ក្មេងប្រុសម្នាក់រើសដែលបានកាន់គ្រាប់បែកយកមកកាប់លេង ស្រាប់តែផ្ទុះបណ្តាលអោយ ស្លាប់ភ្លាមៗ។ ហេតុការណ៍នេះបានកើតឡើងនៅភូមិអានសេះ ឃុំជាំក្សាន្ត ស្រុកជាំក្សាន្ត ខេត្តព្រះវិហារ។

មនុស្សប្រុសស្រីចំនួន៣នាក់ត្រូវសត្វខ្ទីងដេញវ័ធ បណ្តាលឱ្យរងរបួសធ្ងន់ និងស្រាល នៅ ក្នុងខេត្តឧត្តរមានជ័យ។ ហេតុការណ៍នោះបានកើនឡើងនៅថ្ងៃទី៣០ ខែមិនា ឆ្នាំ២០២២ ស្ថិតនៅភូមិសិទ្ធសេរីចាស់ ឃុំគោកមន ស្រុកបន្ទាយអំពិល។

បេក្ខជនគណបក្សភ្លើងទៀនចំនួន៣នាក់ដែលឈរឈ្មោះក្នុងសង្កាត់៣ផ្សេងគ្នាក្នុងរាជធានីភ្នំពេញ ត្រូវបានគេលុបឈ្មោះចោលក្រោយបន្ទាប់ពីមានសវនាការរបស់ក្រុមប្រឹក្សាជំនុំជំរះ គណៈកម្មាធិការជាតិរៀបចំការបោះឆ្នោតនៅ ថ្ងៃទី៣១មីនានេះ។ 

ប្រធានអាស៊ានសម្តេចតេជោ ហ៊ុន សែន គ្រោងនឹងជជែកម្តងទៀតជាមួយនឹងមេដឹកនាំយោធាមីយ៉ាន់ម៉ាលោក មីង អោងឡាំង តាមប្រព័ន្ធវីដេអូ Conference ខណៈការស្វែងរកសន្តិភាព ដល់ប្រទេសមីយ៉ាន់ម៉ានោះ នៅមិនទាន់រកច្រកចេញឃើញនៅឡើយទេ។

ពលរដ្ឋខ្មែរទូទាំងប្រទេស នឹងមានឱកាសចូលរួមរីករាយក្នុងពិធីបុណ្យចូលឆ្នាំថ្មីឆ្នាំខាល ចត្វាស័កពុទ្ធសករាជ២៥៦៥ បន្ទាប់ពីបានអាក់ខានរយៈពេល២ឆ្នាំរួចមកហើយ។ សួម ទស្សនាបទវិចារណកថាមួយទៀតក្រោមចំណងជើងថា «ត្រៀមសប្បាយរីករាយពិធីបុណ្យ ចូលឆ្នាំថ្មីក្នុងស្មារតីប្រុងប្រយ័ត្នខ្ពស់»

មេបញ្ជាការកងទ័ពជើងគោកកម្ពុជាលោកឧត្តមសេនីយ៍ឯក ហ៊ុន ម៉ាណែត បានទទួល ជួបឯកអគ្គរដ្ឋទូតវៀតណាមប្រចាំនៅកម្ពុជា និងមន្ត្រីអនុព័ន្ធយោធាស្ថាន ទូតនៅថ្ងៃទី ៣១មីនានេះ។

កម្ពុជាត្រៀមនឹងបង្កើតច្បាប់ថ្មីមួយដើម្បីការគ្រប់គ្រងសារធាតុផ្សំគីមីទាំងឡាយណាដែលគេ អាចយកទៅកែច្នៃផលិតជាគ្រឿងញៀន។

សង្គ្រាមឈ្លានពានរុស្ស៊ីក្នុងប្រទេសអ៊ុយក្រែនបានឈានចូលថ្ងៃទី៣៦ហើយ ខណៈការធ្វើ សកម្មភាពយោធារបស់ទាហានរុស្ស៊ីនៅតែបន្តបើទោះបីជាមានការសន្យាកាត់បន្ថយខ្លះនៅ ក្នុងក្រុងគៀវនិងក្រុង Chernihiv ក៏ដោយ។

សម្តេចនាយករដ្ឋមន្ត្រីបានថ្លែងអំពាវនាវដល់ពលរដ្ឋត្រូវបន្តការថែរក្សាសន្តិភាពដែលជា កត្តាសំខាន់បំផុតធ្វើឱ្យប្រទេសអាចដំណើរការកសាងសមិទ្ធផលជូនដល់សង្គម។ ប្រសាសន៍ របស់សម្តេចបានធ្វើឡើងក្នុងឱកាសសម្ពោធស្ពានអាកាសនិងផ្លូវក្រោមដីចោមចៅថ្ងៃទី៣១ មីនា។

ស្ពានអាកាស និងផ្លូវក្រោមដីចោមចៅដែលចំណាយថវិការប្រមាណ២២លានដុល្លារ ត្រូវ បានសម្ពោធដាក់ឱ្យប្រើប្រាស់ជាផ្លូវការហើយក្រោមអធិបតីភាពសម្តេចនាយករដ្ឋមន្ត្រីកម្ពុជា នៅថ្ងៃទី៣១មីនា។