កម្ពុជាបានបន្តការចាក់វ៉ាក់សាំងលើប្រជាពលរដ្ឋ ប៉ុន្តែតួលេខអ្នកចាក់វ៉ាក់សាំងដូសជំរុញថ្ងៃ នេះបានថយចុះជាងម្សិលមិញ។ យោងតាមក្រសួងសុខាភិបាល តួលេខអ្នកចាក់វ៉ាក់សាំង ដូសទី៣ ក្នុងរយៈពេល២៤ម៉ោងកន្លងមកនេះ មានចំនួន ១ម៉ឺន ៧ពាន់ ៤៨៧នាក់ ដែលជាតួ លេខចាក់ថយចុះជាងម្សិលមិញចំនួន ៩៩៩នាក់ ។ គិតត្រឹមថ្ងៃនេះតួលេខអ្នកចាក់វ៉ាក់សាំងដូសទី៣ បានសរុបចំនួន ៧លាន ៨២ម៉ឺន ១ពាន់ ៦៩១នាក់ ។

គ្រោះថ្នាក់ចរាចរណ៍នៅថ្ងៃពុធនេះ បានបណ្តាលឱ្យមានមនុស្សស្លាប់ចំនួន៤នាក់ និងរងរបួស ធ្ងន់ស្រាលចំនួន១០នាក់។ សម្តេចនាយករដ្ឋមន្ត្រី ហ៊ុន សែន បានថ្លែងថា គ្រោះថ្នាក់ ចរាចរណ៍ដែលបណ្តាលឱ្យមនុស្សស្លាប់និងរងរបួសរៀងរាល់ថ្ងៃបានបង្កើននូវចំណោទធ្ងន់ ធ្ងរសម្រាប់សង្គម។

ការចាប់ឆ្នោតកំណត់លំដាប់លេខរៀងបញ្ជីបេក្ខជនលើសន្លឹកឆ្នោតនៃឃុំ សង្កាត់ ទួទាំងប្រ ទេសបានប្រព្រឹត្តទៅខណៈដំណើរបោះឆ្នោតឃុំនិងសង្កាត់នឹងឈានមកដល់ប្រមាណជាង ៧០ថ្ងៃខាងមុខទៀតនេះ។

ម្ចាស់ស្ថានីយ៍ប្រេងឥន្ធនៈទាំងអស់ នឹងត្រូវរងការផាកពិន័យ៤លានរៀល ឬបិទអាជីវកម្ម បើ សិនជារកឃើញមានការលក់តម្លៃប្រេងឥន្ធនៈលើសការកំណត់។ តម្លៃប្រេងឥន្ធនៈក្នុងប្រទេស កម្ពុជា បានឡើងថ្លៃដោយសារតែសង្គ្រាមកើតឡើងក្នុងប្រទេសអ៊ុយក្រែនដែលជំរុញឱ្យពិភព លោកដាក់ទណ្ឌកម្មលើរុស្ស៊ីដែលជាប្រទេសផលិតប្រេងដ៏ធំបង្អស់មួយលើសកលលោក។

ប្រេសិតពិសេសនៃប្រធានអាស៊ានលោក ប្រាក់ សុខុន បានបញ្ចប់ដំណើរទស្សនកិច្ចលើក ដំបូងក្នុងការស្វែងរកសន្តិភាពសម្រាប់ប្រទេសមីយ៉ាន់ម៉ា ប៉ុន្តែដំណើរទស្សនកិច្ច៣ថ្ងៃរបស់ លោកមិនបានជួបជាមួយភាគីនយោបាយទាំងអស់ដែលជាប់ពាក់ព័ន្ធឡើយ។

សម្តេចនាយករដ្ឋមន្ត្រី បានដាក់បទបញ្ជាការបង្ក្រាបបទល្មើសបំផ្លាញធនធានធម្មជាតិនៅ បឹងទន្លេសាប ខណៈសេចក្តីរាយការណ៍អំពីបទល្មើសនៅតែបន្ត។ ប្រសាសន៍ដាក់បទបញ្ជា នេះបានធ្វើឡើងនៅថ្ងៃទី២៣មីនាក្នុងឱកាសអញ្ជើញជាអធិបតីក្នុងពិធីបិទសន្និបាតបូកសរុប ការងារប្រចាំឆ្នាំ២០២១និងលើកទិសដៅការងារថ្មីឆ្នាំ២០២២របស់ក្រសួងកសិកម្មរុក្ខា ប្រមាញ់ និងនេសាទ។

សង្គ្រាមក្នុងប្រទេសអ៊ុយក្រែនបានឈានចូលថ្ងៃទី២៨។ ការវាយប្រហាររបស់រុស្ស៊ីកាន់តែ ខ្លាំងក្លាមកលើក្រុងដែលរងការឡោមព័ទ្ធជាពិសេសក្រុងគៀវនិងក្រុងម៉ារីយូប៉ូល។ រុស្ស៊ីបាន គំរាមប្រើអាវុធនុយក្លេអ៊ែ័រប្រសិនបើមានការគំរាមមកពីប្រភពខាងក្រៅ។ ក្នុងសង្គ្រាមកំពុង តែកើនឡើងក្តៅគគុកនេះ ប្រធានាធិបតីអ៊ុយក្រែនលោកហ្សេឡិនស្គី បានផ្តល់កិច្ចសម្ភាសន៍ ពិសេសមួយដល់ក្រុមសារព័ត៌មានដោយបញ្ជាក់អំពីជំហររបស់លោកជុំវិញសំណើរបស់រុស្ស៊ី ។ តើជំហររបស់ប្រធានាធិបតីអ៊ុយក្រែនមានអ្វីខ្លះ?

ប្រមុខរាជរដ្ឋាភិបាលកម្ពុជាបានបញ្ជាក់សាជាថ្មីនូវជំហរប្រឆាំងនឹងអំពើឈ្លានពានហិង្សា ដាក់លើប្រទេសអ៊ុយក្រែន។ កម្ពុជាក្រោយការប្រកាសសង្គ្រាមរបស់រុស្ស៊ីវាយលើប្រទេសអ៊ុយ ក្រែនរយៈពេលប្រមាណ៦ថ្ងៃរួចមក បានចូលរួមជាស្ថាបនិកជាមួយបណ្តាប្រទេស១៤១ដែល ជាសមាជិកអង្គការសហប្រជាជាតិបោះឆ្នោតប្រឆាំងការវាយប្រហាររបស់រុស្ស៊ីលើប្រទេស អ៊ុយក្រែន។

ផ្លូវនៃច្រកពាណិជ្ជកម្មដ៏ធំមួយរវាងកម្ពុជានិងវៀតណាម បានធ្វើការសម្ពោធជាផ្លូវការនៅថ្ងៃ ទី២៣មីនានេះ ក្រោមអធិបតីភាពដ៏ខ្ពង់ខ្ពស់ពីសម្តេចនាយករដ្ឋមន្ត្រី ហ៊ុន សែន។

ក្រសួងធនធានទឹក និងឧតុនិយម បានជូនដំណឹងករណីគ្រោះធម្មជាតិផ្គរ រន្ទះនិងខ្យល់ កន្ត្រាក់ដែលអាចកើតមានក្នុងសប្តាហ៍ខាងមុខនេះ  ខណៈកម្ពុជាទទួលរងឥទ្ធិពលពីជ្រលង សម្ពាធទាបឥណ្ឌា និងខ្យល់បក់មកពីទិសអាគ្នេយ៍ ដែលនាំមកនូវសំណើមពីសមុទ្រចិន ខាង ត្បូង ។