សម្តេចតេជោ ហ៊ុន សែន បានរំលឹកវេលាថ្ងៃទី៤មេសានេះ កាលពី៥២ឆ្នាំកន្លងទៅដែលសម្តេច បានរត់ចូលព្រៃជាលើកដំបូង ដើម្បីការតស៊ូរំដោះប្រទេសជាតិ។

អគ្គលេខាធិការសមាគមអតីតយុទ្ធជនកម្ពុជា ទេសរដ្ឋមន្ត្រី គន់ គីម បានប្រាប់ក្រុមអតីតយុទ្ធ ជនជុំវិញការរៀបចំតម្លើងប្រាក់បៀវត្សដល់អតីតយុទ្ធជនដែលចូលនិវត្តន៍មុន។ គួរបញ្ជាក់ថា ប្រាក់បៀរវត្សរវាងអតីតយុទ្ធជនចូលនិវត្តន៍មុននិងអតីតយុទ្ធជនចូលនិវត្តន៍ មានការខុស គ្នា ប៉ុន្តែសម្តេចនាយករដ្ឋមន្ត្រី ហ៊ុន សែន កាលពីថ្ងៃទី៣១មីនា បានថ្លែងថា រាជរដ្ឋាភិបាលនឹង ជម្រុញការធ្វើកិច្ចការនេះ ដើម្បីឱ្យសមភាពគ្នា។

សត្វខ្ទីងដែលបានដេញវ័ធអ្នកចំការក្នុងខេត្តឧត្តរមានជ័យ ត្រូវបានក្រុមអភិរក្សសត្វព្រៃ បាន ទាក់ចាប់បានហើយនិងបានបញ្ជូនទៅកាន់ភ្នំតាម៉ៅ។ គួរបញ្ជាក់ថា មនុស្សប្រុសស្រី ចំនួន៣ នាក់បានរងរបួសធ្ងន់និងស្រាលបន្ទាប់ពីពួកគេត្រូវសត្វខ្ទីងដេញវ័ធ កាលពីថ្ងៃទី៣០មីនានៅ ក្នុងចំការក្បែរព្រៃនៅឃុំគោកមន នៃស្រុកបន្ទាយអំពិល។

តួលេខឆ្លងកូវីដ១៩ ក្នុងប្រទេសអាស៊ាន ក្នុងរយៈពេល ២៤ម៉ោងចុងក្រោយនេះ មានចំនួន ១៤ម៉ឺន ៤០៥ករណី និងការស្លាប់ថ្មីមានចំនួន ៣៩៩នាក់ ។ តួលេខឆ្លងនៅថ្ងៃនេះ មានការ ថយចុះចំនួន ២ពាន់ ៤៩៧ករណី ប៉ុន្តែការស្លាប់កើនឡើងចំនួន ២៩នាក់បើប្រៀបធៀបជា មួយនឹងការឆ្លងនិងការស្លាប់ម្សិលមិញ ។ ក្នុងរយៈពេល២៤ម៉ោងកន្លងមកនេះ កម្ពុជា គឺជា ប្រទេសដែលមានការឆ្លងតិចជាងគេ, ចំណែកវៀតណាមគឺជាប្រទេសដែលឲមានការ ឆ្លងច្រើនជាងគេ ។

តួលេខអ្នកចាក់វ៉ាក់សាំងដូសទី៣ ក្នុងរយៈពេល២៤ម៉ោង កន្លងមកនេះ មានចំនួន ១ម៉ឺន ៦ពាន់ ៤០២នាក់ ដែលជាតួលេខចាក់តិចជាងម្សិលមិញចំនួន ៨២នាក់ ។ គិតត្រឹមថ្ងៃនេះតួលេខអ្នកចាក់វ៉ាក់សាំងដូសទី៣ បានសរុបចំនួន ៧លាន ៩៥ម៉ឺន ៩ពាន់ ៩៤៨នាក់ ។

តួលេខឆ្លងជម្ងឺកូវីដ១៩ក្នុងប្រទេសកម្ពុជានៅថ្ងៃនេះ មានចំនួន៥០ករណីដែលកើនឡើង ចំនួន១៧ករណីបើប្រៀបធៀបនឹងម្សិលមិញ។ យោងតាមក្រសួងសុខាភិបាលការឆ្លងថ្មី ចំនួន ៥០ករណីនៅថ្ងៃនេះគឺជាការឆ្លងក្នុងសហគមន៍ទាំងអស់ ។

តម្លៃប្រេងសាំង បានឋិតនៅថេរ និងថយចុះតិចតួច សម្រាប់ការលក់រយៈពេល១០ ថ្ងៃខាង មុខនេះខណៈដែលតម្លៃប្រេងសាំងក្នុងពិភពលោកកំពុងតែកើនឡើងមិនឈប់ឈរ។

ក្រសួងសុខាភិបាល បានចេញសេចក្តីប្រកាសនៅថ្ងៃទី១មេសានេះក្នុងការដាស់តឿនពល រដ្ឋត្រូវប្រុងប្រយ័ត្នបង្ការក្សាអនាម័យរៀងៗខ្លួនខណៈដែលរាជរដ្ឋាភិបាលនឹងបើកឱ្យពលរដ្ឋ ទូទាំងប្រទេសសប្បាយក្នុងពិធីបុណ្យចូលឆ្នាំខ្មែរ។

បណ្ឌិត ហ៊ុន ម៉ាណែត តំណាងដ៏ខ្ពង់ខ្ពស់របស់ សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានអញ្ជើញជាអធិបតីនៅថ្ងៃទី១មេសានេះក្នុង ពិធីសម្ពោធដាក់ឱ្យប្រើប្រាស់សមិទ្ធផលវិស័យសិក្សាធិការ ដែលប្រព្រឹត្តទៅនៅក្នុងខណ្ឌសែន សុខរាជធានីភ្នំពេញ។

រាជធានីនិងខេត្តទាំង២៥នៅមិនទាន់បានបញ្ចប់ទាំងស្រុងនូវការចាប់ឆ្នោត កំណត់លំដាប់ លេខរៀងបញ្ជីបេក្ខជនលើសន្លឹកឆ្នោតនៃឃុំសង្កាត់នីមួយៗនោះឡើយ។ ការចាប់ឆ្នោត កំណត់លំដាប់លេខរៀងបញ្ជីបេក្ខជនលើសន្លឹកឆ្នោត គឺដើម្បីអាចឱ្យ គ.ជ.ប បោះពុម្ពសន្លឹក ឆ្នោតសម្រាប់ឃុំ សង្កាត់នីមួយៗ ដោយផ្អែកតាមចំនួនបញ្ជីបេក្ខជន ផ្លូវការ នៅក្នុងឃុំសង្កាត់ នោះនិងលទ្ធផលនៃការចាប់ឆ្នោត។