ភ្នំពេញ៖ ឯកឧត្តម ប្រាជ្ញ ចន្ទ ប្រធានគណៈកម្មាធិការជាតិរៀបចំការបោះឆ្នោត (គ.ជ.ប) បានថ្លែងថា ឯករាជ្យរបស់ គ.ជ.ប ត្រូវផ្អែកលើច្បាប់ និងអនុវត្តឱ្យបានត្រឹមត្រូវតាមច្បាប់កំណត់ ដូចនេះមន្រ្តីបោះឆ្នោត ត្រូវពង្រឹងការអនុវត្តច្បាប់បោះឆ្នោត និងបទបញ្ជា ឱ្យមានប្រសិទ្ធភាព។ យោងតាមសេចក្ដីប្រកាសព័ត៌មានរបស់ គ.ជ.ប ស្ដីពីលទ្ធផល នៃកិច្ចប្រជុំរបស់ គ.ជ.ប នាថ្ងៃទី៩ ខែកុម្ភៈ ឆ្នាំ២០២៣ ឯកត្តម ប្រាជ្ញ ចន្ទ បានឱ្យដឹងថា គ.ជ.ប ក៏ត្រូវ អនុវត្តក្នុងការផ្ដល់សេវាជូនគ្រប់ភាគីពាក់ព័ន្ធឱ្យបានល្អ និងស្មើភាពគ្នាផងដែរ។ ឯកត្តម ប្រាជ្ញា ចន្ទ ប្រធាន គ.ជ.ប មានប្រសាសន៍ថា «ឯករាជ្យរបស់ គ.ជ.ប ត្រូវផ្អែកលើច្បាប់ អនុវត្តឱ្យបានត្រឹមត្រូវតាមច្បាប់កំណត់ ដូចនេះមន្តី្របោះឆ្នោត គ្រប់លំដាប់ថ្នាក់ទាំងអស់ ត្រូវខិតខំពង្រឹងការអនុវត្តច្បាប់បោះឆ្នោត និងបទបញ្ជា និងនីតិវិធីនៃការបោះ ឆ្នោតឱ្យ មានប្រសិទ្ធភាព»។ អង្គប្រជុំ គ.ជ.ប បានសម្រេច កែសម្រួលខ្លឹមសារមួយចំនួន និងបានឯកភាពជាគោលការណ៍ លើឯកសារទាំងនោះ រួមមាន៖…

ភ្នំពេញ ៖ ការពិនិត្យបញ្ជីឈ្មោះ និងការចុះឈ្មោះបោះឆ្នោត ឆ្នាំ២០២២ មានរយៈពេល៥០ថ្ងៃ ដែលប្រព្រឹត្តទៅចាប់ពីថ្ងៃទី២០ ខែតុលា ដល់ថ្ងៃទី៨ ខែធ្នូ ឆ្នាំ២០២២ នៅតាមសាលាឃុំ សង្កាត់ និងនៅតាមភូមិមួយចំនួនក្នុងឃុំ សង្កាត់ទូទាំងប្រទេស នៅសល់៧ថ្ងៃទៀតនោះទេ នឹងត្រូវបញ្ចប់ ដូចនេះ សូមបងប្អូនប្រជាពលរដ្ឋ អញ្ជើញទៅពិនិត្យបញ្ជីឈ្មោះ និងចុះឈ្មោះបោះឆ្នោតអោយបានគ្រប់ៗគ្នា។ ការិយាល័យចុះឈ្មោះបោះឆ្នោត បើកធ្វើការជារៀងរាល់ថ្ងៃ ទាំងថ្ងៃសៅរ៍ ទាំងថ្ងៃអាទិត្យ៖

ភ្នំពេញ៖គណៈកម្មាធិការជាតិរៀបចំការបោះឆ្នោត(គ.ជ.ប)បានអះអាងថា ដំណើរការប្រព្រឹត្តទៅនៃការពិនិត្យបញ្ជីឈ្មោះនិងការចុះឈ្មោះបោះឆ្នោតថ្មីនៅថ្ងៃទីមួយនេះ មានសភាពរលូន ដោយមិនមានបញ្ហាអ្វីគួរឲ្យកត់សម្គាល់។ក្នុងរយៈពេល៥០ឆ្នាំ ការិយាល័យឃុំ-សង្កាត់ទាំង១ ៦៥២​ទូទាំងប្រទេសនឹងបើកដំណើរការពិនិត្យបញ្ជីឈ្មោះ និងចុះឈ្មោះបោះឆ្នោតថ្មីសម្រាប់ការបោះឆ្នោតថ្នាក់ជាតិឆ្នាំ២០២៣​ ពីថ្ងៃទី២០តុលារហូតដល់ថ្ងៃទី៨ធ្នូ២០២២។ ឯកឧត្តម សោម សូរីដា អគ្គលេខាធិការរង​នៃ​គ.ជ.ប បានឲ្យដឹងថា៖ «នៅថ្ងៃទីមួយនៃថ្ងៃពិនិត្យបញ្ជីឈ្មោះ និងចុះឈ្មោះបោះឆ្នោតនេះ នៅការិយាល័យទាំង១ ៦៥២ទូទាំងការិយាល័យឃុំ-សង្កាត់ទាំងអស់ បានបើកដំណើរការឱ្យប្រជាពលរដ្ឋ ក្នុងការពិនិត្យបញ្ជីឈ្មោះនិងចុះឈ្មោះបោះឆ្នោត ហើយការិយាល័យចុះឈ្មោះបោះឆ្នោតទាំង១ ៦៥២ គឺដំណើរការដោយប្រក្រតី»។ ទោះបីជាភ្លៀងធ្លាក់តាំងពីព្រឹកព្រលឹមមកក្តី ក៏ប៉ុន្តែការិយាល័យទាំងអស់បានដំណើរការទៅដោយសុវត្ថិភាព។ នេះបើតាមការបញ្ជាក់បន្ថែមរបស់ឯកឧត្តម សោម សូរីដា។ តាមតួលេខព្យាករណ៍របស់ គ.ជ.ប ការចុះឈ្មោះថ្មីនៅឆ្នាំនេះនឹងអាចពលរដ្ឋ​ប្រមាណ​៥​សែន​នាក់​នឹង​មក​ចុះ​ឈ្មោះ​ថ្មី​ ខណៈ​ដែល​ក្នុង​បញ្ជី​បោះ​ឆ្នោត​ឆ្នាំ​២០២១​គឺ​មាន​អ្នក​មាន​សិទ្ធិ​បោះ​ឆ្នោត​ជាង​៩​លាន​២​សែន​នាក់​។​ តាមឯកឧត្តម សោម សូរីដា ការបោះឆ្នោតថ្នាក់ជាតិឆ្នាំ២០២៣ខាងមុខនេះ នឹង​មាន​ពលរដ្ឋ​មាន​សិទ្ធិ​បោះ​ឆ្នោត​កើន​ដល់​ជិត​១០​លាន​នាក់​។​ អគ្គលេខាធិការរងនៃគ.ជ.ប រូបនេះ អះអាងថា យុទ្ធនាការ៥០ថ្ងៃក្នុងការពិនិត្យបញ្ជីឈ្មោះ និងការចុះឈ្មោះប្រជាពលរដ្ឋថ្មី មានសារៈសំខាន់សម្រាប់ការឈានទៅបង្កើតបញ្ជីឈ្មោះអ្នកមានសិទ្ធិបោះឆ្នោត នៅពេលខាងមុខ។ ម្យ៉ាងវិញទៀត ការពិនិត្យបញ្ជីឈ្មោះបោះឆ្នោត នឹងអាចឲ្យប្រជាពលរដ្ឋធ្វើការកែតម្រូវករណីខុសឈ្មោះ ថ្ងៃខែកំណើត ឬការផ្លាស់ប្តូរទីលំនៅថ្មី។ បើតាមឯកឧត្តម សោម សូរីដា ក្រោយការពិនិត្យបញ្ជី និងចុះឈ្មោះថ្មីបញ្ចប់ គណៈកម្មាធិការជាតិរៀបចំការបោះឆ្នោតនឹងរៀបចំបញ្ជីអ្នកមានសិទ្ធិបោះឆ្នោតចុងក្រោយ សម្រាប់ការបោះឆ្នោតជ្រើសតាំងតំណាងរាស្រ្ត…