អគ្គិភ័យមួយក្នុងខណ្ឌនាកណ្តាលរាជធានី បានឆេះឃ្លាំងផ្ទុកសម្ភារៈអាពាហ៍ពិពាហ៍, រថយន្តនិងម៉ូតូជាច្រើន គ្រឿង។ អគ្គិភ័យក្នុងខណ្ឌឫស្សីកែវនៅថ្ងៃទី៦កក្កដានេះ ត្រូវគេបន្ទោសថាដោយសារតែការឆ្លងចរន្តអគ្គិសនី។

រដ្ឋាភិបាលប្រទេសស៊ុយអែត បានសន្យាបន្តជួយឧបត្ថម្ភដំណើរការសាលាក្ដីខ្មែរក្រហមរហូតដល់ចប់សព្វគ្រប់។ ការសន្យានោះធ្វើឡើងដោយឯកអគ្គរាជទូតស៊ុយអែតប្រចាំកម្ពុជា លោក ព្យន់ ហេគម៉ាក Bjorn Haggmak ក្នុង ឳកាសជួបពិភាក្សានិងជម្រាបលារដ្ឋមន្ត្រីក្រសួងការបរទេសកម្ពុជា លោក ប្រាក់ សុខុន កាលពីថ្ងៃទី៥កក្កដា នៅ ក្រសួងការបរទេស។

ប្រទេសអាស៊ានទាំង១០ក្នុងរយៈពេល២៤ម៉ោងចុងក្រោយនេះ ការឆ្លងកូវីដ១៩ថ្មី មានចំនួន៥ម៉ឺន២ពាន់ ៦២៨ ករណី និងការស្លាប់ថ្មីមានចំនួន១ពាន់២៩នាក់។ កម្ពុជាក្នុងរយៈពេល២៤ម៉ោងចុងក្រោយនេះ មានការឆ្លងថ្មី សរុបចំនួន៩៣៥ករណី ក្នុងនោះ៧៨០ករណីជាការឆ្លងក្នុងសហគមន៍, និង១៥៥ករណីទៀតជាការនាំចូល ពី ក្រៅប្រទេស។ ចំណែកការស្លាប់ថ្មីនៅក្នុងប្រទេសកម្ពុជាក្នុងរយ:ពេល២៤ម៉ោងកន្លងមកនេះមានចំនួន៣១នាក់ ដែលនាំឲ្យការស្លាប់សរុបបានកើនដល់៧៧៩នាក់ហើយ។

ការឆ្លងជំងឺកូវីដ១៩ ក្នុងសហគមន៍នៅថ្ងៃអង្គារនេះបានកើនឡើងចំនួន៩៤នាក់បើប្រៀបធៀបនឹងម្សិលមិញ។ ការឆ្លងចូលក្នុងសហគមន៍នៅថ្ងៃនេះមានចំនួន៧៨០ករណី, ចំណែកការឆ្លងចូលក្នុងសហគមន៍កាលពីម្សិលមិញ មានចំនូន៦៨៦ករណី។ ចំនួនមនុស្សដែលបានឆ្លងក្នុងព្រឹត្តិការណ៍សហគមន៍២០កុម្ភៈ រយៈពេល១៣៦ថ្ងៃកន្លង មកនេះ បានកើនឡើងដល់៥ម៉ឺន២ពាន់៦២៧នាក់ហើយ ។

រាជធានីភ្នំពេញគ្រោងនឹងបិទបញ្ចប់ការចាក់វ៉ាក់សាំងនៅថ្ងៃទី៨កក្កដាខាងមុខនេះហើយ នៅទន្ទឹមនឹងសេចក្តី អំពាវនាវអ្នកមិនទាន់បានចាក់វ៉ាក់សាំងត្រូវរួសរាន់។ សេចក្តីជួនដំណឹងរដ្ឋបាលរាជធានីបានបង្ហាញទីតាំងចាក់ ១៤កន្លែងតាមបណ្តាខណ្ឌសម្រាប់អ្នកដែលមិនទាន់បានចាក់វ៉ាក់សាំងត្រូវប្រញាប់រួសរាន់ធ្វើការចាក់ឲ្យបានទាន់ ពេលវេលា។

វ៉ាក់សាំងបញ្ជាទិញពីប្រទេសចិនមួយលានដូសបានមកដល់នៅថ្ងៃអង្គារទី៦ កក្កដា និងប្រមាណ៤លានដូស ទៀតនិងមកដល់នៅចុងសប្តាហ៍នេះ។ កម្ពុជាបើគ្មាននយោបាយការទូតដ៏ប៉ិនប្រសប់របស់ប្រមុខរាជរដ្ឋាភិបាល នោះទេ ម្ល៉េះការស្វែងរកវ៉ាក់សាំងដើម្បីចាក់លើពលរដ្ឋរហួតមកទល់នឹងពេលនេះ ស្ទើរតែមិនបាន២០ម៉ឺននាក់ ផង។ កម្ពុជាគិតត្រឹមថ្ងៃនេះ ការចាក់វ៉ាក់សាំងលើពលរដ្ឋបានប្រមាណ៤លាន៦សែននាក់ហើយ។

ខេត្តប៉ៃលិន បានរកឃើញអ្នកឆ្លងកូវីដ១៩ថ្មីចំនួន នាក់ ថែមទៀត ក្នុរយៈពេល ២៤ម៉ោង ចុងក្រោយនេះ ដែលជា តួលេខថយចុះចំនួន ៣នាក់ ។

ខេត្តព្រះវិហារ បានរកឃើញអ្នកឆ្លងជំងឺកូវីដ១៩ ថ្មីចំនួន ៣នាក់ ថែមទៀត ក្នុងរយៈពេល ២៤ម៉ោង ចុងក្រោយ នេះ ដែលជាតួលេខថយចុះរហូតដល់ ១៧នាក់ ធៀបនឹងម្សិលមិញដែលបានរកឃើញអ្នកឆ្លងចំនួន ២០នាក់ ។

ខេត្តកោះកុង មានករណីស្លាប់ម្នាក់ដោយសារកូវីដ១៩និងមានករណីឆ្លងថ្មី៩៤នាក់ ក្នុងរយៈពេល២៤ម៉ោង ចុងក្រោយនេះ។ យោងតាមរដ្ឋ បាលខេត្តករណីស្លាប់ថ្មីនេះ គឺកើតលើបុរសអាយុ៦៣ឆ្នាំម្នាក់ដែលរស់នៅក្នុង ជុំប៉ាក់ខ្លង នៃស្រុកមណ្ឌលសីមា។ ចំណែកការឆ្លងថ្មី៩៤នាក់ថ្ងៃនេះ រួមមាននៅក្នុងក្រុងខេមរភូមិន្ទ, ស្រុក មណ្ឌលសីមា, ស្រុកស្រែអំបិល, ស្រុកគិរីសាគរ, និងស្រុកបុទុមសាគរ។

ខេត្តក្រចេះ បានរកឃើញអ្នកឆ្លងកូវីដ១៩ ចំនួន ៦នាក់ ថែមទៀត ក្នុងរយៈពេល ២៤ម៉ោង ចុងក្រោយនេះ ដែល ជាតួលេខឆ្លងនៅដដែល បើធៀបនឹងម្សិលមិញ ។