តួលេខឆ្លងជម្ងឺកូវីដ១៩ក្នុងប្រទេសកម្ពុជានៅថ្ងៃនេះ បានបន្តធ្លាក់ចុះ ប៉ុន្តែមានករណីបាត់ បង់ជីវិតនាក់។ តួលេខឆ្លងថ្ងៃនេះ មានចំនួន៣០ករណីដែលថយចុះ ចំនួន៥ករណីបើប្រៀប ធៀបនឹងម្សិលមិញ។

ខេត្តកំពង់ឆ្នាំង បានរៀបចំកម្មវិធីសង្រ្កាន្តសប្បុរសធម៌ ២ថ្ងៃរវាងថ្ងៃទី ៤និង៥ ខែមេសា ឆ្នាំ២០២២ ។ សង្រ្កាន្តសប្បុរសធម៌ គឺជាសង្ក្រាន្តប្រមូលថវិកា ដើម្បីជួយដល់ប្រជាពលរដ្ឋ ដែលខ្វះខាតនៅក្នុងខេត្ត។

មេបញ្ជាការកងទ័ពជើងគោកកម្ពុជាលោកឧត្តមសេនីយ៍ឯក ហ៊ុន ម៉ាណែត បានអនុញ្ញាតឱ្យ គណៈប្រតិភូអង្គទ័ពទី៤ នៃកងទ័ពប្រជាជនវៀតណាម ចូលជួបសំណេះសំណាលសម្តែង ការគួរសម។

សង្គ្រាមក្នុងប្រទេសអ៊ុយក្រែនបានឈានចូលថ្ងៃទី៤១ហើយ។ នៅថ្ងៃទី៥មេសានេះ មិនមាន សេចក្តីរាយការណ៍អំពីការវាយប្រហារក្នុងទ្រង់ទ្រាយធំណាមួយបានកើតឡើងគួរឱ្យចាប់ អារម្មណ៍នោះទេ ប៉ុន្តែអ្វីដែលពិភពលោកបាននិងកំពុងតាមដាននោះ គឺការថ្កោលទោសជា អន្តរជាតិលើអំពើសម្លាប់រង្គាលមកលើជនស៊ីវិលអ៊ុយក្រែន បើទោះបីជារុស្ស៊ីបានបដិសេធ ថាជាការរៀបចំឆាកក្នុងបំណងទម្លាក់ការចោទប្រកាន់ដាក់មកលើទាហានរុស្ស៊ីនោះក៏ដោយ ។

មន្ត្រីគជប បានថ្លែងថាបេក្ខជនចំនួន៨៦នាក់ពីគណបក្សចំនួន៣ ត្រូវបានលុបឈ្មោះចេញពី បញ្ជីឈរឈ្មោះប្រកួតប្រជែងខណៈដំណើរការបោះឆ្នោតឃុំនិងសង្កាត់នឹងឈានមកដល់ប្រ មាណ៦១ថ្ងៃទៀតតែប៉ុណ្ណោះ។

គណៈកម្មាធិការជាតិរៀបចំការបោះឆ្នោត គជប បានចេញសេចក្តីប្រកាសមួយបង្ហាញ ភាព មិនប្រក្រតីរបស់គណបក្សភ្លើងទៀនដែលគេបានរកឃើញកន្លងមកនេះ ស្មើនឹង អំពើក្លែង បន្លំ។ ទោសក្លែងបន្លំ គឺជាទោសមួយដែលអាចនាំឱ្យអ្នកប្រព្រឹត្តប្រឈមនឹងការជាប់ពន្ធនាគារ ។

មន្ត្រីជាន់ខ្ពស់អង់គ្លេស២រូប បានត្រៀមបំពេញទស្សនកិច្ចរយៈពេល២ថ្ងៃក្នុងប្រទេស កម្ពុជានៅសប្តាហ៍នេះ ដែលជាដំណើរទស្សនកិច្ចពង្រឹងភាពជាដៃគូទ្វេភាគីនិងដៃគូតំបន់។ មន្ត្រីជាន់ខ្ពស់អង់គ្លេសទាំង២រូបដែលនឹងមកដល់ក្នុងសប្តាហ៍នេះ គឺរួមមានឯកអគ្គរាជ ទូត ចក្រភពអង់គ្លេស ប្រចាំអាស៊ាន លោក ចន ឡាំប៊ី Jon Lambe និងនាយកប្រចាំតំបន់អាស៊ី អាគ្នេយ៍និងប៉ាស៊ីហ្វិក លោកស្រីចូអែលចេនី។

ខេត្តពោធិ៍សាត់ជាប់នឹងទន្លេសាប បានបន្តសកម្មភាពបង្ក្រាបបទល្មើសនេសាទដោយបានរក ឃើញនូវឧបករណ៍ខុសច្បាប់ជាច្រើនទៀត។ សម្តេចនាយករដ្ឋមន្ត្រី កាលពីក្នុងខែមីនាកន្លង មកនេះ បានដាក់បទបញ្ជាដល់អាជ្ញាធរតាមខេត្តជាប់ដងទន្លេសាបត្រូវបង្ក្រាបឱ្យមានប្រសិទ្ធ ភាពដាក់លើក្រុមឈ្មួញទុច្ចរិត ដែលបំផ្លាញធនធានមច្ឆាជាតិនិងបំពានដីព្រៃបឹងទន្លេសាប។

មេបញ្ជាការកងទ័ពជើងគោកកម្ពុជាបានកោតសរសើរកីទ្បាករ កីទ្បាការិនីកម្ពុជាដែលធ្វើឱ្យ កម្ពុជាមានកិត្តិយសនិងមុខមាត់លើឆាកអន្តរជាតិដោយសារតែការដណ្តើមបានមេដាយជា ច្រើនជួនដល់ប្រទេសជាតិ។

ពិធីចូលឆ្នាំថ្មីជិតមកដល់នេះ នឹងមិនអនុញ្ញាតការលេងបាញ់ទឹក ជះទឹក ឬគប់ស្បោងទឹក ដាក់គ្នាទៅវិញទៅមកទេ។ យោងតាមរដ្ឋបាលរាជធានីភ្នំពេញ, ការលាបធ្យូង, ប៉ាតម្សៅ, ការ ប្រើដៃទះគក់ ឬវាយដោយរំពាត់ដាក់លើអ្នកដំណើរ ឬលារជិះម៉ូតូបង្ហោះ ប្រដេញគ្នាលេង នៅតាមផ្លូវក៏មិនអនុញ្ញាតដែរ ដើម្បីការរក្សាអាយុជីវិតផ្ទាល់ខ្លួន។