មន្ត្រីពីគណបក្សភ្លើងទៀនបានជួបជាមួយនឹងមន្ត្រីគជបនៅថ្ងៃទី១១មេសានេះ ដើម្បីការរក កិច្ចអន្តរាគមន៍ពីគណៈកម្មាធិការជាតិរៀបចំការបោះឆ្នោតលើបញ្ហាមួយចំនួន ខណៈដំណើរ ការបោះឆ្នោតជុំនិងសង្កាត់នឹងមកដល់ក្នុងរយៈពេល៥៥ថ្ងៃទៅមុខទៀតនេះ។ គណបក្សភ្លើង ទៀតបានលើកឡើងសំណើចំនួន៣។ តើសំណើនោះ គជបបានយល់ព្រមដែរឬទេ?

សញ្ញានៃការត្រៀមនឹងផ្ទុះអាវុធដ៏ធំមួយនាភាគខាងកើតប្រទេសអ៊ុយក្រែន ទំនងនឹងកើត មានក្នុងសប្តាហ៍នេះ ខណៈដែលប្រធានាធិបតីអ៊ុយក្រែនលោកហ្សេឡិនស្គី បានថ្លែងដាស់ តឿនពលរដ្ឋត្រូវប្រុងប្រយ័ត្ន។

បណ្ឌិត ហ៊ុន ម៉ាណែត បានអញ្ជើញចូលរួមក្នុងពិធីពិសារអាហារស្រាយបួសខែរ៉ាម៉ាដន ឆ្នាំ ២០២២។ ពិធីពិសារអាហារស្រាយបួស ដែលមានការចូលរួមពីថ្នាក់ដឹកនាំ និងសាសនិកខ្មែរ ឥស្លាម កម្ពុជាផងដែរនោះ បានធ្វើនៅក្នុងរាជធានីភ្នំពេញនៅថ្ងៃទី១០មេសា។

សម្តេចតេជោនាយករដ្ឋមន្ត្រី បានអនុញ្ញាតឯកអគ្គរដ្ឋទូតថ្មីនៃប្រទេសឡាវ លោក បូរកែវ ភូមិវង់សាយ ចូលជួបសម្តែងការគួរសមនៅ ថ្ងៃទី១១មេសានេះនាវិមានសន្តិភាព។

យុទ្ធនាការចាក់ដូសជម្រុញបាននិងកំពុងសម្រុកថែមទៀតបើទោះបីជាតួលេខឆ្លងកូវីដ១៩ បានស្ថិតក្នុងខ្ទង់ជាង២០ក៏ដោយ។ ក្នុងរយៈពេល២៤ម៉ោងចុង ក្រោយនេះ តួលេខអ្នកចាក់ វ៉ាក់សាំងដូសទី៣ មានចំនួន ១ម៉ឺន ១៣៦នាក់។ តួលេខអ្នកចាក់វ៉ាក់សាំងដូសទី៣ គិតត្រឹមថ្ងៃ នេះបានសរុបចំនួន ៨លាន ១៧ពាន់ ៦១០នាក់ ។

តួលេខឆ្លងជម្ងឺកូវីដ១៩ក្នុងប្រទេសកម្ពុជានៅថ្ងៃនេះ បានស្ថិតនៅជាង២០ករណីជាដដែល។ តួលេខឆ្លងថ្ងៃនេះ មានចំនួន២៧ករណីដែលកើនឡើង ចំនួន៥ករណីបើប្រៀប ធៀបនឹងម្សិល មិញ។

ពិព័រណ៍វប្បធម៌ ទេសចរណ៍ និងកីឡា ដែលមានមនុស្សចូលរួមច្រើនកុះករ បានរៀបចំធ្វើ នៅពហុកីឡដ្ឋានជាតិមរតកតេជោ។ ពិធីជួបជុំមនុស្សដ៏ច្រើននេះ គឺជាលើកដំបូងហើយ ក្រោយការអាក់ខានរៀបចំកម្មវិធីនានា ក្នុងពេលដែលកម្ពុជារងវិបត្តិនៃជំងឺកូវីដ១៩។

កម្លាំងនគរបាលដែលនឹងត្រូវពង្រាយក្នុងរាជធានីភ្នំពេញដើម្បីការជួយថែរក្សាសន្តិសុខនិង សណ្តាប់ធ្នាប់ប្រជាពលរដ្ឋក្នុងពិធីបុណ្យចូលឆ្នាំខាងមុខនេះ នឹងមានចំនួនជាង២ពាន់នាក់។ ការសម្រេចពង្រាយកម្លាំងជាង២ពាន់នាក់ក្នុងពិធីបុណ្យចូលឆ្នាំខ្មែរ៣ថ្ងៃជិតមកដល់នេះ បាន ធ្វើឡើងក្នុងកិច្ចប្រជុំមួយរបស់ស្នងការដ្ឋានរាជធានីភ្នំពេញនៅថ្ងៃទី៧មេសានេះ។

មេបញ្ជាការកងទ័ពជើងគោក លោកឧត្តមសេនីយ៍ឯក ហ៊ុន ម៉ាណែត បានអញ្ជើញចូលរួម បិទវគ្គហ្វឹកហ្វឺនបំប៉នជំនាញភស្តុភារ, យន្តយុទ្ធថ្នាក់កងវរសេនាតូច, កងអនុសេនាធំ និង បណ្តុះបណ្តាលជំនាញ បើកបររថយន្តធុនធ្ងន់ របស់ យោធភូមិភាគទី៥ ក្នុងខេត្តបាត់ដំបង។ ក្នុងពិធីនោះ លោកឧត្តមសេនីយ៍ ហ៊ុន ម៉ាណែត បានបញ្ជាក់ប្រាប់មន្ត្រីយោធាចូលរួមថា ឆ្នាំ២០២២នេះគឺជាឆ្នាំនៃកិច្ចការសំខាន់ ដែលកងទ័ពត្រូវពង្រឹងលើការថែរក្សាសន្តិសុខជាតិ និងសណ្តាប់ធ្នាប់សាធារណៈ។

សម្ដេចក្រឡាហោម ស ខេង បានដាក់បញ្ជាការពង្រឹងការគ្រប់គ្រងជនបរទេសឱ្យបាន ម៉ឺង ម៉ាត់ និងត្រូវចាប់បណ្ដេញចេញភ្លាមនូវជនបរទេសទាំងឡាយណាដែលបានចូលមក ក្នុងប្រទេសដោយខុសច្បាប់ ។