ពិធីបុណ្យចូលឆ្នាំខ្មែរប្រពៃណីជាតិនឹងមកដល់ក្នុងសប្តាហ៍នេះហើយ។ កម្ពុជាប្រមាណ២ឆ្នាំ មកនេះ, ការជួបជុំគ្នាក្នុងទ្រង់ទ្រាយធំដើម្បីរៀបចំពិធីបុណ្យចូលឆ្នាំ ត្រូវបានអាក់ខានដោយ សារតែវិបត្តិឆ្លងកូវីដ១៩។ ឆ្នាំ២០២២នេះ គឺជាលើកទី១ហើយ បន្ទាប់ពីបានអាក់ខានប្រមាណ ២ឆ្នាំមកនេះ។ ក្នុងពិធីបុណ្យចូលឆ្នាំ៣ថ្ងៃជាប់គ្នានេះ ពិធីមួយជាទំនៀមទម្លាប់និងប្រពៃណី គឺ ពិធីស្រង់ព្រះ។ ហេតុអ្វីបានខ្មែរយើងរៀបចំពិធីស្រង់ព្រះនៅតាមវត្តអារាម?

កម្ពុជា បានបញ្ជូនក្រុមជម្រើសជាតិ៤ប្រភេទកីឡាទៅសាធារណរដ្ឋកូរ៉េដើម្បីការហ្វឹកហាត់ ត្រៀមចូលរួមប្រកួតកីឡាស៊ីហ្គេមនៅវៀតណាម។ កីឡាស៊ីហ្គេមលើកទី៣១នឹងប្រព្រឹត្តទៅ ក្នុងប្រទេសវៀតណាមនាខែឧសភាខាងមុខនេះហើយ។

កីឡា ៣៩ប្រភេទ ដែលកម្ពុជាបានស្នើ ត្រូវបានសម្រេចដាក់ក្នុងកម្មវិធីស៊ីហ្គេម ឆ្នាំ២០២៣ ជាផ្លូវការ។ ការសម្រេចនោះ បានធ្វើឡើងនៅថ្ងៃទី១០ មេសា ក្នុង កិច្ចប្រជុំក្រុមប្រឹក្សាសហ ព័ន្ធកីឡាអាស៊ីអាគ្នេយ៍ប្រព្រឹត្តទៅក្នុងក្រុងអង្គរ ខេត្តសៀមរាប។ ក្នុងចំណោមកីឡាទាំង៣៩ ប្រភេទនោះ រួមមានកីឡាគុនខ្មែរល្បុក្កតោ និងអុកចត្រង្គ ដែលជាកីឡាប្រពៃណី និងជាអត្ត សញ្ញាណជាតិខ្មែរផងដែរ។

តួលេខឆ្លងក្នុងប្រទេសអាស៊ានទាំង១០ រយៈពេល ៧២ម៉ោងចុងក្រោយនេះ មានចំនួន ៣០ម៉ឺន ៦ពាន់ ៦៩៥ករណី ចំណែកការស្លាប់មានចំនួន ៧៧២នាក់ ។ តួលេខឆ្លងក្នុង៧២ ម៉ោង នៃសប្តាហ៍នេះ មានការថយចុះចំនួន ៩ម៉ឺន ៩ពាន់ ៩៣៤ករណី និងការស្លាប់បាន ថយចុះ ៦១នាក់ បើប្រៀបធៀបនឹងសប្តាហ៍មុន ។ 

ការចាក់វ៉ាក់សាំងនៅតែបន្ត បើទោះបីជាកម្ពុជាមានពិធីបុណ្យចូលឆ្នាំរយៈពេល៣ថ្ងៃក៏ដោយ ។ សេចក្តីរាយការណ៍បានបង្ហាញថា ការចាក់ដូសជម្រុញនៅតែបន្តសម្រុកថែមទៀតនិងអាច ពង្រីកទីតាំងនៅតាមទីវត្តអារាមបន្ថែមទៀត នៅក្នុងពិធីបុណ្យចូលឆ្នាំខ្មែរក៏ដោយ។

រដ្ឋមន្ត្រីក្រសួងទេសចរណ៍បានថ្លែងថា ចរន្តភ្ញៀវក្នុងចុងសប្តាហ៍នេះស្ទុះឡើងខ្លាំង ក្នុងចំនួន ជិត៤០ម៉ឺននាក់ ដែលកើនឡើង៧៤%បើប្រៀបធៀបនឹងសប្តាហ៍កន្លងមក ។

តួលេខឆ្លងជំងឺកូវីដ១៩ក្នុងប្រទេសកម្ពុជានៅថ្ងៃនេះ បានបន្តធ្លាក់ចុះមកនៅត្រឹមខ្ទង់ ជាង១០ករណី ។ តួលេខឆ្លងថ្ងៃនេះ មានចំនួន១៦ករណីដែលថយចុះ១៧ករណីបើប្រៀប ធៀបនឹងម្សិលមិញ។

ប្រជាពលរដ្ឋក្នុងបណ្តាខេត្តដែលប្រមុខរាជរដ្ឋាភិបាលបានលើកកាតព្វកិច្ចពាក់ម៉ាស បាន ថ្លែងបង្ហាញរីករាយនៅថ្ងៃទី១១មេសានេះ។ សម្តេចនាយករដ្ឋមន្ត្រី កាលពីថ្ងៃទី១០មេសាតាម រយៈសារសម្លេងបានដកចេញនូវកាតព្វកិច្ចពាក់ម៉ាស់ក្នុងខេត្ត៤នាភាគឥសានប្រទេស គឺខេត្ត មណ្ឌលគិរី, រតនគិរី, ស្ទឹងត្រែង និងខេត្តព្រះវិហារ ប៉ុន្តែពលរដ្ឋនៅតែអាចបន្តពាក់ម៉ាសបាន បើសិនជាចង់បន្តពាក់។ ពលរដ្ឋក្នុងបណ្តាខេត្តទាំង៤ នៅពេលដែលបានសាកសួរចង់ដឹង ពី អារម្មណ៍បន្ទាប់សម្តេចតេជោ​ ហ៊ុន សែន បានលើកលែងនូវកាតព្វកិច្ចទាំងនោះ បាននិយាយ ថាពួកគេមានក្តីសប្បាយចិត្តជាខ្លាំង។

វ៉ាក់សាំងបង្ការជំងឺកូវីដ១៩ ជំនួយរបស់ប្រទេសឥណ្ឌា ចំនួន ២០ម៉ឺនដូស បានដឹកមកដល់ ប្រទេសកម្ពុជានាល្ងាចថ្ងៃចន្ទ ទី១១ ខែមេសា ឆ្នាំ២០២២នេះហើយខណៈកម្ពុជាកំពុងសម្រុក ការចាក់វ៉ាក់សាំងដូសជម្រុញ។

សមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA) បានចាប់ផ្ដើមបេសកកម្មមនុស្សធម៌ របស់ខ្លួន សាឡើងវិញបន្ទាប់ពីខកខានដោយសារការរីករាលដាលជំងឺកូវីដ១៩ អស់រយៈ ពេល២ឆ្នាំ។