ប្រធានគណបក្សប្រជាជនកម្ពុជាសម្តេច ហ៊ុន សែន បានអញ្ជើញចូលរួមកិច្ចប្រជុំកំពូលរវាងថ្នាក់ដឹកនាំនៃគណ បក្សកុម្មុយនីស្តចិននិងគណបក្សនយោបាយលើពិភពលោកដែលអញ្ជើញចូលរួមដោយមេដឹកនាំកំពូលនៃប្រ ទេសចិនលោកស៊ីជីនពីងនិងបណ្តាមេដឹកនាំគណបក្សនយោបាយចំនួន៥០០បក្ខនៅជុំវិញពិភពលោករួមនឹង បណ្តាអង្គការក្រៅរដ្ឋាភិបាលមកពីជាង១៦០ប្រទេស។ កិច្ចប្រជុំកំពូលនេះ បានរៀបចំធ្វើតាមប្រព័ន្ធ Online នា យប់ថ្ងៃទី៦កក្កដាម៉ោងក្នុងប្រទេសកម្ពុជា ក្រោមប្រធានបទ «ការបំពេញការងារដើម្បីសុភមង្គលប្រជាជន៖ ការទទួលខុសត្រូវរបស់គណបក្សនយោបាយ» និងកិច្ចប្រជុំកំពូលនេះទៀតបានប្រព្រឹត្តទៅទន្ទឹមនឹងពិភពលោក កំពុងតែងរងការគម្រាមពីវិបត្តិកូវីដ១៩ និងក្នុងរង្វង់ស្ថានការណ៍នៃ និន្នាការពហុភាគីនិយមកំពុងស្ថិត ក្រោមការ គំរាមកំហែងពីសំណាក់ការកើនឡើងនៃនិន្នាការ ឯកតោភាគីនិយម, ប្រជានិយម និងគាំពារនិយម ។

ព្រឹត្តិការណ៍ថ្ងៃ៥និង៦កក្កដាឆ្នាំ១៩៩៧ បានកន្លងហួសប្រមាណ២៤ឆ្នាំមកហើយ។ មនុស្សមួយចំនួនស្ទើរតែ ចង់ភ្លេចនូវព្រឹត្តិការណ៍បង្ហូរឈាមកណ្តាលរាជធានីភ្នំពេញនោះទៅហើយ គ្រាដែលអ្នកដទៃទៀត បានព្យាយាម ចង់កែកាឡៃព្រឹត្តិការណ៍ជាប្រវត្តិសាស្ត្រនេះ ធ្វើជារឿងផ្សេងដើម្បីផលប្រយោជន៍នយោបាយ។ ប្រមាណ២៤ឆ្នាំ មុននេះ កម្ពុជាមិនទាន់មានសន្តិភាពពេញលេញនោះទេ។

រន្ទះបាញ់ក្នុងខេត្តកំពង់ធំ បានបណ្តាលឲ្យមានមនុស្សម្នាក់ស្លាប់ និង២នាក់រងរបួស។ ហេតុការណ៍បានកើតឡើង កាលពីល្ងាចថ្ងៃទី៥កក្កដាជាមួយនឹងភ្លៀងនាំខ្យល់កន្ត្រាក់ដែលបង្កការខូចខាតផ្ទះជាង១០០ខ្នងថែមទៀត។

ករណីមានមនុស្សស្លាប់ដោយសារការសង្ស័យពុលស្រាកើតឡើងនៅក្នុងខេត្តកណ្តាល បានប្រញាប់ឲ្យ ក្រុម ជំនាញចុះស្រាវជ្រាវពិនិត្យរកមូលហេតុដែលជាប់ពាក់ព័ន្ធ។ មនុស្ស៣នាក់បានស្លាប់ ដែលគេសង្ស័យថា បណ្ដាលមកពីពុលស្រាសក្នុងហេតុការណ៍តាំងពីថ្ងៃទី៣កក្កដា នៅចំណុចភូមិលើ ឃុំកោះចូរ៉ាម នៃស្រុកខ្សាច់ កណ្តាល។

ខេត្តកោះកុង មានអ្នកឆ្លងថ្មីចំនួន៩៤នាក់នៅថ្ងៃនេះ ក្នុងនោះរួមមានស្ត្រី៦៨នាក់។ យោងតាមរដ្ឋបាលខេត្តអ្នក ឆ្លងថ្មីទាំងនោះរួមមានពលរដ្ឋនៅក្នុងក្រុងខេមរភូមិន្ទចំនួន៣៤នាក់, នៅស្រុកមណ្ឌលសីមាចំនួន៥នាក់, ស្រុក ស្រែអំបិល៤២នាក់, ស្រុកគិរីសាគរចំនួន៩នាក់ និងស្រុកបុទុមសាគរចំនួន៤នាក់។ ខេត្តកោះកុងនៅថ្ងៃនេះ បាន ព្យាបាលជាសះស្បើយចំនួន១៣២នាក់។

ខេត្តប៉ៃលិន បានរកឃើញអ្នកឆ្លងកូវីដ១៩ថ្មីចំនួន៣ នាក់ ក្នុងរយៈពេល ២៤ម៉ោង ចុងក្រោយនេះដែលជា តួលេខថយចុះចំនួន ១នាក់បើប្រៀបធៀបនឹងការឆ្លងម្សិលមិញ ។ យោងតាមរដ្ឋបាលខេត្ត អ្នកឆ្លងថ្មីទាំង ៣នាក់ នោះ គឺរួមមានពលរដ្ឋក្រុងប៉ៃលិន២នាក់ និងអ្នកធ្វើដំណើរមកពីរាជធានីភ្នំពេញ ម្នាក់។

ខេត្តមណ្ឌលគិរី ក្នុងរយៈពេល ២៤ម៉ោងចុងក្រោយនេះបានរកឃើញអ្នកឆ្លងកូវីដ១៩ ចំនួន ១៤នាក់ ដែលជា តួលេខកើនខ្ពស់ជាងពីម្សិលមិញចំនួន ៤នាក់ ។

ខេត្តរតនគិរី បានរកឃើញអ្នកឆ្លងកូវីដ១៩ ចំនួន ៩នាក់ ក្នុងរយៈពេល ២៤ម៉ោង ចុងក្រោយនេះ ដែលជា តួ លេខឆ្លងថយចុះចំនួន៧ នាក់ បើធៀបនឹងម្សិលមិញដែលបានរកឃើញអ្នកឆ្លងចំនួន ១៦នាក់ ។

ខេត្តព្រះវិហារ បានរកឃើញអ្នកឆ្លងជំងឺកូវីដ១៩ ថ្មីចំនួន ២៤នាក់ ថែមទៀត ក្នុងរយៈពេល ២៤ម៉ោងចុងក្រោយ នេះដែលជាតួលេខឆ្លងកើនខ្ពស់ជាងម្សិលមិញរហូតដល់ចំនួន ២១នាក់ ។

ខេត្តក្រចេះ បានរកឃើញអ្នកឆ្លងកូវីដ១៩ ចំនួន ១០នាក់ ថែមទៀត ក្នុងរយៈពេល ២៤ម៉ោង ចុងក្រោយនេះ ដែលជាតួលេខឆ្លងកើនឡើងចំនួន៤នាក់ បើធៀបនឹងម្សិលមិញ ។