កិច្ចសម្ភាសន៍តាមប្រព័ន្ធវីដេអូ ជាមួយ ឯ.ឧ ឌឹម សុវណ្ណារុំ សមាជិក និងជាអ្នកនាំពាក្យគណកម្មាធិការជាតិរៀបចំការបោះឆ្នោត ស្តីពីប្រធានបទការលើកពេលសាកល្បងបោះឆ្នោតក្រុមប្រឹក្សាឃុំសង្កាត់ឆ្នាំ២០២១៕

គណៈកម្មាធិការជាតិរៀបចំការបោះឆ្នោត (គ.ជ.ប) នៅថ្ងៃទី២១ ខែមេសានេះ បានចេញសេចក្តីប្រកាសព័ត៌មានបញ្ជាក់ថា ការបោះឆ្នោតលើកទី១ ដើម្បីជ្រើសរើសសមាជិកក្រុមប្រឹក្សាក្រុងបូកគោ នៃខេត្តកំពត នឹងត្រូវធ្វើឡើងនៅថ្ងៃទី២៥ ខែកក្កដា ឆ្នាំ២០២១។បើតាម គ.ជ.ប ដំណឹងនេះធ្វើឡើងដោយយោងតាមសេចក្តីសម្រេចរបស់រាជរដ្ឋាភិបាលកម្ពុជា លេខ៤៧ សសរ ចុះថ្ងៃទី១២ ខែមេសា ឆ្នាំ២០២១ ស្តីពីការប្រកាសកាលបរិច្ឆេទ នៃការបោះឆ្នោតលើកទី១ ដើម្បីជ្រើសរើសក្រុមប្រឹក្សាក្រុងបូកគោ នៃខេត្តកំពត។គ.ជ.ប បន្តថា យោងតាមអនុក្រឹត្យរបស់រាជរដ្ឋាភិបាលកម្ពុជា លេខ ៦៧ អនក្រ.បក ចុះថ្ងៃទី១២ ខែមេសា ឆ្នាំ២០២១ ស្តីពីការកំណត់ចំនួនសមាជិកក្រុមប្រឹក្សាក្រុងបូកគោនៃខេត្តកំពត សម្រាប់អាណត្តិទី១ មាត្រា១ «ត្រូវបានកំណត់ចំនួនសមាជិកក្រុមប្រឹក្សាក្រុងបូកគោ នៃខេត្តកំពត សម្រាប់អាណត្តិទី១ មានចំនួន ១៣នាក់ ដោយអនុលោមតាមមាត្រា ១៨ថ្មី នៃច្បាប់ស្តីពីការគ្រប់គ្រងរដ្ឋបាលរាជធានី ខេត្ត ក្រុង ស្រុក ខណ្ឌ»។ការបោះឆ្នោតជ្រើសរើសសមាជិកក្រុមប្រឹក្សាក្រុងបូកគោ មានអ្នកបោះឆ្នោតសរុបចំនួន ១៧រូប ជាក្រុមប្រឹក្សាសង្កាត់ក្នុងមុខតំណែងនៃសង្កាត់ចំនួន ៣ រួមមាន៖ សង្កាត់បឹងទូក មានអង្គបោះឆ្នោតចំនួន ៥រូប សង្កាត់កោះតូច មានអង្គបោះឆ្នោតចំនួន…

ឯកឧត្តម ស៊ិក ប៊ុនហុក ប្រធានគណៈកម្មាធិការជាតិរៀបចំការបោះឆ្នោត(គ.ជ.ប) បានបញ្ជាក់ នៅថ្ងៃពុធ ទី២១ ខែមេសា ឆ្នាំ២០២១ នេះថា ការលើកពេលអនុវត្តដំណើរការនៃការបោះឆ្នោតសាកល្បងជ្រើសរើសក្រុមប្រឹក្សាឃុំ សង្កាត់ ឆ្នាំ២០២១ ដោយសារតែការឆ្លងរីករាលដាលជំងឺកូវីដ១៩។ ការលើកឡើងរបស់ ឯកឧត្តម ប្រធានគ.ជ.ប មានខ្លឹមសារដូចអ្វីដែលមានការជូនដំណឹងរបស់គ.ជ.ប កាលពីពេលកន្លងទៅ។ ឯកឧត្តម ស៊ិក ប៊ុនហុក បានបន្ថែមថា ការឆ្លងរីករាលដាលជំងឺកូវីដ១៩ ជាហេតុធ្វើឲ្យការជួបជុំគ្នាមិនបាន ហើយការរៀបចំការបោះឆ្នោតសាកសល្បងនេះ។ «ចំនួនភូមិឃុំតិចមែនប៉ុន្តែវាមានការជួបជុំគ្នា និងជិតដល់ថ្ងៃដែលត្រូវដំណើរការនៃការបោះឆ្នោតសាកល្បង ក៏កើតមានសភាពការណ៍បែបនេះ វាជារឿងសត្យានុម័តមិនមែនអត្តនោម័តទេ។ ហេតុនេះអត្តនោម័តរបស់ គ.ជ.ប. វាត្រូវស៊ីជាមួយសត្យានុម័ត គឺសភាពការណ៍បែបនេះវានាំឲ្យមានការប៉ះពាល់និងការរៀបចំរបស់គ.ជ.ប វាមានភាពមិនគម្បីចំពោះនយោបាយរបស់រដ្ឋាភិបាលផង និងអាយុជីវិតរបស់ប្រជាពលរដ្ឋដែលគេចូលរួមអាចមានការឆ្លងជំងឺកូវីដ១៩» នេះជាការឱ្យដឹងបន្ថែមពីឯកឧត្តម ស៊ិក ប៊ុនហុក។ ឯកឧត្តម ប្រធាន គ.ជ.ប. បានបញ្ជាក់ថា “បើយោងការងារនៅពេលខាងមុខមានការធូរស្រាល យើងនឹងធ្វើឲ្យបាននៅមុនការចុះបញ្ជីគណបក្សនយោបាយនៅចុងឆ្នាំ២០២១ខាងមុខនេះ ប៉ុន្តែឥឡូវយើងផ្អាកសិនដោយសារសភាពការណ៍នៃការឆ្លងជំងឺកូវីដ១៩ វាកាន់តែធំទៅៗ ហើយបើយើងធ្វើវាមិនសមស្របជាមួយនឹងបរិបទ ហេតុនេះយើងត្រូវធ្វើឲ្យវាស៊ីជាមួយនឹងបរិបទសិន” សូមជម្រាបថា គណៈកម្មាធិការជាតិរៀបចំការបោះឆ្នោត គ្រោងនឹងរៀបចំដំណើរការនៃការបោះឆ្នោតសាកល្បងសម្រាប់ជ្រើសរើសក្រុមប្រឹក្សាឃុំ សង្កាត់ឆ្នាំ២០២១ នៅថ្ងៃទី២៣ ខែឧសភា…

គណៈកម្មាធិការជាតិរៀបចំការបោះឆ្នោត (គ.ជ.ប) នៅថ្ងៃអង្គារ ទី២០ ខែមេសា ឆ្នាំ២០២១ បានសម្រេចលើកពេលអនុវត្តដំណើរការនៃការបោះឆ្នោតសាកល្បង សម្រាប់ជ្រើសរើសក្រុមប្រឹក្សាឃុំ សង្កាត់ ឆ្នាំ២០២១។ យោងតាមសេចក្តីប្រកាសព័ត៌មានរបស់គ.ជ.ប ការសម្រេចលើកពេលនេះ ដោយសារតែ គ.ជ.ប បានពិនិត្យឃើញថា ស្ថានភាពនៃការឆ្លងរីករាលដាលជំងឺកូវីដ-១៩ នៅក្នុងព្រះរាជាណាចក្រកម្ពុជាបច្ចុប្បន្ន មានការរីករាលដាលកាន់តែធ្ងន់ធ្ងរឡើងៗ។ជាមួយគ្នានេះដែរ កិច្ចប្រជុំពិគ្រោះយោបល់ជាមួយភាគីពាក់ព័ន្ធតាមអនឡាញ ដែលគ្រោងនឹងប្រព្រឹត្តទៅនៅថ្ងៃទី២១ ខែមេសា ឆ្នាំ២០២១ ក៏ត្រូវបានលើកពេលផងដែរ។សូមបញ្ជាក់ថា គណៈកម្មាធិការជាតិរៀបចំការបោះឆ្នោត គ្រោងនឹងអនុវត្តដំណើរការនៃការបោះឆ្នោតសាកល្បងនៅថ្ងៃទី២៣ ខែឧសភា ឆ្នាំ២០២១ ខាងមុខនេះ នៅក្នុងឃុំ សង្កាត់ គោលដៅចំនួន ២៥នៃរាជធានី-ខេត្តទាំងអស់ទូទាំងប្រទេស ប៉ុន្តែដោយបញ្ហានៃការីករាលនៃជំងឺកូវីដ-១៩ គ.ជ.ប នឹងផ្តល់កាលបរិច្ឆេទនៃការអនុវត្តការបោះឆ្នោតសាកល្បងនេះជាថ្មី តាមលទ្ធភាពដែល គ.ជ.ប អាចធ្វើបាន បន្ទាប់ពីស្ថានភាពនៃការឆ្លងរីករាលដាលជំងឺកូវីដ-១៩ ត្រូវបានគ្រប់គ្រងទាំងស្រុង៕

សេចក្តីសម្រេចរបស់រាជរដ្ឋាភិបាល ស្តីពីការប្រកាសកាលបរិច្ឆេទនៃការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ គឺត្រូវបានកំណត់យកថ្ងៃទី០៥ ខែមិថុនា ឆ្នាំ២០២២