មេខ្លោងធ្វើនយោបាយរបស់ក្រុមប្រឆាំងនៅក្រៅស្រុក បានស្រែកអួតអាងអំពីការស្វាគមន៍ជាអន្តរជាតិដល់ក្រុម ឧទ្ទាមរបស់ខ្លួនដែលតែងនិយាយអាក្រក់អំពីប្រទេសកម្ពុជាខ្លួនឯង។ ប៉ុន្តែនៅជាមួយនឹងការស្រែកអួតអាងនេះ រូបភាពជាក់ស្តែងដែលបង្ហាញសកម្មភាពនាពេលនេះនៅក្នុងទ្វីបអឺរ៉ុប ត្រូវគេពណ៌នាថា មិនដូចជាអ្វីដែលលោក សមរង្ស៊ីនិងប្រពន្ធរបស់គាត់ បាននិយាយផ្សព្វផ្សាយឡើយ។      

តំណាងក្រុមប្រឹក្សាធុរកិច្ចអាស៊ាន-សហភាពអឺរ៉ុប បានអញ្ជើញជួបសម្តេចតេជោសែនក្នុងក្រុងប្រុចសែល នៅថ្ងៃទី១៨តុលានេះ និងបានថ្លែងថាបើសិនជាសហគមអឺរ៉ុបដកប្រពន្ធ័អនុគ្រោះពន្ធ EBA ពីកម្ពុជា គឺកត្តានោះ នឹងធ្វើឲ្យអឺរ៉ុបខាតបង់ដោយតម្លៃទំនិញ នឹងកើនឡើងជាង១២% ។ លោក Martin Hayes ដែលតំណាងក្រុមប្រឹ ក្សាធុរកិច្ចអាស៊ាន បានអះអាងប្រាប់សម្តេចថា តំណាងធុរកិច្ចទាំងអស់ប្រមាណ៤០០ក្រុមហ៊ុនរបស់EU នឹងស្នើ ជួប ពិភាក្សាដោយផ្ទាល់ជាមួយក្រុមប្រឹក្សាអឺរ៉ុប ដើម្បីបញ្ជាក់ថាការដកប្រព័ន្ធពន្ធ EBA គឺ នឹង ធ្វើឲ្យប៉ះពាល់ដល់ អត្ថប្រយោជន៍របស់ក្រុម ហ៊ុនEU និងអាចចាត់ទុកថា គណៈកម្មការអឺរ៉ុបនោះ អនុវត្តប្រព័ន្ធអនុគ្រោះ EBA ធ្វើ ជាឧបករណ៍នយោបាយបរទេសរបស់ខ្លួនសម្រាប់កម្ពុជាតែប៉ុណ្ណោះ។              

គណៈប្រតិភូសភាកម្ពុជា ដឹកនាំដោយ លោកជំទាវ ឃួន សុដារី អនុប្រធានទី២រដ្ឋសភា និងជាប្រធានគណៈប្រតិភូសភាកម្ពុជា ចូលរួមមហាសន្និបាត IPUលើកទី១៣៩ នៅទីក្រុង ហ្សឺណែវ​ នៃប្រទេសស្វីស

សភាពាណិជ្ជកម្មអឺរ៉ុបប្រចាំនៅកម្ពុជា Eurocham បានធ្វើលិខិតមួយទៅកាន់ស្នងការពាណិជ្ជកម្មអឺរ៉ុបដើម្បីស្នើ រកការពិចារណាចុងក្រោយពាក់ព័ន្ធនឹងសេចក្តីសម្រេចចង់ព្យួរប្រព័ន្ធអនុគ្រោះ EBA ចំពោះកម្ពុជា។ លិខិតចុះថ្ងៃទី១៥តុលា ឆ្នាំ២០១៨ ដែលបានសរសេរទៅកាន់លោកស្រី Cecilia Malmstrom បានស្នើរកការធ្វើការចំណាត់ការ ប្រសើរណាមួយផ្សេង ជាជាងការព្យួរប្រព័ន្ធអនុគ្រោះ EBA នេះ។  

តំណាងក្រុមគ្រួសារអាម៉េរិកដែលមានកូនចៅបាត់ខ្លួនក្នុងអតីតកាលសង្គ្រាមស៊ីវិលនៅក្នុងប្រទេសកម្ពុជា បាន សម្តែងក្តីរីករាយ និងដឹងគុណសម្តេចនាយករដ្ឋមន្ត្រីកម្ពុជាដែលបន្តកិច្ចប្រតិបត្តិការស្វែងរុករកអដ្ឋិធាតុនិងទាហានអាម៉េរិកាំងដែលបានស្លាប់ និងបាត់ខ្លួននៅកម្ពុជាសាឡើងវិញ។ នៅជាមួយគ្នានោះផងដែរ សមាជិកព្រឹទ្ឋសភាអាម៉េរិកលោក Doug Ericksen និងតំណាងរាស្រ្តលោក Vincent Buys នៃរដ្ឋ Washington State បានថ្លែងរំពឹង ថាប្រទេសទាំង២ នឹងអាចទំនាក់ទំនងល្អសាឡើងវិញក្នុងពេលអនាគតខាងមុខនេះ។    

សម្តេចនាយករដ្ឋមន្ត្រី ហ៊ុន សែន បានមានប្រសាសន៍នៅថ្ងៃទី១៦ ខែតុលា ឆ្នាំ២០១៨នេះថា ការចាកចេញក្នុងបេសកកម្មការទូតម្តងទៀតនាពេលនេះ ជាដំណើរទៅកាន់ប្រទេសបែលហ្ស៊ិកក្នុងទ្វីបអឺរ៉ុប។ សម្តេចនាយករដ្ឋមន្ត្រី បានសរសេរក្នុងហ្វេសប៊ុកថា សម្តេចនឹងចាកចេញនៅវេលារំលងអាធ្រាត្រម៉ោង១២និង២០នាទី ឈានចូលថ្ងៃទី១៧ តុលា ២០១៨ ក្នុងដំណើរទៅកាន់ទីក្រុងប្រុចសែល ដែលជាទីកន្លែងប្រជុំអាស៊ីអឺរ៉ុបលើកទី១២។ កិច្ចប្រជុំអាស៊ីអឺរ៉ុប នឹងប្រព្រឹត្តទៅចាប់ពីថ្ងៃទី១៨ដល់១៩តុលា ដោយមានថ្នាក់ដឹកនាំជាង៥១ប្រទេសអញ្ជើញចូលរួម។ ប្រធានបទនៃកិច្ចប្រជុំអាស៊ីអឺរ៉ុបលើកទី១២នេះ គឺ អឺរ៉ុបនិងអាស៊ី៖ ដៃគូពិភពលោកសម្រាប់ការប្រឈមជាសកល Europe and Asia: Global Partners for Global Challenges ដែលនឹងត្រូវផ្តោតលើបញ្ហាពាណិជ្ជកម្ម និងការវិនិយោគ ការតភ្ជាប់ កត្តាបរិស្ថាននិងការអភិវឌ្ឍចីរភាព និងកត្តាប្រឈមសន្តិសុខដូចជាអំពើភេរវកម្ម ចំណាកស្រុកមិនប្រក្រតី និងសន្តិសុខ Cyber នោះជាដើម។ សម្តេចតេជោសែន មានប្រសាសន៍មុនពេលចាកចេញ បានរៀបរាប់លម្អិតនូវកម្មវិធីដោយសម្តេចបញ្ជាក់ថា បន្ទាប់ពីប្រជុំអាស៊ីអឺរ៉ុប សម្តេចនឹងធ្វើទស្សនកិច្ចនៅប្រទេសតួកគី ចាប់ពីថ្ងៃទី២០ដល់ថ្ងៃទី២២ តុលា។ សម្តេចបានបន្តទៀតថា នៅថ្ងៃទី២២ តុលា សម្តេចនឹងត្រូវចាកចេញពីប្រទេសតួកគី មកទីក្រុងហ្សឺណែវនៃប្រទេសស្វីស ដើម្បីចូលរួមសន្និសីទស្តីពីពាណិជ្ជកម្ម។…