ប្រទេសអាស៊ានទាំង១០ក្នុងរយៈពេល២៤ម៉ោងចុងក្រោយនេះ ការឆ្លងកូវីដ១៩ថ្មី មានចំនួន៦ម៉ឺន៥ពាន់ ១០១ ករណី និងការស្លាប់ថ្មីមានចំនួន១ពាន់៣៤២នាក់។ ប្រទេសដែលមានការឆ្លងថ្មីក្នុងរយៈពេល២៤ម៉ោងចុង ក្រោយនេះនៅអាស៊ាន មានប្រទេសចំនួន៩, ចំណែកប្រទេសដែលមានការស្លាប់ថ្មីរយៈពេល២៤ម៉ោងចុង ក្រោយនេះ មានចំនួន៧ប្រទេស។

ប្រទេសចិនបានផ្តល់ម៉ាស៊ីនអុកស៊ីហ្សែនចំនួន៣០០គ្រឿង និងបរិក្ខារវេជ្ជសាស្ត្រទប់ស្កាត់កូវីដជាច្រើនមកក្រ សួងសុខាភិបាល ក្នុងស្ថានភាពដែលការផ្ទុះឆ្លងរាតត្បាតកំពុងតែកើនឡើងជាមួយនឹងមានមនុស្សស្លាប់ច្រើន នាក់រៀងរាល់ថ្ងៃ។

អាជ្ញាធររាជធានី បានបង្ក្រាបការបំពានវិធានការរក្សាអនាម័យ៣កុំ និង៣ការពារ នៅខណ្ឌមួយក្នុងរាជធានី ខណៈការឆ្លងកូវីដ១៩កំពុងតែមានសន្ទុះកើនខ្ពស់។ ការបង្ក្រាបការជួបជុំផឹកស៊ីខារ៉ាអូខេនេះ បានធ្វើកាលពីយប់មិញ នៅក្នុងខណ្ឌសែនសុខ។

តួលេខឆ្លងកូវីដ១៩រយៈពេល២៤ម៉ោងចុងក្រោយនេះ នៅតែស្ថិតក្នុងរង្វង់ជាង៩០០ដែលជាតួលេខកើនខ្ពស់ ជាប់គ្នារហូតចាប់តាំងពីដើមខែកក្កដានេះមក។

រាជធានីភ្នំពេញបានបិទបញ្ចប់ការចាក់វ៉ាក់សាំងនៅថ្ងៃទី៨កក្កដានេះហើយ ជាមួយនឹងការធ្វើសកម្មភាពយ៉ាងខ្លាំងទប់ទល់នឹងការឆ្លងរាតត្បាតនៃជម្ងឺកូវីដ១៩ឆ្លងចូលក្នុងរាជធានីភ្នំពេញ។ អភិបាលរាជធានីលោក ឃួង ស្រេង នៅថ្ងៃទី៨កក្កដាបានប្រកាសការបិទបញ្ចប់នេះដោយបញ្ជាក់ថាមនុស្សរាជធានីភ្នំពេញដែលមានអាយុពី ១៨ឆ្នាំឡើងទៅចំនួនជាង១លាន៧ សែននាក់បានទទួលការចាក់វ៉ាក់សាំងគ្រប់ៗគ្នា ។

សម្តេចនាយករដ្ឋមន្ត្រីបានថ្លែងយល់ព្រមក្នុងការធ្វើជាសហប្រធានកិត្តិយសនៃការរៀបចំកិច្ចប្រជុំអង្គការសហ ព័ន្ធសន្តិភាពសកល Universal Peace Federation ដែលជាអង្គការបំរើនិងគាំទ្រសន្តិភាពពិភពលោក។ ការថ្លែង យល់ព្រមនេះ បានធ្វើឡើងក្នុងកិច្ចប្រជុំតាមប្រព័ន្ធវីដេអូមួយនៅថ្ងៃនេះជាមួយនឹងក្រុងអង្គការសហព័ន្ធសន្តិ ភាព សកល UPF ដែលតំណាងដោយលោកយុន យុងហូ។ កិច្ចប្រជុំអង្គការសហព័ន្ធសន្តិភាពសកល UPF ខាងមុខ នេះនឹងត្រៀមធ្វើ នៅក្នុងប្រទេសកូរេខាងត្បូងនាខែវិច្ឆិកាឆ្នាំ២០២១។

ក្មេងស្រីអាយុ១៣ឆ្នាំម្នាក់បានស្លាប់ដោយដាច់ក្បាល និងក្មេងប្រុសអាយុ៨ឆ្នាំម្នាក់ បានរងរបួសដាច់ម្រាមដៃ និងរបួសក្បាល ក្នុងហេតុការណ៍រថភ្លើងបើកកិននៅក្នុងខេត្តពោធិ៍សាត់ ខណៈកំពុងដេកលក់វេលាទាបភ្លឺនៅលើ ផ្លូវរថភ្លើង។

ប្រទេសវៀតណាមនឹងត្រូវសម្រេចនាវេលាថ្ងៃស្អែកនេះជុំវិញការត្រូវធ្វើស៊ីហ្គេមនៅចុងឆ្នាំនេះឬការពន្យាពេល ទៅលើកក្រោយ។ ប្រទេសវៀតណាមដែលជាម្ចាស់ផ្ទះ បានស្នើមុននេះ លើកពេលធ្វើការប្រកួតរវាងពីថ្ងៃទី ២១វិច្ឆិកាដល់ថ្ងៃទី២ធ្នូឆ្នាំ២០២១ ដោយសារវិបត្តិឆ្លងនៃជម្ងឺកូវីដ១៩ ប៉ុន្តែ សំណើនោះត្រូវបានប្រទេសជាច្រើន ដែលជាសមាជិកបានជំទាស់។ ប្រទេសជាសមាជិកបានទុកពេលឲ្យវៀត ណាមធ្វើការសម្រេចចុងក្រោយនា វេលាថ្ងៃស្អែកទី៨កក្កដានេះ។