អគ្គមេបញ្ជាការនៃកងយោធពលខេមរភូមិន្ទ នាយឧត្តមសេនីយ៍ វង្ស ពិសេន បានអនុញ្ញាតប្រធានការិយាល័យអនុព័ន្ធយោធាចិនតែងតាំងថ្មីលោក វរសេនីយ៍ឯកពិសេស ថាំង ហាវ ចូល ជួបសម្ដែងការគួរសម នាព្រឹកថ្ងៃទី៧មេសានេះ នៅអគ្គបញ្ជាការដ្ឋានក្នុងរាជធានីភ្នំពេញ ។

សង្គ្រាមឈ្លានពានរុស្ស៊ី បានឈានចូលថ្ងៃទី៤៣ហើយ។ ការវាយប្រហារគ្នានៅតំបន់ភាគ ខាងកើតអ៊ុយក្រែនកាន់តែមានភាពខ្លាំងឡើង ទន្ទឹមនឹងពលរដ្ឋភៀសខ្លួន បានធ្វើដំណើរចាក ចេញពីទីលំនៅដ្ឋានស្វែងរកកន្លែងមានសុវត្ថិភាព។ នៅខាងក្រៅប្រទេសនោះវិញ សហរដ្ឋអាមេរិក និងក្រុមបស្ចឹមប្រទេស បានបន្តកិច្ចប្រឹងប្រែងរកការថ្កោលទោសដាក់រុស្ស៊ីជាបន្ថែម ទៀតបន្ទាប់ពីកិច្ចប្រជុំក្រុមប្រឹក្សាសន្តិសុខអង្គការសហប្រជាជាតិ ដែលក្រុមបស្ចឹមប្រទេស បានចោទថា រុស្ស៊ីប្រព្រឹត្តអំពើសម្លាប់រង្គាលដែលមានទម្ងន់ស្មើនឹងឧក្រិដ្ឋកម្មសង្គ្រាមនោះ មក។

សម្តេចក្រឡាហោម ស ខេង បានថ្លែងថាការតែងតាំងមនុស្សមិនចេះអក្សរជាបេក្ខភាពឈរ ឈ្មោះបោះឆ្នោតឃុំនិងសង្កាត់ គឺជាអំពើខុនឹងច្បាប់បើយោងតាមច្បាប់ស្តីពីការបោះឆ្នោត ជ្រើសរើសក្រុមប្រឹក្សាឃុំសង្កាត់នាបច្ចុប្បន្ននេះ។

សម្តេចតេជោ ហ៊ុន សែន បានអនុញ្ញាតឱ្យប្រធានសម្របសម្រួលអង្គការសហប្រជាជាតិ ប្រចាំនៅកម្ពុជាលោកស្រី ប៉ូលីន ថាំមីស៊ីស ចូលជួបសម្តែងការគោរពលាក្រោយការបញ្ចប់ អាណ្ណត្តិធ្វើការ៤ឆ្នាំរបស់ខ្លួនក្នុងប្រទេសកម្ពុជា។

ដំណើរការសេដ្ឋកិច្ចជាតិបានងើបស្ទុះលើវិស័យខ្លះឡើងមកវិញ ក្រោយការបើកប្រទេស សាឡើងវិញថ្ងៃទី១វិច្ឆិកាឆ្នាំ២០២១។ សន្ទុះកំពុងធ្វើដំណើរទៅមុខនេះបាន គឺអាស្រ័យដោយ កត្តាប្រទេសមានសន្តិភាពពេញលេញក្រោមការ ដឹកនាំរបស់រាជរដ្ឋាភិបាលបច្ចុប្បន្ន។

ធនាគារអេឌីប៊ី បានកោតសរសើរកិច្ចប្រឹងប្រែងរបស់កម្ពុជាដែលធ្វើឱ្យដំណើរការសេដ្ឋកិច្ច បានស្ទុះឈានទៅមុខ។ កម្ពុជាក្នុងរយៈពេល២ឆ្នាំជាប់គ្នាកន្លងមកដោយសារតែវិបត្តិនៃជម្ងឺ ឆ្លងកូវីដ១៩ បានធ្វើឱ្យដំណើរការសេដ្ឋកិច្ចបានធ្លាក់ចុះ ប៉ុន្តែក្រោមនយោបាយចាក់វ៉ាក់សាំង ទូទាំងប្រទេសរបស់រាជរដ្ឋាភិបាលនិងការដាក់ចេញនូវគោលនយោបាយកាត់បន្ថយផលប៉ះ ពាល់អវិជ្ជមាននានាដាក់ចេញដោយរាជរដ្ឋាភិបាលនោះមក, សន្ទុះដំណើរងើបឡើងសេដ្ឋកិច្ច បានឈានមកវិញបន្តិចម្តងៗ។

ការសាងសង់អាកាសយានដ្ឋានអន្តរជាតិតេជោដំណាក់កាលពី១ បានសម្រេច៣១.១%ហើយ ។ សំណង់ព្រលានយន្តហោះអន្តរជាតិថ្មីដែលមានទីតាំងក្នុងខេត្តកណ្តាលនេះ ត្រូវគេគ្រោង សាងសង់ក្នុងបីដំណាក់កាល ដោយដំណាក់កាលទី១រយៈ ពេល៣ឆ្នាំសាងសង់តម្លៃ១ពាន់ ៥០០លានដុល្លារ ដែលនឹងត្រូវបញ្ចប់ក្នុងឆ្នាំ២០២៣។ យោងតាមសេចក្តីប្រកាសព័ត៌មាន ក្រុមហ៊ុនសាងសង់ TIA ការទើបសម្រេចបានជាង៣១ភាគរយនេះ ទើបបានចំណាយប្រាក់ ៤៣៤លានដុល្លារនោះទេ ។

តួលេខឆ្លងកូវីដ១៩ ក្នុងប្រទេសអាស៊ាន ក្នុងរយៈពេល ២៤ម៉ោងចុងក្រោយនេះ មានចំនួន ១០ម៉ឺន ៤ពាន់ ៥៩៨ករណី និងការស្លាប់ថ្មីមានចំនួន ២៤៦នាក់ ។ តួលេខឆ្លងនៅថ្ងៃនេះ មានការកើនឡើងចំនួន ១ម៉ឺន ៦ពាន់ ៧២៣ករណី ប៉ុន្តែការស្លាប់មានការថយចុះចំនួន ៧នាក់ បើប្រៀបធៀបនិងម្សិលមិញ ។ ក្នុងរយៈពេល២៤ម៉ោងកន្លងមកនេះ កម្ពុជាគឺជាប្រទេសដែល មានការឆ្លងតិចជាងគេ, ចំណែកវៀតណាមគឺជាប្រទេសដែលឲមានការឆ្លងច្រើនជាងគេ ។

កម្ពុជាដែលមានវ៉ាក់សាំងក្នុងឃ្លាំងប្រមាណជាង១០លានដូស កំពុងសម្រុកប​ន្តការចាក់ដូស ជម្រុញខណៈតួលេខឆ្លងកាន់តែធ្លាក់ចុះក្រោមនយោបាយចាក់វ៉ាក់សាំងទូទាំងប្រទេសរបស់ សម្តេចតេជោ ហ៊ុន សែន។

តួលេខឆ្លងជំងឺកូវីដ១៩ក្នុងប្រទេសកម្ពុជានៅថ្ងៃនេះ បានបន្តធ្លាក់ចុះ ពីខ្ទង់ជាង៣០ករណី មកនៅត្រឹមជាង២០ករណី។ តួលេខឆ្លងថ្ងៃនេះ មានចំនួន២២ករណីដែលថយចុះ ចំនួន៨ ករណីបើប្រៀប ធៀបនឹងម្សិលមិញ។