កម្ពុជាបានបន្តសម្រុកការចាក់វ៉ាក់សាំងដូសជម្រុញ បើទោះបីជាបានស្ថិតក្នុងពិធីបុណ្យចូល ឆ្នាំក៏ដោយ។ យោងតាមក្រសួងសុខាភិបាល តួលេខអ្នកចាក់វ៉ាក់សាំងដូសទី៣ ក្នុងរយៈពេល ៤ថ្ងៃនៃពិធីបុណ្យចូលឆ្នាំមកនេះ បានចំនួន ៣ម៉ឺន ៣ពាន់ ២៨០នាក់ ។

កម្ពុជាកំពុងពិនិត្យស្ថានភាពវិវត្តន៍ឆ្លងនៃជម្ងឺកូវីដ១៩ក្រោយថ្ងៃបុណ្យចូលឆ្នាំខ្មែរ ខណៈតួ លេខ២៤ម៉ោងចុងក្រោយនេះ មានចំនួន១៦ករណី។

គណៈកម្មាធិការជាតិរៀបចំការបោះឆ្នោត បានបញ្ចប់ដំណើរការពិនិត្យចំពោះបណ្តឹងបញ្ជី បេក្ខជន ខណៈបញ្ជីបេក្ខជនចំនួន១៣ ត្រូវបានលុប។ អ្នកនាំពាក្យគណៈកម្មាធិការជាតិ រៀប ចំការបោះឆ្នោត លោក ហង្ស ពុទ្ធា បានថ្លែងនៅថ្ងៃទី១៨ ខែមេសានេះថា គិតមកទល់ពេលនេះ ដំណាក់កាលពិនិត្យទៅលើបណ្តឹងរបស់គណបក្សនយោបាយ និងប្រជាពលរដ្ឋបានបញ្ចប់ រួចរាល់១០០ភាគរយ។

បណ្ឌិត ហ៊ុន ម៉ាណែត ដែលជាតំណាងដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត បានអំពាវនាវពលរដ្ឋត្រូវរួមគ្នាថែរក្សាតម្លៃសន្តិភាពដែល កម្ពុជាបានរកយ៉ាងលំបាកក្នុងអតីតកាលកន្លងមកនេះ។

សង្គ្រាមឈ្លានពានរុស្ស៊ីក្នុងប្រទេសអ៊ុយក្រែន បានឈានចូលថ្ងៃទី៥៣។ ក្រុងម៉ារីយូប៉ូលដ៏ ធ្លាប់ស្រស់បំព្រង ពេលនេះ ត្រូវបានខ្ទេចខ្ទីដោយសារការបាញ់ប្រហារដោយមីស៊ីល និងកំពុង ធ្លាក់បន្តិចម្តងៗ ចូលក្នុងរង្វង់ការគ្រប់គ្រងរបស់រុស្ស៊ី បើទោះបីជាមានការ វាយទប់ទល់ពី កងកម្លាំងប្រឆាំងខ្លះរបស់ទាហានអ៊ុយក្រែននៅទីនោះក៏ដោយ។

មេដឹកនាំអាស៊ាននិងមេដឹកនាំអាមេរិកលោក ចូ បៃដិន ត្រៀមនឹងជួបពិភាក្សាទល់មុខគ្នាក្នុង ខែឧសភាខាងមុខនេះ បន្ទាប់ពីមានការលើកពេលប្រជុំកំពូលជាច្រើនដង។ កិច្ចប្រជុំកំពូល ពិសេសដែលត្រៀមធ្វើនៅក្នុងរដ្ឋធានីវ៉ាស៊ីតោនរវាងពីថ្ងៃទី១២និង១៣ឧសភា បានទន្ទឹមនឹង សភាពការណ៍អន្តរជាតិក្នុងតំបន់និងពិភពលោក កំពុងតែប្រឈមភាពតានតឹងដោយសារ បញ្ហាសង្គ្រាមនៅអ៊ុយក្រែន និងការគៀងគរកម្លាំងរបស់ប្រទេសមហាអំណាចដើម្បីបំរើផលប្រ យោជន៍និងមហិច្ឆតានយោបាយ ជាពិសេសក្រោយការឃើញនូវឥទ្ធិពលកើនឡើងរប​ស់ ប្រ ទេសចិនក្នុងតំបន់អាស៊ីប៉ាស៊ីហ្វិក។

ភ្លៀងនៅក្នុងសប្ដាហ៍ទៅមុខទៀតនេះ នឹងមានកម្រិតច្រើនជាងសប្ដាហ៍កន្លងទៅ ខណៈ កម្ពុជាទទួលឥទ្ធិពលពីជ្រលងសម្ពាធទាបឥណ្ឌាក្នុងកម្រិតពីខ្សោយទៅមធ្យម ប៉ះនឹងសីតុណ្ហ ភាពផ្ទៃដីឡើងកំដៅហប់ ដែលបង្កើតបានជាបាតុភូតទែម៉ូឌីណាមិច។

អតីតរាជធានីឧដុង្គ គឺជាអតីតនៃទីក្រុងចាស់ក្នុងជំនាន់រជ្ជកាលព្រះបាទជ័យជេដ្ឋាទី២។ អតីត រាជធានីឧដុង្គនេះ ត្រូវបានរើមករាជធានីភ្នំពេញបច្ចុប្បន្នវិញ ក្នុងសម័យអតីតព្រះមហាក្សត្រ ព្រះបាទនរោត្តមកាលពីឆ្នាំ១៨៦៦។

សាសនិកឥស្លាមដែលបានបួសក្នុងពិធីសាសនារ៉ាម៉ាដន ក្នុងឃុំអណ្តូងស្វាយនិងឃុំរលាប្អៀរ បានទទួលអំណោយកញ្ចប់អាហារនៅថ្ងៃទី១២មេសានេះ។ អប្សរាណិតធ្វើសេចក្តីរាយការណ៍

តួលេខឆ្លងកូវីដ១៩ ក្នុងប្រទេសអាស៊ាន ក្នុងរយៈពេល ២៤ម៉ោងចុងក្រោយនេះ មានចំនួន ៥ម៉ឺន ៦ពាន់ ៥៤១ករណី និងការស្លាប់ថ្មីមានចំនួន ១៩៨នាក់ ។ តួលេខឆ្លងនៅថ្ងៃនេះ មាន ការថយចុះចំនួន ៧ពាន់ ២៨៨ករណី និងការស្លាប់ក៏មានការចំនួន ១០នាក់ បើប្រៀបធៀប នឹងម្សិលមិញ ។ ក្នុងរយៈពេល២៤ម៉ោងកន្លងមកនេះ កម្ពុជាគឺជាប្រទេសដែលមានការឆ្លង តិចជាងគេ, ចំណែកវៀតណាមគឺជាប្រទេសដែលឲមានការឆ្លងច្រើនជាងគេ ។