កិច្ចប្រជុំកំពូលអាស៊ានអាមេរិក បានស្នើរកពេលកំណត់ថ្មីក្រោយកាលបរិច្ឆេទស្នើចំនួន២លើក ត្រូវបានលើកពេលជាបន្តបន្ទាប់។ កិច្ចប្រជុំស្នើកាលបរិច្ឆេទលើកទី២នៅថ្ងៃទី២៨និង២៩មីនា ក្នុងរដ្ឋធានីវ៉ាស្ហ៊ីនតោនឌីស៊ី ត្រូវបានលើកពេលថែមទៀត ក្រោយប្រទេសជាសមាជិកអាស៊ាន យ៉ាងហោចចំនួន៤បានបង្ហាញភាពរវល់មមាញឹកមិនអាចចូលរួមបាន។

អ្នកធ្វើដំណើរទាំងឡាយណាមកពីបរទេសចាប់ពីថ្ងៃទី១៧មីនានេះទៅ នឹងមិនតម្រូវការធ្វើ តេស្តតាម PCR និងតេស្តរហ័សដូចមុនទៀតដែរ។ ទន្ទឹមនឹងនេះ ជនបរទេសទាំងអស់ក៏មិន ចាំបាច់ត្រូវធ្វើទិដ្ឋាការពីក្រៅប្រទេសមកកម្ពុជាដូចមុនទៀតដែរ ដោយទិដ្ឋាការ Visa on Arrival នឹងត្រូវផ្តល់ ពេលបានមកដល់ប្រទេសកម្ពុជា។ សម្តេចតេជោហ៊ុនសែន បានមាន ប្រសាសន៍បញ្ជាក់នៅថ្ងៃទី១៧មីនា ក្នុងពិធីសម្ពោធមួយក្នុងខេត្តព្រៃវែង។

នាយករដ្ឋមន្រ្តីជប៉ុនលោក គីស៊ីដា ហ្វូមីអូ ដែលគ្រោងធ្វើទស្សនកិច្ចក្នុងប្រទេសកម្ពុជានា ចុងសប្តាហ៍នេះ នឹងមានជំនួបទ្វេភាគីជាមួយនឹងសម្តេចតេជោ ហ៊ុន សែន។

កិច្ចប្រជុំអគ្គមេបញ្ជាការកងទ័ពអាស៊ានលើកទី១៩ដែលកម្ពុជាធ្វើជាម្ចាស់ផ្ទះ និងជាប្រធាន រយៈពេលមួយថ្ងៃបានបញ្ចប់ហើយបន្ទាប់ពីបានពិភាក្សាផ្លាស់ប្តូរទស្សនៈ និងអនុម័តលើឯក សារមួយចំនួននៅក្នុងរាជធានីភ្នំពេញ។ កិច្ចប្រជុំបានធ្វើការអនុម័តសេចក្តីថ្លែងការណ៍រួម និងផែនការសកម្មភាពការងារយោធា អាស៊ានរយៈពេលពីរឆ្នាំ គឺឆ្នាំ២០២២-២០២៤។

ចំណុចធូរស្រាលនយោបាយខ្លះ ត្រូវគេរាយការណ៍ថាបានកើតឡើងក្នុងថ្ងៃឈានចូលទី២២ នៃសង្គ្រាមក្នុងប្រទេសអ៊ុយក្រែន។ ចំណុចធូរស្រាលនោះ គឺការរំពឹងថាសង្គ្រាមនឹងអាចដោះ ស្រាយបានតាមរយៈការចរចាក្រោយការមើលឃើញនូវចំណុចចង់បានកាន់តែខិតជិតគ្នាជា លំដាប់។ អប្សរាណិតរាយការណ៍នូវចំណុចជាប់ពាក់ព័ន្ធទាំងឡាយនោះ

សម្តេចនាយករដ្ឋមន្ត្រី ហ៊ុន សែន បានថ្លែងនៅថ្ងៃព្រហស្បតិ៍នេះជុំវិញការមិនលើកទឹកចិត្ត ដល់ពលរដ្ឋខ្មែរណាដែលចង់ធ្វើដំណើរទៅប្រទេសអ៊ុយក្រែនក្នុងការស្ម័គ្រធ្វើជាអ្នកប្រយុទ្ធ នៅទីនោះឡើយ។ សម្តេចនាយករដ្ឋមន្ត្រីបានថ្លែងថាសម្តេចមិនយកសាំងចាក់ពន្លត់លើភ្លើង នោះទេ។

«ភូមិកុមារ SOS» ត្រូវបានសម្ពោធដាក់ឱ្យប្រើប្រាស់ក្នុងថ្ងៃទី១៧មីនានេះក្នុងពិធីមួយដែល បានរៀបចំធ្វើនៅក្នុងខេត្តព្រៃវែងក្រោមការអញ្ជើញចូលរួមដ៏ខ្ពង់ខ្ពស់ពីសម្តេចនាយករដ្ឋមន្ត្រី ហ៊ុន សែន។ «ភូមិកុមារ SOS អន្តរជាតិ» មិនមែនទើបតែនឹងមានក្នុង ខេត្តព្រៃវែងនេះទេ។

តម្លៃប្រេងសាំងបានកើនឡើងថែមទៀតខណៈសង្គ្រាមក្នុងប្រទេសអ៊ុយក្រែនបង្កឡើងដោយ ប្រទេសរុស្ស៊ី ត្រូវគេបន្ទោសថាគឺជាដើមចម។ ប្រេងឥន្ធនៈពិភពលោកដែលធ្លាប់បានទិញពីប្រទេសរុស្ស៊ី ត្រូវបានគេបិទមិនឱ្យធ្វើជំនួញជាមួយរុស្ស៊ីឡើយ ដែលបញ្ហានេះបានបង្កឱ្យតម្លៃ ប្រេងលើទីផ្សារឡើងថ្លៃដែលមិនត្រឹមតែកើតមានក្នុងប្រទេសកម្ពុជាប៉ុណ្ណោះទេ។

ព្រឹត្តិការណ៍សមរាត្រី Equinox ក្នុងខេត្តសៀមរាបនឹងមកដល់ដើមសប្តាហ៍ក្រោយនេះហើយ។ ព្រឹត្តិការណ៍សមរាត្រី គឺជាព្រឹត្តិការណ៍ដែលមានព្រះអាទិត្យនឹងរះចំកំពូលកណ្ដាលនៃ ប្រាសាទអង្គរវត្ត ដែលព្រឹត្តិការណ៍ដ៏កម្រនេះ តែងតែកើតឡើង២ដងតែប៉ុណ្ណោះក្នុងមួយឆ្នាំ។

ក្រសួងការងារ បានជូនលិខិតស្នើរកការជួបប្រជុំម្តងទៀត រវាងតំណាងបុគ្គលិកកម្មករណា ហ្គាវើល និងតំណាងក្រុមហ៊ុន នៅថ្ងៃទី១៧មីនា បន្ទាប់ពីតំណាងបុគ្គលិកកម្មករបានអវត្តមាន មិនចូលរួមប្រជុំដោះស្រាយនៅថ្ងៃនេះ។