ការព្យាករណ៍អាកាសធាតុ បានបង្ហាញថារដូវវស្សាឆ្នាំ២០២២នេះ នឹងមានភ្លៀងធ្លាក់ច្រើន និងក្នុងរយៈពេលរដូវវស្សាឆ្នាំនេះ នឹងមិនមានកូនរដូវប្រាំងណាមួយបានកើតឡើងទេ។

មនុស្ស៣នាក់ពាក់ព័ន្ធនឹងបទល្មើសនេសាទខុសច្បាប់ ព្រមទាំងវត្ថុតាង ត្រូវបានសមត្ថ កិច្ចចម្រុះ បង្ក្រាប និងបញ្ជូនទៅសាលាដំបូងខេត្តពោធិ៍សាត់។ សម្តេចនាយករដ្ឋមន្ត្រីនា ពេលថ្មីៗនេះ បានដាក់បទបញ្ជាម៉ឺងម៉ាត់ក្នុងការបង្ក្រាបបទល្មើសនេសាទក្នុងបណ្តាខេត្តជាប់ នឹងដងទន្លេសាប។

ម្ចាស់ក្រពើដែលត្រូវបានសត្វចិញ្ចឹមរបស់ខ្លួនបានខាំក្នុងពេលរអិលជើងធ្លាក់ក្នុងកន្លែងរបស់ វានោះ បានបាត់បង់ជីវិតទៅហើយក្រោយរបួសធ្ងន់ធ្ងរមិនអាចព្យាបាលបាន។

ជនសង្ស័យដែលប្រើអាវុធបាញ់លើពលរដ្ឋក្នុងសប្តាហ៍ដែលរៀបចំពិធីបុណ្យចូលឆ្នាំខ្មែរ ក្នុង ខេត្តស្ទឹងត្រែង កំពុងរត់គេចខ្លួនខណៈអាជ្ញាធរកំពុងស្រាវជ្រាវតាមចាប់។ គួរបញ្ជាក់ថាយ៉ាង ហោចមនុស្ស២នាក់ក្នុងនោះរួមទាំងប្រធានយុវជន សសយក ម្នាក់បានរងរបួស ធ្ងន់ដោយ សារគ្រាប់កាំភ្លើងរបស់ជនមិនស្គាល់មុខកាលពីថ្ងៃទី១៣មេសាឆ្នាំ២០២២។

សម្តេចនាយករដ្ឋមន្ត្រី បានជម្រុញពលរដ្ឋចាក់វ៉ាក់សាំងដូសជម្រុញបន្ថែមទៀតដើម្បីការ បង្កើនភាពស៊ាំក្នុងសហគមន៍។ កម្ពុជាបានដកចេញកាតព្វកិច្ចពាក់ម៉ាសក្នុងខេត្តចំនួន៤នា ភាគឥសានប្រទេស និងកំពុងត្រៀមរៀបចំដាក់កន្លែងខ្លះដទៃទៀតដែលគេពិនិត្យឃើញថា មានភាពស៊ាំក្នុងសហគមន៍ហើយ។ សម្តេចតេជោ ហ៊ុន សែន ក្នុងប្រសាសន៍ថ្ងៃទី២០មេសា នេះបានថ្លែងជម្រុញពលរដ្ឋត្រូវបន្តការចាក់វ៉ាក់សាំងដូសទី៣និងដូសទី៤។

តួលេខឆ្លងជម្ងឺកូវីដ១៩ក្នុងប្រទេសកម្ពុជានៅថ្ងៃនេះមានកើនឡើងមកខ្ទង់ជាង២០វិញខណៈ កម្ពុជាកំពុងតាមដានសភាពវិវត្តន៍នៃជម្ងឺឆ្លងនេះ បន្ទាប់ពីរៀបចំពិធីបុណ្យចូលឆ្នាំច្រើនថ្ងៃ ដែលមានមនុស្សចូលរួមជាង៥លាននាក់។ តួលេខឆ្លងថ្ងៃនេះ មានចំនួន២៧នាក់ ប៉ុន្តែសម្តេច តេជោហ៊ុនសែនបានថ្លែងថាតួលេខឆ្លងនេះ នៅមិនទាន់ខ្ពស់គួរឱ្យកត់សម្គាល់នោះទេ។

សង្គ្រាមឈ្លានពានរបស់រុស្ស៊ីក្នុងប្រទេសអ៊ុយក្រែនបានឈានចូលដល់ថ្ងៃទី៥៥ហើយ។ ក្នុង ការវាយប្រហារនាតំបន់ភាគខាងកើតប្រទេសនាពេលនេះ, អ៊ុយក្រែនបានបាត់បង់ក្រុងដ៏តូច មួយទៀតឈ្មោះក្រុងKreminna ។

សម្តេចនាយករដ្ឋមន្ត្រី ហ៊ុន សែន បានបញ្ជាក់នៅថ្ងៃនេះ ជុំវិញដំណើរគ្រោងបំពេញទស្សនកិច្ច ការងារនៅសហរដ្ឋអាមេរិក ដើម្បីចូលរួមក្នុងកិច្ចប្រជុំកំពូលអាស៊ានអាមេរិក។

គម្រោងការពារទឹកជំនន់និងកែលម្អប្រព័ន្ធប្រឡាយ-លូ ក្នុងរាជធានីភ្នំពេញ ជំហានទី៤ បាន សម្ពោធដាក់ឱ្យប្រើប្រាស់នៅថ្ងៃទី២០មេសា ដើម្បីការជួយរំដោះទឹកលិចពីតំបន់ទំនាបនិង ការជួយប្រព្រឹត្តកម្មទឹកឱ្យស្អាត មុនការហូរចូលក្នុងទន្លេ។

ករណីឃាតកម្មរំលោភបូកហើយសម្លាប់ នៅក្នុងខេត្តឧត្តរមានជ័យ ត្រូវបានជំនាញ នគរបាលខេត្ត បំបែកសំណុំរឿងបានហើយក្រោយការស៊ើបអង្កេតរកជនល្មើសរយៈពេល ៣ថ្ងៃ។