យុទ្ធជនម្នាក់ដែលដើរល្បាតព្រំដែនកម្ពុជាថៃ បានរងរបួសដាច់ជើងម្ខាងដោយសារគ្រាប់ មីនសេសសល់ពីអតីតសម័យសង្គ្រាមស៊ីវិល។ ព្រឹន្ទបាលឯក ទិត ហៃ អាយុ៣០ឆ្នាំនៃកងអនុ សេនាតូច លេខ២នៃអង្គភាពប្រតិបត្តិការសឹករងព្រះវិហារបានជួបហេតុការណ៍នេះកាលពីថ្ងៃ ទី២១មីនា ។ សាខាកាកបាទក្រហមខេត្ត បាននាំយកអំណោយប្រគល់ជួនដល់ យុទ្ធជនរង គ្រោះ។

សង្គ្រាមក្នុងប្រទេសអ៊ុយក្រែនបង្កឡើងដោយប្រទេសរុស្ស៊ី កំពុងក្លាយជាប្រធានបទជាក់ ស្តែងមួយដែលបង្ហាញថាការស្តាររកសន្តិភាពសាឡើងវិញ ពិតជាមានការលំបាកណាស់ ខណៈសន្តិភាពបានរបូតចេញពីដៃទៅហើយនោះ។ កម្ពុជាដែលធ្លាប់រងនឹងអតីតកាល សង្គ្រាមស៊ីវិលជិត៣០ឆ្នាំ នឹងមិនបណ្តោយឱ្យសន្តិភាពអាចរបូតចេញពីដៃដូចអតីតកាល ឡើយ និងរាជរដ្ឋាភិបាលកម្ពុជាបានប្តេជ្ញាថានឹងធ្វើអ្វីៗសព្វបែបយ៉ាងទាំងអស់ដើម្បីការ រក្សាសន្តិភាពដែលរកបានយ៉ាងលំបាកកន្លងមកនេះ ឱ្យនៅស្ថិតស្ថិរគង់វង្សចិរកាល។ អប្សរា ណិតមានបទអត្ថាធិប្បាយមួយថ្ងៃនេះ ក្រោមចំណងជើងថាស្មារតីសន្តិភាពរបស់កម្ពុជាគឺជាគំ រូសម្រាប់ពិភពលោក

សម្តេចនាយករដ្ឋមន្ត្រី បានទទួលជួបការសម្តែងការគួរសមថ្ងៃនេះ ជាមួយនឹងឯកអគ្គរដ្ឋ ទូតថ្មីនៃសាធារណរដ្ឋអ៊ីស្លាមប៉ាគីស្ថានប្រចាំនៅកម្ពុជា គឺលោកហ្សាហ៊ីរូឌីន បាបា សាហ៊ីម ។

សកម្មជនគន្លឹះ៣រូបរបស់អតីតគណបក្សសង្គ្រោះជាតិប្រចាំខេត្តបាត់ដំបង បានធ្វើលិខិត ស្នើ សុំចូលរួមជីវភាពនយោបាយជាមួយនឹងគណបក្សប្រជាជនកម្ពុជាដែលការស្នើសុំចូលរួមនេះ បានធ្វើឡើងនៅមុនពេលដែលការបោះឆ្នោតឃុំនិងសង្កាត់នឹងឈានមកដល់ប្រមាណជាង ៧០ថ្ងៃខាងមុខទៀតនេះ។

តួលេខឆ្លងកូវីដ១៩ ក្នុងប្រទេសអាស៊ាន ក្នុងរយៈពេល ២៤ម៉ោងចុងក្រោយនេះ មានចំនួន ១៨ម៉ឺន ៥ពាន់ ៣៣៩ករណី និងការស្លាប់ថ្មីមានចំនួន ៣៩៦នាក់ ។ តួលេខឆ្លងនៅថ្ងៃនេះ មានការថយចុះចំនួន ១ម៉ឺន ៥ពាន់ ៤៥៨ករណី និងការស្លាប់ថយចុះចំនួន ២២១នាក់ បើ ប្រៀបធៀបជាមួយនឹងការឆ្លង និងការស្លាប់កាលពីម្សិលមិញ ។ អប្សរាណិតរាយការណ៍ជុំវិញ ការឆ្លងក្នុង ប្រទេសទាំង១០ ក្នុងរយៈពេល២៤ម៉ោងចុងក្រោយនេះ

តួលេខអ្នកចាក់វ៉ាក់សាំងដូសទី៣ និងដូសទី៤ មានចំនួនកើនឡើងជាងម្សិលមិញ ។ យោង តាមក្រសួងសុខាភិបាល តួលេខអ្នកចាក់វ៉ាក់សាំងដូសទី៣ ក្នុងរយៈពេល២៤ម៉ោងកន្លងមក នេះ មានចំនួន ១ម៉ឺន ៨ពាន់ ៤៨៦នាក់ ដែលជាតួលេខចាក់ខ្ពស់ជាងម្សិលមិញចំនួន ៧ពាន់ ២៧នាក់ ។ គិតត្រឹមថ្ងៃនេះតួលេខអ្នកចាក់វ៉ាក់សាំងដូសទី៣ បានសរុបចំនួន ៧លាន ៨០ម៉ឺន ៤ពាន់ ២០៤នាក់ ។

ប្រធានគណៈកម្មការចំពោះកិច្ចចាក់វ៉ាក់សាំងកូវីដ១៩ក្នុងក្របខណ្ឌទូទាំងប្រទេស លោកស្រី ឱ វណ្ណឌីន បានបដិសេធការផ្សាយព័ត៌មានដែលនិយាយថាការចាក់វ៉ាក់សាំង បាននាំឱ្យកើត ជំងឺមហារីក។ លោកស្រី ឱ វណ្ណឌីន ក្នុងប្រសាសន៍បញ្ជាក់ថ្ងៃទី២២មីនានេះ បានហៅព័ត៌មាន នោះជាព័ត៌មានប្រឌិតនិងជាការផ្សាយញុះញង់បង្កមហន្ដរាយដល់សង្គមជាតិ។

តួលេខឆ្លងជម្ងឺកូវីដ១៩ក្នុងប្រទេសកម្ពុជាបានបន្តធ្លាក់ចុះបន្ថែមទៀតនៅថ្ងៃនេះ ដោយតួ លេខឆ្លង បានធ្លាក់ពី៩៩ករណី មកនៅចំនួន៧៣ករណី។

កម្ពុជាបានចាប់ផ្តើមបើកយុទ្ធនាការជាតិផ្សព្វផ្សាយប្រឆាំងវីរុសបំប្លែងថ្មីអូមីក្រុងនៅថ្ងៃទី២២ មីនា ខណ:មន្ត្រីសុភិបាល បានអំពាវនាវពលរដ្ឋកុំឲ្យយល់ច្រឡំថាវីរុសកូវីដ១៩ បំប្លែងថ្មីអូមី ក្រុង ដូចជាជំងឺផ្តាសាយធម្មតាឱ្យសោះ។

បញ្ហាវិវាទរវាងកម្មករនិងនិយោជកនៅក្រុមហ៊ុនណាហ្គាវើលដ៍ នៅមិនទាន់បានដោះស្រាយ ត្រូវគ្នានៅឡើយទេ ដោយសារតែមានចំណុចមិនស្របគ្នាមួយចំនួន។ ក្រសួងការងារដើម្បី ការស្វែងរកដំណោះស្រាយបំបាត់វិវាទគ្នានេះ បានជួយសម្រួលរកការដោះលែងនៅក្រៅឃុំ ជាបណ្តោះអាសន្នមេដឹកនាំកម្មករចំនួន១១នាក់ដែលអ្នកទាំងនោះបានសន្យាថានឹងមកជួយ សម្រួលភាពវិវាទរវាងកម្មករនិងនយោជកក្រុមហ៊ុន។