យោងតាម​សេចក្តីប្រកាស​ព័ត៌មាន​របស់​គ​.​ជ​.​ប​ ​នៅ​ថ្ងៃទី០​៧ ខែមីនា ឆ្នាំ​២០២២ បាន​បញ្ជាក់ថា​ការដាក់​ពាក្យសុំ​ចុះបញ្ជីបេក្ខជន​នៃ​គណបក្សនយោបាយ​ឈរឈ្មោះ​បោះឆ្នោត​ជ្រើសរើស​ក្រុមប្រឹក្សាឃុំ សង្កាត់ អាណត្តិ​ទី​៥​ នៅតាម​បណ្ដាគណៈកម្មការ​ឃុំ សង្កាត់​រៀបចំ​ការបោះឆ្នោត​ (​គឃ​.​សប​) បានបញ្ចប់​ហើយ ដោយមាន​គណបក្សនយោបាយ​ចំនួន១៧ បានដាក់​ពាក្យសុំ​ចុះបញ្ជី​បេក្ខជន​។​ ​របាយការណ៍​បណ្ដោះអាសន្ន​ថ្ងៃទី​០៦ ខែមីនា ឆ្នាំ​២០២២ គិត​ត្រឹម​វេលា​ម៉ោង ៥:៣០ នាទី​ល្ងាច បានឱ្យដឹងថា​គណបក្សន​យោ​យ​បាយ​ទាំង១៧ ដែល​បានដាក់​ពាក្យសុំ​ចុះបញ្ជី​បេក្ខជន​សរុប​ចំនួន ៨២.៧៨៦ រូប ក្នុងនោះ​ស្ត្រី​សរុប​ចំនួន ២៥.៩៦៣ រូប​។

ការចុះបញ្ជីនៃគណបក្សនយោបាយឈរឈ្មោះសម្រាប់ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២ រយៈពេល៣ថ្ងៃ គឺចាប់ពីថ្ងៃទី០៤-០៦ ខែមីនា ឆ្នាំ២០២២ បានបិទបញ្ចប់ហើយ។ គណ:កម្មការឃុំ សង្កាត់រៀបចំការបោះឆ្នោត បានទទួលពាក្យសុំចុះបញ្ជីបេក្ខជន នៃគណបក្សនយោបាយឈរឈ្មោះ សរុបចំនួន១៧គណបក្សនយោបាយ ដែលមានបេក្ខជនសរុបចំនួន៨២.៧៨៦រូប ក្នុងនោះស្រីចំនួន២៥.៩៦៣រូប។ នេះបើយោងតាមមន្ត្រីជាន់ខ្ពស់គណ:កម្មាធិការជាតិរៀបចំការបោះឆ្នោតថ្លែងប្រាប់ AMS នៅយប់ថ្ងៃទី០៦ ខែមីនា ឆ្នាំ២០២២នេះ។