ភ្នំពេញ៖ ឯកឧត្តម សោម សូរីដា អគ្គលេខាធិការរងគណៈកម្មាធិការជាតិរៀបចំការបោះឆ្នោត (គ.ជ.ប) បានបញ្ជាក់នៅក្នុងសន្និសីទកាសែតនៅព្រឹកថ្ងៃទី១៣ ខែមករា នេះថា បទពិសោធន៍របស់ គ.ជ.ប បានបង្ហាញឱ្យឃើញថា ការពង្រឹងកិច្ចសហការល្អរវាង គ.ជ.ប និងភាគីពាក់ព័ន្ធ គឺជាកត្តាយុទ្ធសាស្ត្រ ដើម្បីឈានទៅសម្រេចបានការរៀបចំការបោះឆ្នោតមួយ ប្រកបដោយភាពសេរីត្រឹមត្រូវ និងយុត្តិធម៌ និងដែលនាំឱ្យប្រទេសជាតិមានសុខសន្តិភាព ស្ថិរ ភាព ការរីកចម្រើន និងការអភិវឌ្ឍ ។ ឯកឧត្តមបញ្ជាក់ថា ក្នុងនាមជាអាជ្ញាកណ្តាល គ.ជ. ប តែងតែបង្ហាញជូនភាគីពាក់ព័ន្ធ អំពីការពិតជាក់ស្តែង ដែលកើតមានក្នុងដំណើរការបោះឆ្នោត និងរបៀបនៃការគិតដើម្បីជៀងវាងឱ្យបានដាច់ខាតនូវការប្រគួតប្រជែងគ្នាដោយមិនស្មោះត្រង់ ដែលនាំឱ្យបែកបាក់ជាតិ ការស្អប់ខ្ពើម និងបំផ្លាញជាតិ សាសន៍ខ្លួនឯងនៅក្នុងសង្គមខ្មែរទាំងពេលបច្ចុប្បន្ន និងអនាគតយូរអង្វែងតរៀងទៅ។ ក្នុងនាមជាអាជ្ញាកណ្តាល គ.ជ.ប តែងតែបង្ហាញអំពីការយកចិត្តទុកដាក់ក្នុងការងារអប់រំ អ្នកបោះឆ្នោត ពិសេសចំពោះយុវជនខ្មែរទូទាំងប្រទេស ឱ្យចេះគិតពិចារណាប្រកបដោយហេតុផលច្បាស់លាស់ អំពីសកម្មភាពរបស់ខ្លួនក្នុងការចូលរួមការបោះឆ្នោត សំដៅកសាងនូវអនាគត ល្អ សម្រេចជោគជ័យក្នុងគោលដៅរួម ដែលមនុស្សគ្រប់រូបចង់បាន ។ ក្នុងនាមជាអជ្ញាកណ្តាល គ.ជ ប តែងតែបង្ហាញអំពីការបើកទឹកចិត្តយ៉ាងទូលំទូលាយ បង្ហាញពីឆ្នៈពិតប្រាកដ…

នៅរសៀលថ្ងៃ១២មករាឆ្នាំ២០២១នេះ លោកអ៊ូក សោភ័ណ ឯកអគ្គរាជទូតកម្ពុជាប្រចាំប្រទេសថៃ បានអនុញ្ញាតឱ្យប្រតិភូគណៈកម្មាធិការជាតិរៀបចំការបោះឆ្នោតថៃ (គ.ជ.ប) ដឹកនាំដោយលោកបណ្ឌិត Titichet Nutchanart ស្នងការ គ.ជ.ប ចូលជួបសម្តែងការគួរសម និងពិភាក្សាពីការពង្រឹងកិច្ចសហប្រតិបត្តិការទ្វេភាគី។ នៅក្នុងជំនួប លោក អ៊ូក សោភ័ណ បានជម្រាបលោកស្នងការអំពីប្រព័ន្ធបោះឆ្នោតនៅកម្ពុជា និងបានស្វាគមន៍គណៈប្រតិភូ គ.ជ.ប ថៃ ដែលមានបំណងចូលរួមជាអ្នកសង្កេតការណ៍អន្តរជាតិ ក្នុងការបោះឆ្នោតនៅកម្ពុជានាពេលខាងមុខ។ លើសពីនោះទៀត លោកឯកអគ្គរាជទូតកម្ពុជា ក៏បានលើកឡើងពីទំនាក់ទំនងល្អរវាងកម្ពុជា និងថៃ ព្រមទាំងកិច្ចប្រឹងប្រែងរបស់ស្ថានទូត ក្នុងការចូលរួមអនុវត្តសេដ្ឋកិច្ចការទូត ដែលផ្តោតសំខាន់លើវិស័យពាណិជ្ជកម្ម ទេសចរណ៍ និងវប្បធម៌។