ខេត្តស្វាយរៀងរកឃើញអ្នកឆ្លងជំងឺកូវីដ-១៩ចំនួន១០៣ និងស្លាប់ម្នាក់ក្នុងរយៈពេល២៤ម៉ោង។ អ្នកឆ្លងថ្មីទាំង ១០៣នាក់នោះ រួមមាន៥៦នាក់ជាកម្មករតាមរោងចក្រនានា, ២៦នាក់ជាអ្នកពាក់ពន្ធ័នឹងអ្នកជំងឺកូវីដ-១៩, ក្រៅ ពីនោះជាប្រជាពលរដ្ឋនៅស្រុករំដួល, ស្រុកស្វាយទាប, ស្រុកចន្ទ្រា, ស្រុកកំពុងរោទិ៍, ក្រុងបាវិត, ក្រុងស្វាយរៀង ស្រុករមាសហែក និង ២នាក់មកពីរាជធានីភ្នំពេញ និងខេត្តកណ្ដាល។ ចំណែកអ្នកស្លាប់ថ្មីម្នាក់នោះ ជាស្ត្រីអាយុ ៦០ឆ្នាំ នៅភូមិព្រៃរំដេង ឃុំជ្រៃធំ ស្រុករមាសហែក ខេត្តស្វាយរៀង។

ខេត្តព្រះវិហារ បានរកឃើញអ្នកឆ្លងជំងឺកូវីដ១៩ ចំនួន ១២នាក់ ថែមទៀត ក្នុងរយៈពេល ២៤ម៉ោងចុងក្រោយ នេះ ដែលជាតួលេខថយចំនួនពាក់កណ្តាលប្រៀបធៀបនឹងម្សិលមិញដែលមានអ្នកឆ្លងចំនួន ២៤នាក់ ។

ខេត្តកំពង់ធំ បានរកឃើញអ្នកឆ្លងជំងឺកូវីដ១៩ថ្មី ចំនួន ៤៥នាក់ ថែមទៀតហើយ ក្នុងរយៈពេល ២៤ម៉ោង ចុង ក្រោយនេះ ។ នេះជាតួលេខបន្តកើនខ្ពស់រហូតដល់ ២០នាក់ ធៀបនឹងម្សិលមិញ ដែលបានរកឃើញអ្នកឆ្លង ចំនួន ២៥នាក់ ។

ខេត្តសៀមរាប បានរកឃើញអ្នកឆ្លងកូវីដ១៩ថ្មី ចំនួន ៥១នាក់ ថែមទៀត ក្នុងរយៈពេល ២៤ម៉ោង ចុងក្រោយ នេះ ដែលជាតួលេខថយចុះចំនួន១០៩នាក់ ប្រៀបធៀបនឹងម្សិលមិញ ។ កាលពីថ្ងៃអង្គារម្សិលមិញ ខេត្តសៀម រាប បានរកឃើញអ្នកឆ្លងកូវីដ១៩ ចំនួន ១៦០នាក់ ។

ការធ្វើសំណង់ប្រាសាទថ្មីមួយ នៅក្នុងប្រទេសថៃជាមួយការចោទប្រកាន់ថាបានយកលំនាំតាមប្រាសាទអង្គរវត្ត ខ្មែរ បានប្រញាប់ឲ្យក្រសួងវប្បធម៌ នៃប្រទេសកម្ពុជាបានចាត់ក្រុមតាមដាននិងធ្វើការស៊ើបអង្កេត។

ចំនួនមនុស្សដែលបានចាក់វ៉ាក់សាំងរយៈពេល២៤ម៉ោងកន្លងមកនេះ មានចំនួន៥ម៉ឺន៤ពាន់៨០៣នាក់ ដែល នាំឲ្យចំនួនអ្នកចាក់វ៉ាក់សាំងទូទាំងប្រទេសកម្ពុជាបានកើនឡើង៤លាន៦សែន៥ម៉ឺន៤ពាន់៤៥១នាក់ហើយ។ ចំនួននេះ គឺស្មើនឹងជាង៤៦ភាគរយនៃតួលេខចាក់លើពលរដ្ឋចំនួន១០នាក់ទូទាំងប្រទេស, ក្នុងនោះអ្នកបាន ចាក់វ៉ាក់សាំងដូសទី២រួចមានចំនួន៣លាន៣សែន៧ម៉ឺន៦ពាន់៦៨៧នាក់។

ប្រទេសអាស៊ានទាំង១០ក្នុងរយៈពេល២៤ម៉ោងចុងក្រោយនេះ ការឆ្លងកូវីដ១៩ថ្មី មានចំនួន៥ម៉ឺន ៧ពាន់ ២​រយ ករណី និងការ ស្លាប់ថ្មីមានចំនួន១៤២៧នាក់។ ប្រទេសដែលមានការឆ្លងថ្មីក្នុងរយៈ ពេល២៤ម៉ោងចុងក្រោយនេះនៅអាស៊ាន ក្រៅពីប្រទេសកម្ពុជា នៅមានប្រ ទេសចំនួន១០ ប្រទេសដែលមានការស្លាប់ថ្មីរយៈពេល២៤ម៉ោងចុងក្រោយនេះ មានចំនួន៧ប្រទេស។

ការឆ្លងជំងឺកូវីដ១៩ក្នុងប្រទេសកម្ពុជានៅមិនទាន់ថយចុះឡើយដោយតួលេខឆ្លងខ្ពស់មានចំនួន៩៨១ករណី។ តួលេខឆ្លងក្នុងរយៈពេលមួយសប្តាហ៍ដំបូងក្នុងខែកក្កដានេះ តួលេខឆ្លងស្ថិតនៅក្នុងរង្វង់ជាង៩០០ចំនួន៦ដង​ និងជាង៨០០ម្តង។