នៅសល់តែជាង៦០ថ្ងៃទៀតនោះទេ កម្ពុជានឹងឈានដល់ការបោះឆ្នោតក្រុមប្រឹក្សាឃុំនិង សង្កាត់អាណ្ណត្តិទី៥។ ការបោះឆ្នោតដែលនឹងមកដល់ថ្ងៃទី៥មិថុនាឆ្នាំ២០២២ នឹងមានការ ចួលរួមពីគណបក្សនយោបាយសរុបចំនួន១៧គណបក្ស ជាមួយនឹងបេក្ខជនឈរឈ្មោះ សរុបជាង៨ម៉ឺន៤ពាន់នាក់។

កូរ៉េខាងត្បូង គ្រោងសាងសង់អគារសុខាភិបាលថ្មីមួយកន្លែងទៀតដែលនឹងស្ថិតក្នុងមន្ទីរពេទ្យ កុមារជាតិ។ អគារគ្រោងនឹងកសាងនោះ នឹងមានកម្ពស់៥ជាន់តម្លៃ១៦លានដុល្លារសម្រាប់  ការជួយសម្រួលព្យាបាលជំងឺជូនដល់កុមារកាន់តែប្រសើរឡើង។

គ្រឿងញៀនមួយចំនួនត្រូវបានបង្ក្រាបនៅក្នុង ស្រុកជាំក្សាន្តខេត្តស្ទឹងត្រែង។ អប្សរាណិតរាយការណ៍ពីខេត្តស្ទឹងត្រែង

មន្ត្រីកម្ពុជាបានថ្លែងថាក្រុមជួញដូរគ្រឿងញៀន បានបង្វែរការចាប់អារម្មណ៍របស់សមត្ថកិច្ច ដោយការលួចដឹកគ្រឿងញៀនតាមគោយន្ត។ យោងតាមមន្ត្រីអាជ្ញាធរ, គ្រឿងញៀនជាង ៦០០គីឡូក្រាមដឹកតាមគោយន្តមកពីប្រទេសឡាវតាមច្រកខេត្តស្ទឹងត្រែងនៃច្រកទ្វារអន្តរ ជាតិត្រពាំងក្រៀល ប៉ុន្តែ ត្រូវបានសមត្ថកិច្ចកម្ពុជានិងឡាវសហការ គ្នាបង្ក្រាបចាប់បាននៅ ថ្ងៃទី២៥ខែមីនា។

តួលេខឆ្លងកូវីដ១៩ ក្នុងប្រទេសអាស៊ាន ក្នុងរយៈពេល ២៤ម៉ោងចុងក្រោយនេះ មានចំនួន ១៤ម៉ឺន ២ពាន់ ៣១៩ករណី និងការស្លាប់ថ្មីមានចំនួន ៣២៨នាក់ ។ តួលេខឆ្លងនៅថ្ងៃនេះ មានការកើនឡើងចំនួន  ១ម៉ឺន ២ពាន់ ៤៤៤ករណី និងការស្លាប់កើនឡើងចំនួន ១៦នាក់ផង ដែរ បើប្រៀបធៀបនឹងការឆ្លង និងការស្លាប់កាលពីម្សិលមិញ ។ កម្ពុជាគឺជាប្រទេសដែលមានការឆ្លងតិចជាងគេ, ចំណែកវៀតណាមគឺជាប្រទេសដែល មានការឆ្លងច្រើនជាងគេ ក្នុងរយៈពេល២៤ម៉ោងកន្លងមកនេះ។

តួលេខឆ្លងជំងឺកូវីដ១៩ក្នុងប្រទេសកម្ពុជានៅថ្ងៃនេះ មានចំនួន៣៣ករណីដែលតិចជាង កាលពីម្សិលមិញចំនួន៦ករណី។ កម្ពុជាក្រោមគោលនយោបាយចាក់ស្រោចស្រពវ៉ាក់សាំង ទូទាំងប្រទេសដាក់ចេញដោយសម្តេចតេជោ ហ៊ុន សែន បានធ្វើឱ្យប្រទេសមានការឆ្លងតិច ជាងគេទាំងក្នុងអាស៊ាននិងក្នុងពិភពលោក។

វ៉ាក់សាំងរបស់សាធារណរដ្ឋប្រជាមានិតចិន បានបន្តដឹកមកកម្ពុជាថែមទៀត ខណៈ កម្ពុជាកំពុងជំរុញលើការចាក់វ៉ាក់សាំងដូសជម្រុញ។ តួលេខអ្នកចាក់វ៉ាក់សាំងដូសទី៣គិត ត្រឹមថ្ងៃនេះ ទើបតែបានចំនួន៧លាន ៩២ម៉ឺន ៧ពាន់ ៦២នាក់ ។ ចំណែកអ្នកចាក់វ៉ាក់សាំង ដូសទី៤ ទើបតែបានចំនួន ១លាន ១៦ម៉ឺន ២ពាន់ ១២៣នាក់ ទេ។

សម្តេចតេជោនាយករដ្ឋមន្ត្រី បានថ្លែងកោតសរសើរសមត្ថភាពធ្វើការរបស់អគ្គនាយកដ្ឋាន ពន្ធដាដែលអាចប្រមូលពន្ធផ្ទៃក្នុងជូនរដ្ឋលើសផែនការកំណត់។ អគ្គនាយកដ្ឋានពន្ធដែល ស្ថិតក្រោមការគ្រប់គ្រងរបស់លោក គង់ វិបុល ត្រូវគេរាយការណ៍ថាបានប្រមូលចំណូលពន្ធ សម្រេចលើសផែនការរហូតដល់២៤,០២ភាគរយ ដែលស្មើនឹងទឹកប្រាក់ជាង២ពាន់១៨២ប៊ី លានរៀល ដែលស្មើនឹងប្រមាណជាង៥៣៨លានដុល្លារ។

សង្គ្រាមឈ្លានពានរបស់រុស្សីក្នុងប្រទេសអ៊ុយក្រែនបានឈានចូលថ្ងៃទី៣៥ហើយខណៈការ ចរចារវាងភាគីរុស្ស៊ីអ៊ុយក្រែនបានបង្ហាញនូវភាពរីកចំរើនមួយ។

ការព្យាយាមរកដំណោះស្រាយបញ្ចប់បាតុកម្មរបស់កម្មករណាហ្គាវើលដ៏ នៅតែមិនទាន់ អាចធ្វើបាន បើទោះបីជាមានការជួយធ្វើអន្តរាគមន៍ពីក្រសួងការងារយ៉ាងណាក៏ដោយ។ សាលារាជធានីបានថ្លែងថា មានការប្រើប្រាស់បាតុករ ដើម្បីដុតបញ្ឆេះភាពអត់ធ្មត់របស់អាជ្ញាធរ មានសមត្ថកិច្ចថែមទៀត ប៉ុន្តែមន្ត្រីអាជ្ញាធរថ្លែងថា គេនឹងបន្តរក្សាភាពអត់ធ្មត់ជាដដែល។