ខេត្តត្បូងឃ្មុំបានរកឃើញអ្នកឆ្លងកូវីដ១៩ ថ្មីចំនួន ៣៥នាក់ ក្នុងរយៈពេល ២៤ម៉ោងចុងក្រោយនេះ ដែលជា តួលេខថយចុះចំនួន ១៤នាក់ បើធៀបនឹងម្សិលមិញ ដែលបានរកឃើញអ្នកឆ្លងចំនួន ៤៩នាក់ ។

ខេត្តកំពង់ធំ បានរកឃើញអ្នកឆ្លងកូវីដ១៩ ចំនួន ២២នាក់ ថែមទៀត ក្នុងរយៈពេល ២៤ម៉ោងចុងក្រោយនេះ ដែលជាតួលេខឆ្លងទាបជាងម្សិលមិញ ចំនួន ៤នាក់ ។

មនុស្ស៤នាក់បានស្លាប់ដោយសារជំងឺកូវីដ១៩នៅខេត្តតាកែវក្នុងរយៈពេល២៤ម៉ោងចុងក្រោយនេះ។ យោងតាមរដ្ឋបាលខេត្ត អ្នកស្លាប់ប្រុសស្រីទាំង៤នាក់នៅថ្ងៃនេះរួមមានបុរសអាយុ៦៧ឆ្នាំ, បុរសអាយុ៧១ឆ្នាំ, ស្រីអាយុ៥៧ឆ្នាំ និងស្ត្រី អាយុ៥៨ឆ្នាំ។

ខេត្តកំពង់ឆ្នាំងបានរកឃើញអ្នកឆ្លងកូវីដ១៩ ចំនួន ១៦នាក់ ថែមទៀត ក្នុងរយៈពេល ២៤ម៉ោង ចុងក្រោយនេះ ដែលជាតួលេខតិចជាងម្សិលមិញចំនួន ៤នាក់ ។

ខេត្តកំពង់ចាម បានរកឃើញអ្នកវិជ្ជមានជំងឺកូវីដ-១៩ថ្មី ៤៧នាក់ និងស្លាប់៥នាក់ ក្នុងរយៈពេល២៤ម៉ោងចុង ក្រោយនេះ។ យោងតាមរដ្ឋបាលខេត្ត អ្នកឆ្លងថ្មីទាំងនោះ គឺជាអ្នកក្រុងកំពង់ចាម២នាក់, ស្រុកកំពង់សៀម ៣នាក់, ស្រុកស្ទឹងត្រង់២៤នាក់, ស្រុកជើងព្រៃ១៥នាក់, ស្រុកបាធាយម្នាក់, ស្រុកព្រៃឈរម្នាក់, និងមកពីខេត្ត កណ្ដាលម្នាក់។ ចំណែកអ្នកស្លាប់ទាំង៥នាក់ គឺរួមមានស្ត្រី៤នាក់អាយុ៧២ឆ្នាំ, ៦៩ឆ្នាំ, ៥២ឆ្នាំនិងអាយុ៤១ឆ្នាំ។ អ្នកស្លាប់ទី៥ គឺជាបុរសអាយុ៤៣ឆ្នាំ។

ខេត្តព្រៃវែងរកឃើញអ្នកឆ្លងជំងឺកូវីដ-១៩ថ្មីចំនួន៤២នាក់ ក្នុងរយៈពេល២៤ម៉ោងចុងក្រោយ។ យោងតាម រដ្ឋ បាលខេត្តការឆ្លងថ្មីទាំង៤២នាក់រួមមាននៅក្រុងព្រៃវែង៣នាក់, ស្រុកពាមរក៍ ១៤នាក់, ស្រុកស្វាយអន្ទរ៥នាក់, ស្រុកពាមជរ៥នាក់, ស្រុកព្រះសេ្តច៤នាក់, ស្រុកពារាំង៣នាក់, ស្រុកកំចាយមារ៣នាក់, ស្រុកមេសាង២នាក់, ស្រុកបាភ្នំម្នាក់, ស្រុកស៊ីធរកណ្ដាល ម្នាក់ និងស្រុកកញ្ច្រៀចម្នាក់។

ខេត្តស្វាយរៀង បានរកឃើញអ្នកឆ្លងកូវីដ១៩ ចំនួន ៨៨នាក់ និងមានអ្នកស្លាប់ថ្មី ៣នាក់ ថែមទៀត ក្នុងរយៈ ពេល២៤ម៉ោងចុងក្រោយនេះ ។ នេះជាតួលេខឆ្លងថយចុះចំនួន ៥៩នាក់ ធៀបនឹងម្សិលមិញដែលបានរកឃើញ អ្នកឆ្លងច្រើនរហូតដល់ ១៤៧នាក់ ។

ខេត្តមណ្ឌលគិរី ក្នុងរយៈពេល ២៤ម៉ោងចុងក្រោយនេះបានរកឃើញអ្នកឆ្លងកូវីដ១៩ ចំនួន ១០នាក់ ដែលជា តួលេខកើនខ្ពស់ជាងពីម្សិលមិញចំនួន ៧នាក់ ។

ខេត្តរតនគិរី បានរកឃើញអ្នកឆ្លងកូវីដ១៩ ចំនួន ១៦នាក់ ក្នុងរយៈពេល ២៤ម៉ោង ចុងក្រោយនេះ ដែលជា តួលេខឆ្លងកើនខ្ពស់ចំនួន ៩ នាក់ បើធៀបនឹងម្សិលមិញដែលបានរកឃើញអ្នកឆ្លងចំនួន ៧នាក់ ។

ខេត្តបន្ទាយមានជ័យ បានរកឃើញអ្នកវិជ្ជមានកូវីដ១៩ ច្រើនរហូតដល់ ១០៥នាក់ ក្នុងរយៈពេល ២៤ម៉ោង ចុង ក្រោយនេះ ដែលជាតួលេខឆ្លងខ្ពស់ជាងការឆ្លងពីម្សិលមិញចំនួន ១៩នាក់ ។ ខេត្តបន្ទាយមានជ័យ កាលពីម្សិល មិញបានរកឃើញអ្នកឆ្លងកូវីដ១៩ ចំនួន ៨៦នាក់ ។