តួលេខឆ្លងកូវីដ១៩ ក្នុងប្រទេសអាស៊ាន ក្នុងរយៈពេល ២៤ម៉ោងចុងក្រោយនេះ មានចំនួន ៤ម៉ឺន ៧ពាន់ ៩៨០ករណី និងការស្លាប់ថ្មីមានចំនួន ១៩៩នាក់ ។ តួលេខឆ្លងនៅថ្ងៃនេះ មាន ការកើនឡើងចំនួន ៩០០ករណី ប៉ុន្តែការស្លាប់មានការថយចុះចំនួន ៤នាក់ បើប្រៀប ធៀប នឹងម្សិលមិញ ។

សម្តេចនាយករដ្ឋមន្ត្រី បានថ្លែងបង្ហាញក្តីរីករាយយ៉ាងខ្លាំងក្រោយការឃើញនូវចំនួនពលរដ្ឋ ដ៏ច្រើនលើសលុបបានចូលរួមក្នុងពិធីបុណ្យចូលឆ្នាំខ្មែរកន្លងមកនេះ។ ពិធីបុណ្យចូលឆ្នាំកាល ពីសប្តាហ៍មុន ត្រូវប្រជាពលរដ្ឋបានសម្តែងការដឹងគុណចំពោះប្រមុខរាជរដ្ឋាភិបាល។

តួលេខអ្នកចាក់វ៉ាក់សាំងដូសទី៣ ក្នុងរយៈពេល ២៤ម៉ោងមកនេះ បានចំនួន ២ម៉ឺន ២ពាន់ ២១២នាក់ ខណៈដំណើរការជម្រុញវ៉ាក់សាំងដូសទី៣និងដូសទី៤បន្តប្រព្រឹត្តទៅដើម្បីការ បង្កើតភាពស៊ាំក្នុងសហគមន៍។

តួលេខឆ្លងជម្ងឺកូវីដ១៩ក្នុងប្រទេសកម្ពុជានៅថ្ងៃនេះបានស្ថិតនៅខ្ទង់ជាង២០ករណីជាដដែល បើទោះបីជាមានការកើនឡើងតិចតួច។ កម្ពុជាកំពុងស្ថិតក្រោមការតាមដានភាពវិវត្តន៍នៃជម្ងឺ ឆ្លងរាតត្បាតនេះ បន្ទាប់ពីរាជរដ្ឋាភិបាលបានអនុញ្ញាតពលរដ្ឋធ្វើការជួបជុំគ្នាសាឡើងវិញក្នុង ពិធីបុណ្យចូលឆ្នាំកន្លងមកនេះ ដោយមានមនុស្សចូលរួមជាង៥លាននាក់។

កម្ពុជាបានកែសម្រួលលក្ខខណ្ឌធ្វើចត្តាឡីស័កសម្រាប់អ្នកដំណើរបរទេស ដែលមិនទាន់បាន ចាក់វ៉ាក់សាំងធ្វើដំណើរចូលមកកម្ពុជា។ យោងតាមក្រសួងសុខាភិបាល, ការតម្រូវមុននេះ ត្រូវធ្វើចត្តាឡីស័ក១៤ថ្ងៃសម្រាប់អ្នកដំណើរពីក្រៅប្រទេសណាដែលមិនទាន់បានចាក់វ៉ាក់ណសាំងនោះ បានបន្ថយមកនៅត្រឹម៧ថ្ងៃវិញ។

ក្រុងម៉ារីយូប៉ូល បានស្ថិតក្នុងដំណាក់កាលចុងក្រោយហើយ ខណៈសង្ក្រាមឈ្លានពានរុស្ស៊ី ក្នុងប្រទេសអ៊ុយក្រែនបានឈានចូលដល់ថ្ងៃទី៥៦ហើយ។ មេបញ្ជាការអង្គភាពម៉ារីនអ៊ុយ ក្រែនក្នុងក្រុងម៉ារីយូប៉ូល បានថ្លែងប្រាប់ពិភពលោកពីកន្លែងដែលលោកនិងទាហានរបស់ លោកបានស្ថិតក្នុងរង្វង់ឡោមព័ទ្ធ បញ្ជាក់ថាសម្តីរបស់លោកដែលបង្ហាញពេលនេះ គឺអាចជា សម្តីចុងក្រោយនៃជីវិតរបស់លោកហើយ។

ក្រសួងបរិស្ថាននិងអង្គភាពបច្ចេកវិទ្យាចំនួន៣ បានចុះហត្ថលេខាលើអនុស្សរណ:យោគ យល់គ្នាលើ “ការប្រើប្រាស់បច្ចេកវិទ្យា Xcelerator របស់ក្រុមហ៊ុនសៀមិនស៍ នៅថ្ងៃទី២១ មេសានេះ។

សម្តេចនាយករដ្ឋមន្ត្រី ហ៊ុន សែន នឹងដឹកនាំគណៈប្រតិភូ អញ្ចើញចូលរួមកិច្ចប្រជុំកំពូល មួយនៅក្នុងប្រទេសជប៉ុននាវេលាថ្ងៃសុក្រនេះ។ មន្ត្រីរាជរដ្ឋាភិបាលបានថ្លែងថាកិច្ច ប្រជុំក្នុងក្រុងគូម៉ាម៉ូតូ គឺជាកិច្ចប្រជុំដែលផ្តោតអំពីបញ្ហាទឹកនៅតំបន់អាស៊ី-ប៉ាស៊ីហ្វិករវាងពី ថ្ងៃទី២៣និង២៤មេសា។

កម្ពុជាបានធ្វើដំណើរឆ្លងកាត់ឧបសគ្គធំៗ និងបានឈ្នះលើភាពលំបាកទាំងនោះបានទាំង អស់អាស្រ័យដោយកត្តាសន្តិភាពរបស់ប្រទេស។ ក្នុងចំណោមការប្រឈមឧបសគ្គដ៏ធំមួយ គឺជម្ងឺរាតត្បាតកូវីដ១៩ នាវេលាចុងក្រោយនេះ កម្ពុជាអាចមានលទ្ធភាពបើកប្រទេសសា ឡើងវិញ, និងបានរៀបចំពិធីបុណ្យចូលឆ្នាំរបស់ខ្លួនបានយ៉ាងរលូននិងជោគជ័យថែមទៀត។

សម្តេចនាយករដ្ឋមន្ត្រីបានអំពាវនាវពលរដ្ឋត្រូវសម្រេចចិត្តបោះឆ្នោតលើគណបក្សនយោបាយណាមួយក៏ដោយដែលគេបានពេញចិត្តខណៈការបោះឆ្នោតឃុំនិងសង្កាត់នឹងឈានមក ដល់ជាង៤០ថ្ងៃខាងមុខទៀតនេះ។ សម្តេចតេជោ ហ៊ុន សែន បានអំពាវនាវការរក្សាស្ថានភាព អព្យាក្រឹតនិងទប់ស្កាត់អំពើហិង្សាគ្រប់ទម្រង់។