លទ្ធផលនៃកិច្ចប្រជុំរដ្ឋមន្ត្រីការបរទេសអាស៊ាន និងរដ្ឋមន្ត្រីការបរទេសរុស្ស៊ី បានបញ្ចេញនៅថ្ងៃនេះដែលបង្ហាញ ពីសមិទ្ធផលនៃទំនាក់ទំនងអាស៊ាន-រុស្សី ដែលសម្រេចបានក្នុងរយៈពេល២៥ឆ្នាំកន្លងមក។ កិច្ចប្រជុំកាលពីថ្ងៃទី ៦កក្កដាដែលពីភាគីកម្ពុជាអញ្ជើញចូលរួមដោយរដ្ឋមន្ត្រីការបរទេសលោក ប្រាក់ សុខុន បានជជែកផងដែរលើកិច្ច ការនានាពាក់ពន្ធ័នឹងនិម្មាបនកម្មតំបន់, ការពង្រីកទំនាក់ទំនងអាស៊ាន-រុស្សី និង កិច្ចសហប្រតិបត្តិការក្នុងការ ស្ដារសេដ្ឋកិច្ចឡើងវិញ។

ខេត្តប៉ៃលិន បានរកឃើញអ្នកឆ្លងជំងឺកូវីដ១៩ ចំនួន ១០នាក់ បន្ថែមទៀតហើយ ក្នុងរយៈពេល ២៤ម៉ោង ចុង ក្រោយនេះ ដែលជាតួលេខឆ្លងកើនខ្ពស់ជាងពីម្សិលមិញចំនួន ៧នាក់ ។

ខេត្តឧត្តមានជ័យ បានរកឃើញអ្នកឆ្លងកូវីដ១៩ថ្មី ចំនួន៨៧នាក់ ក្នុងរយៈពេល ២៤ម៉ោង ចុងក្រោយនេះ ដែល ជាតួលេខកើនឡើង ម្នាក់ ធៀបនឹងការឆ្លងកាលពីម្សិលមិញ ។

ខេត្តបន្ទាយមានជ័យក្នុងរយៈពេល ២៤ម៉ោងចុងក្រោយនេះ បានរកឃើញអ្នកវិជ្ជមានជំងឺកូវីដ១៩ ចំនួន ១០៧ នាក់ ដែលជាតួលេខបន្តកើនខ្ពស់ជាងម្សិលមិញចំនួន ១នាក់ ។

ខេត្តរតនគិរី ក្នុងរយៈពេល ២៤ម៉ោង ចុងក្រោយនេះ បានរកឃើញអ្នកវិជ្ជមានកូវីដ១៩ ចំនួន ១៨នាក់ ថែមទៀត ដែលជាតួលេខឆ្លងកើនខ្ពស់ជាងម្សិលចំនួនពាក់កណ្តាល។ កាលពីថ្ងៃអង្គារម្សិលមិញ ខេត្តមានអ្នកឆ្លងចំនួន តែ៩នាក់ទេ ។

ខេត្តក្រចេះ បានរកឃើញអ្នកឆ្លងកូវីដ១៩ ចំនួន ៣នាក់ ក្នុងរយៈពេល ២៤ម៉ោង ចុងក្រោយនេះ ដែលជាតួលេខ ឆ្លងថយចុះចំនួន ៧នាក់ ធៀបនឹងម្សិលមិញ ។

ខេត្តត្បូងឃ្មុំ មានអ្នកឆ្លងជំងឺកូវីដ១៩ ចំនួន ៣២នាក់ ក្នុងរយៈពេល២៤ម៉ោង ចុងក្រោយនេះ ដែលជាតួលេខថយ ចុះចំនួន៣២នាក់ ប្រៀបធៀបនឹងម្សិលមិញ ដែលបានរកឃើញអ្នកឆ្លងរហូតដល់៦៥នាក់ ។

ខេត្តកំពង់ចាម រកឃើញអ្នកវិជ្ជមានជំងឺកូវីដ-១៩ ថ្មី ៥២នាក់ និងស្លាប់ម្នាក់ ក្នុងរយៈពេល២៤ម៉ោងចុង ក្រោយ នេះ។ យោងតាមរដ្ឋបាលខេត្ត អ្នកឆ្លងថ្មីទាំងនោះ គឺនៅស្រុកចំការលើ៨នាក់, ក្រុងកំពង់ចាម២នាក់, ស្រុកបា ធាយ៧នាក់, ស្រុកព្រៃឈរ៦នាក់, ស្រុកស្ទឹងត្រង់៥នាក់, ស្រុកកងមាស៥នាក់, ស្រុកជើងព្រៃ១០នាក់ ស្រុកស្រី សន្ធរ៥នាក់ ស្រុកកំពង់សៀមម្នាក់ និងមកពីរាជធានីភ្នំពេញ៣នាក់។ ចំណែកអ្នកស្លាប់ម្នាក់នោះ គឺជាស្ត្រីអាយុ ៦៤ឆ្នាំ នៅក្នុងស្រុកកងមាស។