ ក្នុងរយៈពេល២៤ម៉ោងចុងក្រោយ។ នេះជាតួលេខកើនឡើង៤នាក់ថែមទៀតបើប្រៀបធៀបនឹងការឆ្លងម្សិលមិញ។ យោងតាមរដ្ឋបាលខេត្ត អ្នកឆ្លងថ្មី ទាំងនោះ គឺរួមមានពលរដ្ឋក្នុងក្រុងសៀមរាប៤៣នាក់, ស្រុកជីក្រែង៨នាក់, ស្រុកសូទ្រនិគម២៣នាក់, ស្រុកប្រា សាទបាគង២នាក់, ស្រុកពួក៦នាក់, ស្រុកវ៉ារិន៧នាក់, មកពីខេត្តបន្ទាយមានជ័យម្នាក់, មកពីខេត្តប៉ៃលិនម្នាក់  និងឆ្លងលើពលករមកពីប្រទេសថៃ៧នាក់។ ចំណែកអ្នកស្លាប់៤នាក់ថ្ងៃនេះ គឺមានបីនាក់នៅក្រុងសៀមរាបរួម មានបុរសអាយុ៥៩ឆ្នាំសញ្ជាតិអាមេរិក ឈ្មោះ MANN JOE MARLON, និងស្ត្រី អាយុ៣៥ឆ្នាំ និងបុរសអាយុ ៦១ឆ្នាំម្នាក់ទៀត។ ចំណែកអ្នកស្លាប់ទី៤ គឺបុរសម្នាក់អាយុ៦៥ឆ្នាំនៃស្រុកសូទ្រនិគម។

ខេត្តកំពង់ចាម បានបន្តរកឃើញអ្នកឆ្លងជំងឺកូវីដ១៩ ចំនួន ៤៨នាក់ និងមានអ្នកស្លាប់ថ្មីម្នាក់ ថែមទៀត ក្នុងរយៈ ពេល ២៤ម៉ោង ចុងក្រោយនេះ ។  តួលេខឆ្លងនៅថ្ងៃនេះ គឺមានការថយចុះជាងពីម្សិលមិញចំនួន ១៤នាក់ ។ យោងតាមរដ្ឋបាលខេត្តអ្នកជំងឺកូវីដ១៩ ដែលទើបរកឃើញទាំងនោះជាពលរដ្ឋរស់នៅក្នុងក្រុងកំពង់ចាម ៥នាក់, ស្រុកកោះសូទិន ១០នាក់, ស្រុកចំការលើ ៣នាក់, ស្រុកស្ទឹងត្រង់ ៤នាក់, ស្រុកបាធាយ ៣នាក់, ស្រុកជើងព្រៃ ៣នាក់, ស្រុកកងមាស ៤នាក់, ស្រុកព្រៃឈរ ម្នាក់, ស្រុកស្រីសន្ធរ ម្នាក់ និងបានឆ្លងលើអ្នកដំណើរ មកពីខេត្ត កំពង់ឆ្នាំងម្នាក់ និងខេត្តត្បូងឃ្មុំ ១៣នាក់ ។ ចំណែកអ្នកស្លាប់ថ្មីម្នាក់ទៀតនោះវិញ គឺជាបុរសចំណាស់ អាយុ ៨៥ឆ្នាំ ជាអ្នកស្រុកជើងព្រៃ ។ ខេត្តកំពង់ចាម នៅថ្ងៃនេះបានព្យបាលអ្នកជំងឺកូវីដ១៩ ឲ្យជាសះស្បើយចំនួន ១៣៧នាក់ផងដែរ ៕

ខេត្តត្បូងឃ្មុំ ក្នុងរយៈពេល ២៤ម៉ោង ចុងក្រោយនេះ បានបន្តរកឃើញអ្នកវិជ្ជមានជំងឺកូវីដ-១៩ ចំនួន ៥៩នាក់ ថែមទៀត ដែលជាតួលេខឆ្លងកើនខ្ពស់ជាងកាលពីម្សិលមិញចំនួន ១៩នាក់ ។ យោងតាមរដ្ឋបាលខេត្ត អ្នកជំងឺ កូវីដ១៩ដែលទើបរកឃើញថ្មីទាំងនោះ គឺជាពលរដ្ឋរស់នៅក្នុងក្រុងសួងចំនួន ម្នាក់, ស្រុកត្បូងឃ្មុំ ៣នាក់, ស្រុក អូររាំងឪ ១០នាក់, ស្រុកមេមត់ ១៤នាក់, ស្រុកក្រូចឆ្មា ម្នាក់, ស្រុកពញាក្រែក ២៤នាក់, ស្រុកតំបែរ ៣នាក់ និង ពលរដ្ឋជាអ្នកដំណើរមកពីខេត្តបន្ទាយមានជ័យ ២នាក់ និងខេត្តព្រៃវែងចំនួន ម្នាក់ ។ នៅថ្ងៃនេះផងដែរ ខេត្ត ត្បូងឃ្មុំបានព្យាបាលអ្នកជំងឺកូវីដ១៩ ឲ្យជាសះស្បើយចំនួន ៣២នាក់ ផងដែរ ៕