ក្រុមការងារគណបក្សប្រជាជនកម្ពុជាចុះពង្រឹងមូលដ្ឋានក្នុងខណ្ឌមានជ័យ បានចុះសំណេះ សំណាលជាមួយសមាជិកក្នុងបក្ខរបស់ខ្លួនខណៈការបោះឆ្នោតឃុំនិងសង្កាត់នឹងមកដល់ ប្រមាណ៤០ថ្ងៃទៅមុខទៀតនេះ។

សមាគមយុវជនក្រុម៨ បានឧបត្ថម្ភថវិកាជាង១៨៨លានរៀល ដើម្បីចូលរួមសកម្មភាព មនុស្សធម៌ និងសង្គមជាមួយសមាគមគ្រូពេទ្យស្ម័គ្រចិត្តយុវជនសម្ដេចតេជោ(TYDA) ។ សមាគមយុវជនក្រុម៨ គឺជាចង្កោមក្រុមយុវជនដឹកនាំដោយបណ្ឌិត ម៉ឹង មករា។

អភិបាលរាជធានី បានស្នើអោយអាជ្ញាធរខណ្ឌទាំង១៤ ត្រូវសហការជាមួយសាខាពន្ធដា ដើម្បីគៀងគរ ការប្រមូលពន្ធចូលរដ្ឋកាន់តែល្អប្រសើរ។ ការស្នើរបស់លោកអភិបាលរាជធានី ឃួង ស្រេង បានធ្វើឡើងក្នុងពិធីប្រកាសកែសម្រួលភារកិច្ច និងតែងតាំងថ្នាក់ដឹកនាំ សាខាពន្ធដាខណ្ឌចំនួន៦នារសៀលថ្ងៃទី២៦ មេសា នៅសាលារាជធានីភ្នំពេញ។

ខេត្ដកំពង់ឆ្នាំង បានរៀបចំកិច្ចប្រជុំគណៈបញ្ជាការសន្តិសុខអចិន្រ្តៃយ៍ ដើម្បីធានា និងរក្សា សន្តិសុខ សុវត្ថិភាព និងសណ្តាប់ធ្នាប់ក្នុងការពិនិត្យបញ្ជីឈ្មោះក្នុងការបោះឆ្នោត ឃោសនា បោះឆ្នោត ខណៈការបោះឆ្នោតឃុំនិងសង្កាត់នឹងឈានមកដល់ក្នុងរយៈពេល៤០ថ្ងៃទៅមុខ ទៀតនេះហើយ។

តួលេខឆ្លងកូវីដ១៩ ក្នុងប្រទេសអាស៊ាន ក្នុងរយៈពេល ២៤ម៉ោងចុងក្រោយនេះ មានចំនួន ២ម៉ឺន ៧ពាន់ ១ករណី និងការស្លាប់ថ្មីមានចំនួន ១៨៩នាក់ ។ តួលេខឆ្លងនៅថ្ងៃនេះ មានការ ថយចុះចំនួន ៣ពាន់ ៨៥០ករណី ប៉ុន្តែការស្លាប់មានការកើនឡើងចំនួន ១៦នាក់ បើប្រៀប ធៀបនឹងម្សិលមិញ ។ នៅថ្ងៃនេះប្រទេសដែលមានតួលេខឆ្លងច្រើនជាងគេនៅអាស៊ាន គឺប្រ ទេសថៃ និងឆ្លងតិចជាងគេគឺប្រទេសកម្ពុជា។

កម្ពុជានៃប្រធានអាស៊ាន គ្រោងនឹងរៀបចំកិច្ចសន្ទនាមន្ត្រីការពារជាតិវេទិកាតំបន់អាស៊ាន ARF DOD នៅថ្ងៃទី២៩ ខែមេសា ខាងមុខនេះ។

តួលេខអ្នកចាក់វ៉ាក់សាំងដូសទី៣ ក្នុងរយៈពេល ២៤ម៉ោងមកនេះ បានចំនួន ៣ម៉ឺន ១ពាន់ ៨៨០នាក់ ដែលនាំឱ្យតួលេខអ្នកចាក់វ៉ាក់សាំងដូសទី៣ កើនសរុបចំនួន ៨លាន ២៨ម៉ឺន ២ពាន់ ៩៥៣នាក់ ។

កម្ពុជាបានដកចេញនូវកាតព្វកិច្ចពាក់ម៉ាសហើយ ខណៈភាពស៊ាំក្នុងសហគមន៍បានធ្វើឱ្យការ ឆ្លងកូវីដ១៩នៅថ្ងៃទី២៦មេសានេះ មានតែ២ករណីនោះទេ។ សម្តេចតេជោ ហ៊ុន សែន បានថ្លែងថាការដកចេញកាតព្វកិច្ចនេះ គឺសម្រាប់តែនៅទីសាធារណៈប៉ុណ្ណោះ ប៉ុន្តែនៅក្នុងទីកន្លែង ដែលបិទជិតគេត្រូវបន្តរក្សាការពាក់ម៉ាសជាដដែល។

រុស្ស៊ីបានផ្តោតគោលដៅវាយប្រហារដាក់លើស្ថានីយ៍រថភ្លើង និងហេដ្ឋារចនាសម្ព័ន្ធផ្លូវដែក ខណៈមធ្យោបាយធ្វើដំណើរផ្លូវដែកក្នុងអ៊ុយក្រែនគឺជាមធ្យោបាយដឹកជញ្ជូនតែមួយគត់លើ ការដឹកជញ្ជូនជំនួយយោធាផង ឬជាមធ្យោបាយដឹកជញ្ជូនមេដឹកនាំក្រុមបស្ចឹមប្រទេសមកកាន់ ក្រុងគៀវ រដ្ឋធានីនៃប្រទេសអ៊ុយក្រែនផងដែរ។

ម៉ូតូតូចៗ និងរ៉ឺម៉កកង់បី ទំនងនឹងមិនអនុញ្ញាតឱ្យបើកបរលើផ្លូវល្បឿនលឿនភ្នំពេញ-ក្រុងព្រះសីហនុឡើយ ដោយសារតែយានយន្តទាំងនោះ ខុសនឹងស្តង់ដាលើផ្លូវដែលមានល្បឿនលឿន ។