ចំនួនភ្នាក់ងារគណបក្សនយោបាយសម្រាប់ការសង្កេតមើលដំណើរការបោះឆ្នោតនិងការរាប់ សន្លឹកឆ្នោតនៃការបោះឆ្នោតក្រុមប្រឹក្សាឃុំនិងសង្កាត់ មានចំនួន៧ម៉ឺន៨ពាន់៤៥៧នាក់ហើយ ។

សមិទ្ធផលរបស់តំបន់ប្រតិបត្តិការសឹករងខេត្តកណ្តាលដូចជាអគារស្នាក់នៅសម្រាប់កងទ័ព, អគារផ្ទះបាយ, អគារបន្ទប់ទឹក ត្រូវបានសម្ពោធដាក់ឱ្យប្រើប្រាស់នៅថ្ងៃទី៤មេសានេះ ក្រោម អធិបតីភាពមេបញ្ជាការកងទ័ពជើងគោក លោកឧត្តមសេនីយ៍ឯក ហ៊ុន ម៉ាណែត។

តួលេខអ្នកចាក់វ៉ាក់សាំងដូសទី៣ ក្នុងរយៈពេល២៤ម៉ោង កន្លងមកនេះ មានចំនួន ៥ពាន់ ៩៧នាក់ ដែលជាតួលេខចាក់តិចជាងម្សិលមិញចំនួន ២ពាន់ ៥០៧នាក់ ។ គិតត្រឹមថ្ងៃ នេះតួលេខអ្នកចាក់វ៉ាក់សាំងដូសទី៣ បានសរុបចំនួន ៧លាន ៩៨ម៉ឺន ៤ពាន់ ២៣៤នាក់ ។

តួលេខឆ្លងក្នុងប្រទេសអាស៊ានទាំង១០ រយៈពេល ៧២ម៉ោងចុងក្រោយនេះ មានចំនួន ៤០ម៉ឺន ៦ពាន់ ៣៧៣ករណី ចំណែកការស្លាប់មានចំនួន ៨៣៣នាក់ ។ តួលេខឆ្លង និង ស្លាប់នៅសប្តាហ៍នេះ មានការថយចុះបើធៀបរយៈពេល៧២ម៉ោងនៃសប្តាហ៍មុន ដោយ ការឆ្លងបានថយចុះរហូតដល់ ៣៣ម៉ឺន ២ពាន់ ៧៤០ករណី និងស្លាប់បានថយចុះចំនួន ២៩១ នាក់ ។

តួលេខឆ្លងជំងឺកូវីដ១៩ក្នុងប្រទេសកម្ពុជានៅថ្ងៃនេះ មានចំនួន៣៥ករណីដែលជាតួលេខ បង្ហាញការធ្លាក់ចុះជាច្រើនបើប្រៀបធៀបនឹងសន្ទុះឆ្លងក្នុងរង្វង់ខែមីនាកន្លងមកនេះ។

កម្ពុជាដែលមានលទ្ធភាពគ្រប់គ្រងការឆ្លងកូវីដ១៩បាន កំពុងពិនិត្យលទ្ធភាពសាកល្បងដាក់ តំបន់ឬខេត្តណាមួយដែលមិនចាំបាច់ពាក់ម៉ាស់។ កម្ពុជាក្រោមគោលនយោបាយចាក់វ៉ាក់ សាំងស្រោចស្រពទូទាំងប្រទេស តូលេខឆ្លងនិងតួលេខមនុស្សស្លាប់ដោយសារជម្ងឺឆ្លងរាត ត្បាតនេះ ត្រូវបានកាត់បន្ថយអស់ជាច្រើន។

គណៈកម្មាធិការជាតិរៀបចំការបោះឆ្នោត បានបំភ្លឺជុំវិញសម្តីចោទប្រកាន់របស់គណបក្ស ភ្លើងទៀនក្នុងការចេញសេចក្តីថ្លែងការណ៍និងការធ្វើសន្និសីទកាសែតមួយពាក់ព័ន្ធនឹងការ លុបឈ្មោះរបស់បេក្ខជនមួយចំនួនរបស់គណបក្សភ្លើងទៀនក្រោយការរកឃើញភាពមិនប្រ ក្រតី។

ផ្លូវ៣៨ខ្សែក្នុងក្រុងសៀមរាបដែលជាផ្លូវធ្វើឡើងដោយស្នាដៃកូនខ្មែរក្នុងសម័យដឹកនាំរបស់ សម្តេចតេជោ ហ៊ុន សែន ត្រូវបានដាក់ឱ្យសម្ពោធនៅថ្ងៃទី៤មេសាឆ្នាំ២០២២នេះ ក្រោមអធិបតីភាពសម្តេចតេជោ ហ៊ុន សែន។ ផ្លូវ៣៨ខ្សែតម្លៃជិត១៥០លានដុល្លារនៃថវិកាជាតិរបស់កម្ពុជា មានប្រវែងសរុបជាង១០៨ គីឡូម៉ែត្រ។

បណ្តាញសារព័ត៌មានក្នុងពិភពលោក បានចេញផ្សាយជុំវិញការចោទប្រកាន់របស់អ៊ុយក្រែន លើសកម្មភាពរបស់ទាហានរុស្ស៊ីបន្ទាប់ពីមានការដកចេញពីតំបន់មួយចំនួនដែលបានចូល គ្រប់គ្រងច្រើនសប្តាហ៍កន្លងមកនេះ។

សម្តេចនាយករដ្ឋមន្ត្រីបានថ្លែងថា គេមិនត្រូវអត់ឱនចំពោះក្រុមណាក៏ដោយដែលចង់បំផ្លាញ សន្តិភាពរបស់កម្ពុជាឡើយ។  ប្រសាសន៍រប​ស់សម្តេចបានធ្វើឡើងក្នុងឱកាសដែលបានអំពាវ នាវពលរដ្ឋត្រូវបន្តរក្សាសន្តិភាពនិងមិនត្រូវលើកលែងចំពោះអ្នកដែលចង់បំផ្លាញសន្តិភាពនោះឡើយ។