កីឡាករជម្រើសជាតិកម្ពុជា និងគ្រូបង្វឹកចំនួន៤៥០នាក់ដែលត្រៀមចួលរួមកីឡាស៊ីហ្គេម ក្នុងប្រទេសវៀតណាមក្នុងខែឧសភាខាងមុខនេះ នឹងត្រូវអនុញ្ញាតការចូលជួបសម្តេចតេជោ ហ៊ុន សែន ដើម្បីទទួលការអនុសាសន៍ណែនាំ។

ធុងហ្គាសមួយបានផ្ទុះនៅក្នុងខេត្តស្វាយរៀងដោយបណ្តាលឱ្យមនុស្សម្នាក់ស្លាប់ នៅថ្ងទី ២៥មេសានេះ។ សេចក្តីរាយការណ៍បានឱ្យដឹងថាហេតុការណ៍បានកើតឡើងនាវេលាទាបភ្លឺ ថ្ងៃទី២៥ ខែមេសា ស្ថិតនៅភូមិព្រះពន្លា ឃុំព្រះពន្លា នៃស្រុកកំពង់រោទិ៍។

កម្ពុជាកំពុងធ្វើការសិក្សានូវគម្រោងធ្វើព្រែកដ៏ធំមួយប្រវែង១៦៨គីឡូម៉ែត្រភ្ជាប់តំបន់ភូមិ សាស្ត្រខេត្តកណ្តាលទៅតំបន់មាត់សមុទ្ទនៃខេត្តកែប។ នេះគឺជាគម្រោងដ៏ធំបង្អស់មួយក្នុង សម័យដឹកនាំសម្តេចតេជោ ហ៊ុន សែន ដើម្បីធ្វើឱ្យប្រទេសកម្ពុជាកាន់តែអភិវឌ្ឍន៍ និងមានផ្លូវ ទឹកខ្វាត់ខ្វែងភ្ជាប់ពីសមុទ្ទចូលមកក្នុងខេត្តដែលអាចមានលទ្ធភាពតភ្ជាប់។

តួលេខឆ្លងក្នុងប្រទេសអាស៊ានទាំង១០ រយៈពេល ៧២ម៉ោងចុងក្រោយនេះ មានចំនួន ១១ម៉ឺន ១ពាន់ ៦៣០ករណី ចំណែកការស្លាប់មានចំនួន ៦៧៩នាក់ ។ តួលេខឆ្លងក្នុង៧២ ម៉ោង នៃសប្តាហ៍នេះ មានការថយចុះចំនួន ៦ម៉ឺន ៥ពាន់ ១៦០ករណី ប៉ុន្តែការស្លាប់បាន កើនឡើង ៩២នាក់ បើប្រៀបធៀបនឹងសប្តាហ៍មុន ។ ក្នុងសប្តាហ៍នេះ ប្រទេសថៃ ជាប្រទេស ដែលមានតួលេខឆ្លងច្រើនជាងគេ ចំណែកប្រទេសមីយ៉ាន់ម៉ា ជាប្រទេសដែលមានតួលេខ ឆ្លងតិចជាងគេដដែល ។

កូនផ្សោតញី១ក្បាលមាន ទំងន់១៣ គីឡូក្រាមបាននៅក្នុងទន្លេមេគង្គ ក្នុងតំបន់អន្លង់ ផ្សោតកាំពី ក្នុងឃុំសំបុក ស្រុកចិត្របុរី ខេត្តក្រចេះ។ កូនត្រីផ្សោតដែលអណ្តែតងាប់ក្នុងទឹក នោះ ត្រូវប្រជាសហគមន៍បានស្រងយកមករក្សាទុកកាលពីរសៀលថ្ងៃទី២៤ ខែ មេសា ឆ្នាំ ២០២២ ។

តួលេខឆ្លងជម្ងឺកូវីដ១៩ក្នុងប្រទេសកម្ពុជានៅថ្ងៃនេះមានចំនួន១២ករណីខណៈកម្ពុជាកំពុង បន្តសម្រុកការចាក់វ៉ាក់សាំងដូសជម្រុញ ទន្ទឹមនឹងជំនួយវ៉ាក់សាំងពីបរទេសបាន បន្តមកដល់ ជាបន្ថែមទៀត។

តួលេខភ្ញៀវទេសចរក្នុងចុងសប្តាហ៍ក​ន្លងមកនេះ នៅតែមានច្រើនគួរឱ្យកត់សម្គាល់បើ ទោះបីជាមិនមានពិធីបុណ្យរៀបចំក៏ដោយ។ រដ្ឋមន្ត្រីក្រសួងទេសចរណ៍ លោក ថោង ខុន បានថ្លែងថាចំនួនភ្ញៀវទេសចរផ្ទៃក្នុង នាចុងសប្តាហ៍ថ្ងៃទី២៣-២៤ ខែមេសា ឆ្នាំ២០២២ មានចំនួន៣២ម៉ឺន៧ពាន់២៧០នាក់ ក្នុងនោះភ្ញៀវជាតិមានចំនួន៣១ម៉ឺន១ពាន់៥៥១នាក់ និង ភ្ញៀវបរទេសផ្ទៃក្នុងមានចំនួន១ម៉ឺន៥ពាន់៧១៩នាក់។

សាលារាជធានីភ្នំពេញ ព្រមានការចាត់វិធានការរដ្ឋបាលចំពោះអ្នកមិនបានចាក់វ៉ាក់សាំង ដូសទីបី ខណៈបានកំណត់វ៉ាក់សាំងដូសជម្រុញនោះ ជាវ៉ាក់សាំងកាតព្វកិច្ច។

សម្តេចនាយករដ្ឋមន្ត្រី បានថ្លែងសរសើរជុំវិញដំណើរការល្អនៃបរិយាកាសវិនិយោគនៅទន្ទឹម នឹងមានការព្យាករណ៍ថាសេដ្ឋកិច្ចកម្ពុជានឹងកើនឡើងជាង៥ភាគរយវិញក្រោយការធ្លាប់ចុះ យ៉ាងគំហុកនារយៈពេល២ឆ្នាំជាប់គ្នាមកនេះ។

សម្តេចនាយករដ្ឋមន្ត្រីបានអំពាវនាវពលរដ្ឋដែលមិនទាន់បានចាក់វ៉ាក់សាំងដូសទី៣ត្រូវតែ ចាក់ឱ្យបានគ្រប់គ្នាខណៈរាជរដ្ឋាភិបាលត្រៀមនឹងដកចេញកាតព្វកិច្ចពាក់ម៉ាសតាមកន្លែង ខ្លះទៀត ដើម្បីកាត់បន្ថយការចំណាយរបស់ពលរដ្ឋ។ សម្តេចតេជោ ហ៊ុន សែន ក្នុងថ្ងៃដែល ទទួលវ៉ាក់សាំងជំនួយមួយលានដូសពីប្រទេសអ៊ីតាលីនៅថ្ងៃទី២៥មេសាបានគូសបញ្ជាក់ជុំ វិញការចាក់វ៉ាក់សាំងដូសទី៣។