ស្នងការដ្ឋាននគរបាលរាជធានីភ្នំពេញ ជំរុញកម្លាំងនគរបាល ត្រូវបន្ដការពារ សន្តិសុខ រក្សា សណ្តាប់ធ្នាប់ជូនប្រជាពលរដ្ឋ ជាពិសេសក្នុងឱកាសដើរលេងកម្សាន្ត ថ្ងៃបុណ្យ ចូលឆ្នាំខាង មុខនេះ ឱ្យទទួលបាន សុខសុវត្ថិភាព។ ការជំរុញនេះ បានធ្វើ នៅក្នុង ពិធីប្រកាស ផ្ទេរភារកិច្ច តែងតាំងមុខតំណែង តម្លើងឋានន្តរសក្តិ និងប្រគល់ប័ណ្ណសរសើរ លិខិតសើរសើរ ជូនមន្រ្តី នគរបាលក្នុងខណ្ឌកំបូល នាថ្ងៃទី១៨ មីនានេះ។

តួលេខឆ្លងជំងឺកូវីដ១៩ក្នុងប្រទេសកម្ពុជាថ្ងៃនេះ មានចំនួន១៤៨ករណី ដែលកើនឡើង១៦ ករណីបើប្រៀបធៀបនឹងម្សិលមិញ។ ក្នុងចំណោមតួលេខឆ្លងទាំងនេះ ការឆ្លងចូលក្នុង សហគមន៍មាន១១០ករណី, ចំណែក៣៨ករណីទៀត គឺជាការឆ្លងនាំមកពីក្រៅប្រទេស ។ កម្ពុជាមិនមានករណីស្លាប់ដោយសារកូវីដ១៩ទេថ្ងៃនេះ ដែលនាំឱ្យតួលេខមនុស្សស្លាប់សរុប មាន ចំនួន៣ពាន់៤៩នាក់ជាដដែល។

តុលាការបានផ្តន្ទាទោស សម រង្ស៉ី និងមេខ្លោងចំនួន៦នាក់ឱ្យជាប់ក្នុងពន្ធនាគារចំនួន១០ឆ្នាំ នៅក្នុងផែនការផ្តួលរំលំរដ្ឋាភិបាល។ អ្នករួមគំនិតចំនួន១៤នាក់ ក៏ត្រូវតុលាការកាត់ ទោសឱ្យ ជាប់គុកម្នាក់ៗចំនួន៥ឆ្នាំ ប៉ុន្តែពួកគេត្រូវបានអនុញ្ញាតព្យួរទោសមួយចំនួន។

តួលេខឆ្លងកូវីដ១៩ ក្នុងប្រទេសអាស៊ាន ក្នុងរយៈពេល ២៤ម៉ោងចុងក្រោយនេះ មានចំនួន ២៦ម៉ឺន ១ពាន់ ៤០៣ករណី និងការស្លាប់ថ្មីមានចំនួន ៦១០នាក់ ។ តួលេខឆ្លងនៅថ្ងៃនេះ មាន ការកើនឡើងចំនួន ៦៣ករណី និងការស្លាប់មានការកើនឡើងចំនួន ១៣៦នាក់ បើប្រៀប ធៀបជាមួយនឹងការឆ្លង និងការស្លាប់កាលពីម្សិលមិញ ។ ក្នុងចំណោមតួលេខឆ្លងថ្មីនៃប្រទេសទាំង១០ នៅថ្ងៃនេះ ប្រទេសវៀតណាម នៅតែជាប្រទេស មានតួលេខឆ្លងច្រើនជាងគេបង្អស់ដដែល ។

តួលេខអ្នកចាក់វ៉ាក់សាំងដូសទី៤ នៅថ្ងៃនេះមានចំនួនកើនឡើង បើប្រៀបធៀបនឹងម្សិលមិញ ។ យោងតាមក្រសួងសុខាភិបាលតួលេខអ្នកចាក់វ៉ាក់សាំងដូសទី៤ ក្នុងរយៈពេល២៤ ម៉ោង កន្លងមកនេះមានចំនួន ៥ពាន់ ៨៦៩នាក់ ដែលជាតួលេខចាក់កើនឡើងជាងម្សិលមិញចំនួន ៦៨៨នាក់ ។ គិតត្រឹមថ្ងៃនេះតួលេខអ្នកចាក់វ៉ាក់សាំងដូសទី៤ រយៈពេល ៦៣ថ្ងៃមកនេះ ទើប បានចំនួនសរុប ១លាន ១០ម៉ឺន ៣ពាន់ ១៨៤នាក់ ។

តួលេខមនុស្សឆ្លងជំងឺកូវីដ១៩ក្នុងប្រទេសកម្ពុជាបានថយចុះទៀតនៅថ្ងៃនេះ បើទោះបីជាស្ថិត ក្នុងខ្ទង់ជាង១០០ករណីក៏ដោយ។ យោងតាមក្រសួងសុខាភិបាលក្នុងរយ:ពេល២៤ម៉ោងកន្លងមកនេះការឆ្លងថ្មីមានចំនួន១៣២ករណី ដែលថយចុះ៨ករណីបើប្រៀបធៀបនឹងម្សិលមិញ។ ការឆ្លងចូលក្នុងសហគមន៍ នៅថ្ងៃនេះត្រូវគេ រាយការណ៍ថាមានចំនួន១២៤ករណី, ចំណែក៨ ករណីទៀត គឺជាការឆ្លងនាំមកពីក្រៅប្រទេស ។ ការស្លាប់សរុបមានចំនួន៣ពាន់៤៩នាក់ ជាដដែល។

បណ្ឌិត ហ៊ុន ម៉ាណែត ដែលជាតំណាងដ៏ខ្ពង់ខ្ពស់របស់សម្តេចតេជោ ហ៊ុន សែន បានអញ្ជើញ ចូលរួមសម្ពោធដាក់ឱ្យប្រើប្រាស់ផ្លូវបេតុងនិងផ្លូវកៅស៊ូ និងការបើកការដ្ឋានសាងសង់ស្ពាន បេតុង៩កន្លែង នៅក្នុងស្រុកស្រីសន្ធរ ខេត្តកំពង់ចាមនៅថ្ងៃទី១៧មីនានេះ។ បណ្ឌិតហ៊ុនម៉ាណែតបានថ្លែងថាក្រោមដំបូលសុខសន្តិភាព កម្ពុជាមានលទ្ធភាពកសាងសមិទ្ធ ផលផ្លូវស្ពាន ដែលបានក្លាយជាប្រយោជន៍ដ៏ធំធេងសម្រាប់ប្រជាជនកម្ពុជា។

រដ្ឋមន្រ្តីការបរទេសអារ៉ាប៊ីសាអូឌីត ដែលជាសែរាជវង្ស គ្រោងនឹងយាងមកបំពេញទស្សនកិច្ច ផ្លូវការនៅកម្ពុជានៅថ្ងៃសុក្រស្អែកនេះ។  ព្រះអង្គម្ចាស់ ហ្វាសាល់ ប៊ីន ហ្វាហាន់ អាល់សូដ នឹងដឹកនាំគណៈប្រតិភូអារ៉ាប៊ីសាអូឌីត យាងមកបំពេញទស្សនកិច្ចផ្លូវការ នៅកម្ពុជា នៅថ្ងៃទី ១៨ ខែមីនា ឆ្នាំ២០២២ ដែលព្រះរាជដំណើរទស្សនកិច្ចនេះ គឺតបតាមការយាងអញ្ជើញរបស់ រដ្ឋមន្រ្តីការបរទេសកម្ពុជាលោក​ ប្រាក់ សុខុន។

ប្រេងសាំងបានកើនឡើងតម្លៃហើយ ដែលការកើនតម្លៃនេះ ត្រូវគេបន្ទោសថាគឺដោយសារ  សង្គ្រាមក្នុងប្រទេសអ៊ុយក្រែនបង្កឡើងដោយប្រទេសរុស្ស៊ី។ សម្តេចនាយករដ្ឋមន្ត្រីនៅថ្ងៃទី ១៧មីនា បានបញ្ជាក់បន្ថែមជុំវិញមូលហេតុសាំងឡើងថ្លៃ។

សម្តេចនាយករដ្ឋមន្ត្រីបានថ្លែងជុំវិញដំណើរត្រៀមទស្សនកិច្ចនៅក្រៅប្រទេស យ៉ាងហោច មានចំនួន២កន្លែងទៀតក្នុងទ្វីបអាស៊ីនិងទ្វីបអឺរ៉ុប ក្នុងរង្វង់ខែមេសានិងខែឧសភា។ សម្តេច នាយករដ្ឋមន្ត្រីបានថ្លែងនៅថ្ងៃទី១៧មីនានេះ បង្ហាញអំពីគម្រោងនៃដំណើរទស្សនកិច្ចទៅ កាន់ប្រទេសជប៉ុនផងនិងការអញ្ជើញចូលរួមវេទិកាសេដ្ឋកិច្ចពិភពលោកនៅប្រទេសស្វីសថែម ទៀត។