សង្ក្រាមឈ្លានពានរុស្ស៊ីក្នុងប្រទេសអ៊ុយក្រែនបានឈានចូលថ្ងៃទី៦០ហើយ។ រដ្ឋមន្ត្រីការ បរទេសអាមេរិក និងរដ្ឋមន្ត្រីការពារជាតិអាមេរិក បានជួបជាមួយនឹងមេដឹកនាំអ៊ុយក្រែន លោក ហ្សេឡិនស្គីក្នុងក្រុងគៀវនៅថ្ងៃច័ន្ទនេះ ទន្ទឹមនឹងសហរដ្ឋអាមេរិកបានប្រកាសបន្តផ្តល់ ជំនួយ បន្ថែមទៀតដល់ប្រទេសអ៊ុយក្រែនដើម្បីការលើកទឹកចិត្តប្រឆាំងនឹងរុស្ស៊ី។

រាជរដ្ឋាភិបាលកម្ពុជាបានអរគុណប្រទេសអ៊ីតាលីដែលបានដល់វ៉ាក់សាំងជំនួយជាងមួយ លានដូសដល់ប្រទេសកម្ពុជា។ កម្ពុជាដែលមិនមែនជាប្រទេសផលិតវ៉ាក់សាំង, ក្រោមគោល នយោបាយការបរទេសដ៏ប៉ឺនប្រសប់របស់របស់រាជរដ្ឋាភិបាលបច្ចុប្បន្ន, អាចទទួលបានវ៉ាក់ សាំងពីបរទេសគ្រប់គ្រាន់សម្រាប់ចាក់លើពលរដ្ឋរបស់ខ្លួន និងអាចសេសសល់ខ្លះ ផ្តល់ទៅឱ្យ ប្រទេសជិតខាងដទៃក្នុងតំបន់ដែលមិនមានវ៉ាក់សាំងចាក់គ្រប់គ្រាន់នោះថែមទៀត ។

ក្រចេះគឺជាខេត្តមួយដែលស្ថិតនៅភាគឥសានប្រទេស។ មនុស្សតិចតួចណាស់ដែលដឹងពីប្រវត្តិខេត្តដែលស្ថិត តាមដងទន្លេមេគង្គនេះ។ ប្រវត្តិសាស្ត្របានបង្ហាញថា ឈ្មោះ ក្រចេះ គឺមក ពីឈ្មោះមេទ័ពបារាំងម្នាក់លោក ហ្គ្រាទីឡេ ដែលគ្រប់គ្រងនៅទីនោះក្នុងសម័យអតីតកាល ដែលមានការបះបោរប្រឆាំងបារាំង។ ប៉ុន្តែឯកសាររបស់សម្តេចព្រះសង្ឃរាជជួនណាតបាន សរសេរថាពាក្យក្រចេះ គឺក្លាយមកពីលំនាំភាសាជនជាតិភាគតិចស្ទៀង នៃកំពង់សម្រាប់ដឹក ចម្លងក្របីនោះទេ។

អំណោយនៃសម្ភារៈការិយាល័យរបស់មេបញ្ជាការកងទ័ពជើងគោកលោកឧត្តមសេនីយ៍ឯក ហ៊ុន ម៉ាណែត បានប្រគល់ជូនកងពលតូចដឹកជញ្ជូនលេខ៩០ នៅថ្ងៃទី២២ ខែមេសា ឆ្នាំ ២០២២ នៅទីបញ្ជាការដ្ឋាន ដែលស្ថិតនៅភូមិសាស្ត្រទឹកដីខេត្តកំពង់ស្ពឺ។

ព្រឹត្តិការណ៍ប្រកួតពានរង្វាន់សម្ដេចតេជោ ហ៊ុន សែន អាស៊ីសន្តិភាព គ្រីឃីត ឆ្នាំ២០២២ គ្រោងនឹងរៀបចំធ្វើជាលើកដំបូងក្នុងប្រទេសកម្ពុជានាខែវិច្ឆិកាឆ្នាំ២០២២នេះ។

ក្មេងប្រុសអាយុ៦ឆ្នាំម្នាក់បានចុះលេងទឹកប្រឡាយបណ្ដាលអោយស្លាប់នៅក្នុងខេត្តបាត់ដំបង។ ហេតុការណ៍បានកើតឡើងកាលពីថ្ងៃទី២១មេសានៅភូមិជ្រោយស្ដៅ ឃុំជ្រោយស្ដៅ ស្រុកថ្មគោល។

ផ្ទះប្រជាពលរដ្ឋយ៉ាងហោចចំនួន៤ខ្នងបានរងការឆេះនៅក្នុងខណ្ឌជ្រោយចង្វារ ប៉ុន្តែមិន មានមនុស្សរងគ្រោះថ្នាក់នោះទេ។ ហេតុការណ៍នោះបានកើតឡើងនៅថ្ងៃទី២២ ខែមេសា ឆ្នាំ២០២២ វេលាម៉ោង៤ និង២៥នាទីព្រឹក ស្ថិតនៅចំណុចផ្លូវទន្លេសាប ភូមិដើមគរ សង្កាត់ ជ្រោយចង្វារ ខណ្ឌជ្រោយចង្វារ រាជធានីភ្នំពេញ ។

តួលេខឆ្លងកូវីដ១៩ ក្នុងប្រទេសអាស៊ាន ក្នុងរយៈពេល ២៤ម៉ោងចុងក្រោយនេះ មានចំនួន ៤ម៉ឺន ៤ពាន់ ៨២៧ករណី និងការស្លាប់ថ្មីមានចំនួន ២៥២នាក់ ។ តួលេខឆ្លងនៅថ្ងៃនេះ មាន ការថយចុះចំនួន ៣ពាន់ ១៤៩ករណី ប៉ុន្តែការស្លាប់មានការកើនឡើងចំនួន ៥៣នាក់ បើ ប្រៀបធៀបនិងម្សិលមិញ ។ នៅថ្ងៃនេះប្រទេសដែលមានតួលេខឆ្លងច្រើនជាងគេនៅអាស៊ាន គឺប្រទេសថៃ និងឆ្លងតិចជាងគេគឺប្រទេសមីយ៉ាន់ម៉ា។

តួលេខអ្នកចាក់វ៉ាក់សាំងដូសទី៣ ក្នុងរយៈពេល ២៤ម៉ោងមកនេះ បានចំនួន ៣ម៉ឺន ៤ពាន់ ៨៦៣នាក់ ខណៈដំណើរការជម្រុញវ៉ាក់សាំងដូសទី៣ និងដូសទី៤បន្តប្រព្រឹត្តទៅ ដើម្បីការ បង្កើតភាពស៊ាំក្នុងសហគមន៍។

តួលេខឆ្លងជម្ងឺកូវីដ១៩ក្នុងប្រទេសកម្ពុជានៅថ្ងៃនេះមានចំនួន២៦ករណីដែលថយចុះជាង ពីម្សិលមិញចំនួន៣ករណី។ កម្ពុជាកំពុងស្ថិតក្រោមការតាមដានភាពវិវត្តន៍នៃជម្ងឺ ឆ្លងរាត ត្បាតនេះ បន្ទាប់ពីរាជរដ្ឋាភិបាលបានអនុញ្ញាតពលរដ្ឋធ្វើការជួបជុំគ្នាសាឡើងវិញក្នុង ពិធី បុណ្យចូលឆ្នាំដែលមានមនុស្សចូលរួមជាង៥លាននាក់។