តេហេរ៉ង់ ៖ អ្នកនាំពាក្យក្រសួងការបរទេសអ៊ីរ៉ង់ លោក Esmaeil Baghaei អះអាងនៅថ្ងៃពុធនេះថា អាមេរិក បានវាយប្រហារគុយវ៉ែត ជាមួយយន្តហោះដ្រូនដែលចម្លងម៉ូតតាមដ្រូនរបស់អ៊ីរ៉ង់ ដើម្បីធ្វើទីផ្សារប្រព័ន្ធការពារដែនអាកាស លក់ឲ្យទៅប្រទេសឈូងសមុទ្រមួយនេះ ។ លោក Esmaeil Baghaei រៀបរាប់ថា «វិធីសាស្ត្រចម្លងម៉ូតដ្រូនអ៊ីរ៉ង់ទាំងនេះ ត្រូវបានប្រើប្រាស់ ក្នុងល្បឿនលឿន គួរឱ្យកត់សម្គាល់ ។ លោកថា អាមេរិកបានអនុវត្តប្រតិបត្តិការក្លែងក្លាយ ដោយដាក់ពង្រាយយន្តហោះដ្រូនប្រភេទ Lucas ចម្លងម៉ូតតាមរបស់អ៊ីរ៉ង់ ដូចគ្នាប៊ិះបិទ ដើម្បីធ្វើទីផ្សារប្រព័ន្ធការពារដែនអាកាស ប្រឆាំងយន្តហោះដ្រូន របស់អាមេរិក លក់ទៅប្រទេសគុយវ៉ែត»។ បើតាមទីភ្នាក់ងារ Tass, ការលើកឡើងរបស់លោក Esmaeil Baghaei បន្ទាប់ពីក្រសួងការបរទេសសហរដ្ឋអាមេរិក បានអនុម័តការលក់ប្រព័ន្ធប្រឆាំងយន្តហោះដ្រូនដ៏ច្រើនលើសលុប ឲ្យទៅប្រទេសគុយវ៉ែត។ ការចោទប្រកាន់នេះទៀតសោត ក៏បានធ្វើឡើង នៅ១សប្តាហ៍ប៉ុណ្ណោះ បន្ទាប់ពីឆ្មាំបដិវត្តន៍អ៊ីរ៉ង់ ចេញុមុខបដិសេធការទទួលខុសត្រូវ ចំពោះការវាយប្រហារលើអាកាសយានដ្ឋានអន្តរជាតិ ប្រទេស គុយវ៉ែត ដោយអះអាងថា ជាស្នាដៃរបស់មីស៊ីលអាមេរិក ដែលមានបញ្ហាបច្ចេកទេស។ អាជ្ញាធរអាកាសចរណ៍ស៊ីវិលគុយវ៉ែតបាននិយាយថា កាលពីថ្ងៃទី៣ ខែមិថុនាថា ស្ថានីយអ្នកដំណើរ…

មូស្គូ ៖ អ្នកនាំពាក្យវិមានក្រឹមឡាំង លោក Dmitry Peskov បានថ្លែងអះអាងនៅថ្ងៃ អង្គារ ថា បច្ចុប្បន្ន ប្រធានាធិបតីរុស្ស៊ី លោក Vladimir Putin និងមេដឹកនាំសហរដ្ឋអាមេរិក លោក Donald Trump នៅមិនទាន់មានគម្រោងនិយាយទូរស័ព្ទជាមួយគ្នា ទាក់ទិននឹងបញ្ហាសង្គ្រាមអ៊ុយក្រែននៅឡើយទេ ។ ប៉ុន្តែលោកបានទទួលស្គាល់ថា ក្រុមអ្នកចរចារបស់សហរដ្ឋអាមេរិក ដឹកនាំដោយលោក Steve Witkoff និងលោក Jared Kushner នៅតែបន្តរក្សាទំនាក់ទំនង ទាំងជាមួយរុស្ស៊ី និងអ៊ុយក្រែន ដើម្បីព្យាយាមស្វែងរកដំណោះស្រាយបញ្ឈប់ជម្លោះដ៏រុំារ៉ៃ ដែលអូសបន្លាយពេលជាង ៤ ឆ្នាំកន្លងមកនេះ ។ លោក Peskov ដែលជាមនុស្សជំនិតបំផុតរបស់លោកប្រធានាធិបតី Putin បានទទួលស្គាល់ថា ដំណើរការសម្របសម្រួលសន្តិភាពអ៊ុយក្រែន ពិតជាត្រូវបានផ្អាកជាបណ្តោះអាសន្ន ។ បើតាម Straits Times, មូលហេតុដែលការចរចានេះ បានជាប់គាំង កាលពីខែកុម្ភៈ គឺដោយសារតែសហរដ្ឋអាមេរិក និងអ៊ីស្រាអែល បានព្រួតគ្នាវាយប្រហារលើអ៊ីរ៉ង់ ដែលបង្កឱ្យសង្គ្រាមថ្មីមួយផ្ទុះឡើងនៅមជ្ឈិមបូព៌ា…

វ៉ាស៊ីនតោន ៖ ការចំណាយលើអាវុធនុយក្លេអ៊ែរ របស់អាមេរិកកើនឡើង ២២% ពោលគឺជិត៧០ពាន់លានដុល្លារ កាលពីឆ្នាំ២០២៥ នេះបើតាមអង្គការមិនមែនរដ្ឋាភិបាលស្វីស បង្ហាញឲ្យដឹង កាលពីថ្ងៃអង្គារ។ ការចំណាយរបស់សហរដ្ឋអាមេរិក លើអាវុធនុយក្លេអ៊ែរ បានកើនឡើង ២២% ក្នុងឆ្នាំ២០២៥ ធៀបនឹងឆ្នាំ២០២៤ ដែលឈានដល់ ៦៩.២ពាន់លានដុល្លារ នេះបើយោងតាមទិន្នន័យដែលបានចេញផ្សាយដោយយុទ្ធនាការអន្តរជាតិដើម្បីលុបបំបាត់អាវុធនុយក្លេអ៊ែរ ហៅកាត់ ICAN។ អង្គការនេះបាននិយាយ នៅក្នុងរបាយការណ៍របស់ខ្លួនថា «ជាថ្មីម្តងទៀត សហរដ្ឋអាមេរិកបានចំណាយច្រើនជាងរដ្ឋដែលមានអាវុធនុយក្លេអ៊ែរផ្សេងទៀតទាំងអស់រួមបញ្ចូលគ្នា ពោលគឺ ៦៩.២ ពាន់លានដុល្លារ»។ យោងតាម ICAN, ប្រទេសចិនជាប់ចំណាត់ថ្នាក់លេខ ២ ក្នុងការចំណាយអាវុធនុយក្លេអ៊ែរ។ បន្ទាប់មក គឺចក្រភពអង់គ្លេស និង រុស្ស៊ី ។ បើតាម Tass, យុទ្ធនាការអន្តរជាតិដើម្បីលុបបំបាត់អាវុធនុយក្លេអ៊ែរ គឺជាសម្ព័ន្ធនៃអង្គការមិនមែនរដ្ឋាភិបាលដែលបានបង្កើតឡើង ក្នុងឆ្នាំ២០០៧ ក្នុងគោលបំណងលុបបំបាត់អាវុធនុយក្លេអ៊ែរទាំងស្រុង ហើយបានទទួលរង្វាន់ណូបែលសន្តិភាព នៅឆ្នាំ ២០១៧៕ ប្រភព ៖ Tass ប្រែសម្រួល ៖ សារ៉ាត

វ៉ាស៊ីនតោន ៖ ប្រធានាធិបតសហរដ្ឋអាមេរិក លោក Donald Trump បានអះអាងជាថ្មីកាលពីថ្ងៃ អង្គារ ថា អ្នកចរចាកំពុងស្ថិតក្នុងដំណាក់កាលចុងក្រោយ នៃការចរចា ដើម្បីឈានដល់កិច្ចព្រមព្រៀងសន្តិភាពនៅមជ្ឈិមបូព៌ា ហើយថា វាអាចនឹងចំណាយពេល ពីរឬបីថ្ងៃទៀតប៉ុណ្ណោះ ។ លោក Trump បាននិយាយម្តងហើយម្តងទៀតថា កិច្ចព្រមព្រៀងសន្តិភាពជាមួយអ៊ីរ៉ង់ គឺជិតមកដល់ហើយ ប៉ុន្តែការពិតជាក់ស្តែង អ្នកវិភាគមើលឃើញថា ការចរចាការទូតបានជាប់គាំង ហើយភាគីទាំងពីរនៅតែបន្តវាយប្រហារគ្នាឥតឈប់ឈរ បើទោះបីជាមានបទឈប់បាញ់ចាប់តាំងពីថ្ងៃទី៨ ខែមេសាក៏ដោយ ។ យ៉ាងណា មេដឹកនាំអាមេរិករូបនេះ បានអះអាងជាថ្មីនៅចំពោះអ្នកយកព័ត៌មាន បន្ទាប់ពីវិលត្រឡប់មកពីទស្សនាការប្រកួតបាល់បោះ NBA វគ្គផ្តាច់ព្រ័ត្រ ថា អ៊ីរ៉ង់ និងអ៊ីស្រាអែលកំពុងវិលត្រឡប់មករកតុចរចាវិញហើយឥឡូវនេះ បន្ទាប់ពីភាគីទាំងពីរយល់ព្រមបញ្ឈប់អរិភាពថ្មីៗទៀត ។ លោកថា ភាគីទាំងពីរបានយល់ព្រមតាមខ្ញុំ ដើម្បីបញ្ឈប់ការប្រយុទ្ធគ្នា ហើយអ្នកចរចាយើងកំពុងស្ថិតក្នុងដំណាក់កាលចុងក្រោយ នៃអ្វីដែលនឹងក្លាយជាកិច្ចព្រមព្រៀងសន្តិភាពដ៏ល្អមួយ ដែលទំនងជាចំណាយពេលត្រឹម ២ ឬ ៣ថ្ងៃប៉ុណ្ណោះ ។ គួរបញ្ជាក់ថា សម្រាប់សង្គ្រាមនៅមជ្ឈិមបូព៌ា, បទឈប់បាញ់មួយត្រូវបានសម្រេច កាលពីថ្ងៃទី៨ ខែមេសា តាមរយៈការសម្រុះសម្រួលពីប្រទេសប៉ាគីស្ថាន…

វ៉ាស៊ីនតោន ៖ មហាអំណាចនុយក្លេអ៊ែរទាំង ៩ របស់ពិភពលោក បានចំណាយលុយសរុបលើកម្មវិធីអាវុធបរមាណូរបស់ពួកគេ រហូតដល់ ១១៩ ពាន់លានដុល្លារ ក្នុងឆ្នាំ ២០២៥ ដែលនេះជាកម្រិតខ្ពស់បំផុតមិនធ្លាប់មាន ។ តួលេខនេះ ស្ទុះឡើងចំនួន ១៩ ភាគរយ បើប្រៀបធៀបនឹងឆ្នាំ ២០២៤ ដែលមានត្រឹមតែជាង ១០០ ពាន់លានដុល្លារប៉ុណ្ណោះ ។ បច្ចុប្បន្នប្រទេសមានអាវុធនុយក្លេអ៊ែរក្នុងដៃ រួមមានសហរដ្ឋអាមេរិក រុស្ស៊ី ចិន បារាំង អង់គ្លេស ឥណ្ឌា កូរ៉េខាងជើង អ៊ីស្រាអែល និងប៉ាគីស្ថាន ។ យោងតាមរបាយការណ៍ថ្មីមួយ របស់យុទ្ធនាការអន្តរជាតិ ដើម្បីលុបបំបាត់អាវុធនុយក្លេអ៊ែរ ហៅកាត់ ICAN បានឱ្យដឹងថា រដ្ឋដែលមានអាវុធនុយក្លេអ៊ែរទាំងនេះ បានបង្កើនការចំណាយលើឃ្លាំងអាវុធប្រល័យលោកក្នុងម្នាក់ជិត ១៧ ពាន់លានដុល្លារ កាលពីឆ្នាំ ២០២៥ ។ របាយការណ៍ដដែលបញ្ជាក់ថា សហរដ្ឋអាមេរិកបានចំណាយខ្ពស់ជាងមហាអំណាចនុយក្លេអ៊ែរដទៃទៀតទាំងអស់រួមបញ្ចូលគ្នា ពោលគឺចំនួន ៦៩.២ ពាន់លានដុល្លារ កើនឡើង ២២ ភាគរយ…

ប៉ារីស ៖ ប្រទេសបារាំង និងអាល្លឺម៉ង់ កាលពីថ្ងៃ អង្គារ បានសម្រេចចិត្តបំផ្លាញចោលជាផ្លូវការ នូវគម្រោងអភិវឌ្ឍយន្តហោះចម្បាំងជំនាន់ទី ៦ រួមគ្នា ដែលជាផ្នែកមួយនៃគម្រោង Future Combat Air System ហៅកាត់ថា FCAS ដែលមានតម្លៃរហូតដល់ ១១៦ ពាន់លានដុល្លារ ។ បើតាម Aljazeera, គំនិតផ្តួចផ្តើមផលិតយន្តហោះចម្បាំងជាប្រវត្តិសាស្រ្តនេះ ត្រូវបានបង្កើតឡើងតាំងពីឆ្នាំ ២០១៧ មកម្ល៉េះ ដោយប្រធានាធិបតីបារាំង លោក Emmanuel Macron និងអតីតអធិការបតីអាល្លឺម៉ង់ លោកស្រី Angela Merkel ។ គម្រោង FCAS បង្កើតឡើងមានគោលបំណងអភិវឌ្ឍយន្តហោះចម្បាំងជំនាន់ថ្មី ដើម្បីជំនួសយន្តហោះចម្បាំង Rafale របស់បារាំង និងយន្តហោះចម្បាំង Eurofighter របស់អង់គ្លេស អាល្លឺម៉ង់ និងអេស្ប៉ាញនៅឆ្នាំ ២០៤០ ។ ប៉ុន្តែមហិច្ឆតាការពារជាតិដ៏ធំបំផុតរបស់អឺរ៉ុបមួយនេះ បានរលាយសូន្យត្រឹមតែមួយប៉ប្រិចភ្នែកប៉ុណ្ណោះ បន្ទាប់ពីអធិការបតីអាល្លឺម៉ង់បច្ចុប្បន្ន គឺលោក Friedrich Merz…